Lucas 8:13 - La'aqtaqa Ñim Lo'onatac 'Enauacna 2013

¹³ Qaq asom nañiguishe maye tatelec so 'alhua maye ỹalliigui na coma', qalaq naigui ca shiỹaxaua maye na'axaỹaxaatega da na'aqtac qalaq huo'o da ntonaxac. Qalaxaye ye saishet da ỹoqta ỹaỹateeta, nache da huo'o ye ivireguet lqalaic, nache saqaỹaloq da ỹaxanec da lpi'iỹaxac Ñim Lo'onatac 'Enauacna.

Nuevo Testamento Toba Sur

¹³ Qaq asom nanguishi mayi tajlec so 'alhua mayi ÿalliigui na coma', qalaq naigui ca shiÿaxaua mayi n'axaÿaxaatega da n'aqtac, qalaq huo'o da ntonaxac. Qalaxayi qaica ca ÿoqta huo'o ca lpa'a'q da n'aqtac. Cada'ac da da'amqajnataxan, qalaxayi da nvita ca ñi'iguenataguec, nachi dashiuec.

Nuevo Testamento Toba Sombrero Negro

¹³ Jaga'me peta jo'ne tachi'ñalo ga'me qadipi yelo'tegueta gaa'me jo'ne domachita da'me Dios 'laqataĝanaĝac qama'le made'tape da'me yacoteguet. Qalaĝaja ja jalcote qayada'ñelo gaa'me patadi: cada'ac 'uo da'me 'lamaqatenataĝanaĝa'j, qalaĝaja yovita da'me 'uo ga'me napiyenague'j qama'le ja naloteguet.

Lucas 8:13 Referans Kwoze

Oseas 6:4

Qaq Ñim Nataxala', 'eeta': ¿Ca sheeteco', 'am Efraín? Qataq ¿ca sheeteco', 'am Judá? Cha'aye da qarauotaxanaqtaiqui da sheeta, qalaq 'eeta'am na sheue ye nte'eta, qataq na 'aỹa da ña nte'etom nache quiguiñi.

Ezequiel 33:32

Namayepi 'am ỹamata'ac da qoneta'am ca 'onaxanaxaic maye ỹo'ootac na no'onecpi maye huetaigui da nauotaxanaqtaic, qataq 'onaxaic da lavilỹaxac, qataq ỹaỹaten da ivicñigui ana arpa. Namayepi hua'aqtegalo naua 'ara'aqtaqa, qalaxaye saishet da ỹo'o't.

Proverbios 12:12

Na qauem qoỹeetapeguec nachena na loxonaxanaxat na qauemaicpi, qaq na no'on da lataxac qalaq ñaxatec, nache huo'o da alaỹaxac.

Judas 1:12

Namayepi ỹataqta ỹo'ot da na'agaxa da ỹalectaigui da qarquia'axaqui maye naigui da nsoxoyec. Cha'aye namayepi da deque'e qataq da nỹom, qalaq saishet da iuata'a na laỹepi. Namayepi huotaique da nataxala'pi, qalaxaye maiche nhuogoqtapeguela't, 'eeta'am na napo maye qaica ca lla'ac 'etaxat, choche ỹachetac na la'at. Nataqa'en 'ena'am aca qo'oipaq maye qaca aca ala, cha'aye maye qanapogosheguem, qanmachetcheguem na lpa'a'pi, nache ỹataqta daqaqta.

2 Pedro 2:22

Qaq ne'ena shiỹaxauapi ỹachaxan da 'eesa naxa de'era na'aqtac maye 'eeta': «Ca pioq maiche ipacta da chec ca alolaxat», qataq de'era lỹa na'aqtac naxa 'eeta': «Aca cos late'e maye cheta'ague da qanachelaxaatac, qalaq ipacta da ncogangui ca nshaxa.»

2 Pedro 2:20

Cha'aye nataqa'en nam mashe ỹauatton So Qarataxala' qataq Qarca'alaxaqui Jesucristo, namayepi saishet da quetague' da lataxac na 'etaxaloxoicpi maye huetalec ana 'alhua. Qalaxaye da maiche nasheeteuo da ỹe'eguelaxa da ỹatenachet ne'ena lataxacpi qataq hua'aqta'a da ỹauectac da ñe'etaxaloxo, nache namayepi ỹataqta ỹactec da ỹo'ot sa ỹaỹamaxañi saq 'ena'am so hua'auchiguiñi.

Hebreos 10:39

Sanqot da qana'achec Ñim Lo'onatac 'Enauacna, cha'aye qomi' saishet da shenaqta'am nam ỹaxanec Ñimaye, nache ivira'a da qaỹauo'o ca nhuaxanaguec. Nachaqrata da nacheqomi' maye saconaxaguet da nca'alaxa souaxat da huo'o da qarpi'iỹaxac Ñim Lo'onatac 'Enauacna.

Efesios 3:17

Qataq seỹaxaatacot Ñim Lo'onatac 'Enauacna da yaqto' So Cristo ishet da netaiguilo naua qarquiyaqchilli' souaxat da huo'o da qarpi'iỹaxaqui Somaye, qataq yaqto' qami' ỹataqta qauauochec Ñim Lo'onatac 'Enauacna qataq na laỹepi shiỹaxauapi.

Isaías 58:2

Namayepi, 'eetega 'enauaque naua na'axa'te da Aỹem nmittaique, qataq machiguiñi da ỹauatton da ñeqa'aicỹaxac, 'eeta'am ca nhuo' le'ecpi maye ỹo'ottac da nalochiguiñi lataxac, qataq da saỹauanega da ca'aisalo naua lqataxaco Ñim Natamnaxala'. Qaq namayepi aỹem dequicto'ot da sanem na no'on ỹamaxasoxonaxacpi, nache namayepi ỹachaxan da machiguiñi naxa da aỹem nquigueua'a,

Santiago 2:26

'Eeta'am ca no'ocỹaxac da mashe ca'ai so saqcha'a lca'alaxa, nache camaye ileu, qaq nache 'eetec nataqa'en da npi'iỹaxac Ñim Lo'onatac 'Enauacna, damaye leuaxaic da saishet da nnaictague' cam no'on qaỹo'ot.

1 Timoteo 1:19

Qataq 'ana'añaxatec da 'arpi'iỹaxac qataq da no'on 'arvilỹaxac. Cha'aye mashe huo'o na ilamaqauec, ca'ai da lpi'iỹaxac, souaxat da sa ỹalaxalec da ỹaỹamaqchiguiñi lavilỹaxac.

1 Ts 3:5

Ỹoqo'oye aỹem co'ollaq sa yalo'oguet da iuennataxa da qoñiita, nache samaq ñi Timoteo da ichemaxata da huo'otaq ñaq huo'o da qarpi'iỹaxaqui Ñim Lo'onatac 'Enauacna. Cha'aye huo'o da itelaxa da huo'otaq qami' ỹatenache't so pa'aguenataxanaxaic, nache qaica ca naigui naqa'en da qaro'onataxanaxac.

Colosenses 2:7

Cha'aye mashe qami' napaxaguenataqa, qaq ỹoqo'oye qanquigaxachiitasheguem da qarpi'iỹaxaqui Somaye, qataq qaualaqaigueta naua lapaxaguenataxanaxaco yaqto' qanquiquiita'aguet da no'on da qarataxaqui, qataq nache 'eetai' da qaỹa'añiitacot da qana'achecỹaxaqui Ñim Lo'onatac 'Enauacna.

Gálatas 3:4

¿Peta'a saisheto' da huo'o ca naigui 'enauac da qanque'eenaxaqui? ¡'Onaxaico' da huo'o ca qauachegoxochiỹaigui damaye!

Gálatas 3:1

¡Aicoue, qami' maye qarmaye na 'alhua Galacia, ỹataqta qaico' ca qauaỹaañiỹapec! ¡Ivira'a da 'eeta'am da huo'o ca qami' ira'n! Aỹem ỹataqta ỹataqtegue da ỹa'aqtaxanaxac da qami' sa'aqtaxaateguema da 'eetec da l-leuaxa So Jesucristo co'ollaq qaiuaxaneguet so npe'enaxaqui.

1 Corintios 15:2

Da qoquiito'ot da qanaquitaxaqui de'era no'on na'axaỹaxac, nache qarca'alliiuec. Qaq da saishet, nache qaica ca naigui damaye co'ollaxa da qauacoñiiguet.

Juan 15:6

Qaq cam saishet da Aỹem na'attaua'a, nache camaye 'eeta'am aca lcoue da saishet da huo'o aca ala, nache qaicheguec qataq qaỹasaxauec, qaq da deqaqa, nache qaỹavigaxat.

Juan 15:2

Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Proverbios 12:3

Da qauem saishet da nache 'eetai' da na'attañi naqa'en ca shiỹaxaua, qaq ca no'on da lataxac qalaq nache 'eetai' da na'attañi qaica ca iraxanai'.

Da na'aqtaguec so Job 19:28

Qaq da nache aỹem qaucañiitac nache maiche qannacheela't ta'ainco', cha'aye 'enauac ne'ena qauempi, maiche aỹem chegaqaigui.

Colosenses 1:23

Qaq ỹoqo'oye qami' iuen da saishet da qaỹa'axañiiuec da qarpi'iỹaxaqui qataq da qanaquitaxaqui, maye qauachegoxochiichigui da no'on na'axaỹaxac maye chegaqaigui da nca'alaxa maye qaua'aqaichigui. Qaq de'era na'aqtac nachera da qaỹa'axattac 'enauaque naua 'aleu' ana 'alhua. Qaq aỹem Pablo nachera da sa'axattac.

1 Corintios 13:2

Da qaica ca isoxoyec, nache qaica ca naigui da sa'axattac da la'aqtaxanaxac Ñim Lo'onatac 'Enauacna qataq da sheetega da saỹaten nam saqcha'a lapaxañipi Ñimaye. Nataqa'en qaica ca naigui da ipi'iỹaxac Ñim Lo'onatac 'Enauacna, na'aictaxa da ishet da nqochenaxat aca qaỹoqotcheguemec 'alhua.

Marcos 6:20

Qaq so Herodes ỹataqta ñi'iỹa so Juan, ỹoqo'oye npaxattalec, cha'aye ỹaỹaten da so Juan ỹataqta no'on da lataxac, qataq qui'itta. Na'aictaxa so Herodes da saishet da ỹaỹaten ca 'eetec naxa da na'axaỹaxaatega da detaqtac somaye, qalaxaye saishet da saq na'axaỹaxana.

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

Lucas 8:12

Qaq asom nañiguishe maye tatelec so nqa'aic, qalaq naigui ca shiỹaxaua maye na'axaỹaxaatac. Qalaxaye anac som pa'aguenataxanaxaic, nache ỹo'otec da icoua'ai naqa'en som na'aqtac maye huetaigui añi lquiyaqte, yaqto' saishet da da'amqaanataxan qataq saishet da ỹaconeguet da nca'alaxa maye ỹachaxaatac Ñim Lo'onatac 'Enauacna.

Lucas 8:14

Qaq asom nañiguishe maye tatelec som 'alhua maye huo'o ana ỹaxat, qalaq naigui ca shiỹaxaua maye na'axaỹaxaatega da na'aqtac. Qalaxaye saishet da hua'aqta'a damaye da naralaxat da nachaalataxac, nachaqrata da iuennatega nam yo'oqchigui lhuenaxanaxa da qanauec aca anom qataq da 'eetec da iqopitaxaatac da nachaalataxac.