Lucas 8:11 - La'aqtaqa Ñim Lo'onatac 'Enauacna 2013

¹¹ Som saloqnaxaatega dam naigui 'eeta': Aso nañiguishe ala naigui da qaỹa'axattac da la'aqtac Ñim Lo'onatac 'Enauacna.

Nuevo Testamento Toba Sur

¹¹ Qaq 'eda da naigui som saloqnaxaatega, 'eeta': Aso nanguishi ala naigui da qai'axattac da l'aqtac ñi Dios.

Nuevo Testamento Toba Sombrero Negro

¹¹ “Dojo' da'me jo'ne yelo'teguet da'me jaloqotenaĝana: jaga'me peta 'yaĝatetac da'me 'laqataĝanaĝac ñe'me Dios.

Lucas 8:11 Referans Kwoze

Mateo 13:19

Huo'o na na'axaỹaxaatega da na'aqtaguec da lo'onataxanaxac Ñim Lo'onatac 'Enauacna, qalaxaye ye saishet da ỹaỹaten, nache so pa'aguenataxanaxaic anac, nache ỹo'otec da icoua'ai de'era na'aqtaxanaxac. Qaq 'ena nam 'eeta'am aso nañiguishe ala maye tatelec so nqa'aic.

Santiago 1:21

Qaq ỹoqo'oye qaỹa'axañiiñi da qauo'ocheetac na qauem, cha'aye ỹapac mashe ỹaguec na qauem ana 'alhua. Saishet da qauo'oche da qauem; cha'aye da nache qoñiitec de'era, nache da qanachaalataxaqui nlaguiñi, 'eeta'am ca hualoq laỹe maye ltoqchet na lshepaxanaxa. Nachaqrato' da qami' huesotte' da qauacoñiiguet da la'aqtaxanaxac Ñim Lo'onatac 'Enauacna maye qami' ỹanema. De'era na'aqtaxanaxac ỹataqta huo'o da la'añaxac da qami' nca'alaxatre'c.

Isaías 8:20

da yaqto' ỹaconeguet ca napaxaguenataxanaxac huo'otaq ca na'aqtac? Qaq 'era qome da la'aqtac namayepi qalaxaye de'era la'aqtac namayepi choche 'oopashec.

Mateo 13:18

Qaq nagui qana'axaỹaxañiỹa dam naigui som ỹale maye danaxaatac.

Marcos 4:13

So Jesús 'enapeco': «Da sa qauaỹaañiguet aso saloqnaxaatega nañiguishe ala, nache ¿ca 'eeteco' da ishet da qauaỹaañiteguet na laỹepi ỹaloqnaxanaxatpi?

Lucas 8:12

Qaq asom nañiguishe maye tatelec so nqa'aic, qalaq naigui ca shiỹaxaua maye na'axaỹaxaatac. Qalaxaye anac som pa'aguenataxanaxaic, nache ỹo'otec da icoua'ai naqa'en som na'aqtac maye huetaigui añi lquiyaqte, yaqto' saishet da da'amqaanataxan qataq saishet da ỹaconeguet da nca'alaxa maye ỹachaxaatac Ñim Lo'onatac 'Enauacna.