Lucas 7:7 - La'aqtaqa Ñim Lo'onatac 'Enauacna 2013

⁷ Qataq nataqa'en aỹem sela'a da saishet da saiguet da 'am sepaca'a da 'am she'eguena'a. Nachaqrata da 'am ñachoxonnot da 'auauo'o ca 'ara'aqtac, da yaqto' no'oita ye ỹamaxashec, cha'aye aỹem sa'amaqten da yemaye ishet da no'oita.

Nuevo Testamento Toba Sur

⁷ Ÿoqo'oyi aÿim sa ishit da da'angui yi iuel da 'am sepaca'a da 'am shi'iguena'a. Qaq ÿoqo'oyi no'on qome da nachaqcata da 'ad'aqtac 'ai'an, yaqto' ñi ilatac ishit qome da no'oita.

Nuevo Testamento Toba Sombrero Negro

⁷ qo'che' ja ch'e yichiquetelegue ta'le mach'e jayem da'me am jelaque. Qama'le nayi nach'edata da'me aua'uo ga'me at'aqatac qama'le di'me yalemaĝajet yemegue qomle.

Lucas 7:7 Referans Kwoze

Salmos 107:20

Qataq namaxa so la'aqtac nache nataren, qataq nqateeguesop aso huachiqui.

Lucas 4:36

Nache 'enauac so shiỹaxauapi ỹataqta huo'o da lcolanaxa, nache detaqtega't, 'eeta': «¿Negue't de'era na'añaxac maye hueto'ot de'era ỹale? Ye dam da' ỹale ỹataqta huo'o naq 'enec, qataq huo'o da la'añaxa'c naua la'aqtaqa da ỹamaq so saqcha'a na'añaxac leguemaxaicpi, nache somayepi ỹalaq da jec.»

Salmos 33:9

Cha'aye Ñimaye co'ollaq choche detaqa nache ime naqa'en 'enauacna, qataq co'ollaq choche ỹan da la'aqtac nache ime da nalochiguiñi naqa'en namayepi.

Marcos 1:27

Nache so shiỹaxauapi ỹataqta huo'o da la'aalaxa, nache nnattega't, 'eeta': «¿Negue't de'era? ¿Peta'a dalaxaic napaxaguenataxanaxac? ¿Negue't de'era na'añaxac maye hueto'ot de'era ỹale? Ye dam da' shiỹaxaua ỹataqta huo'o naq 'enec da damaxasoxon, ivira'a nam na'añaxacpi saqcha'a da 'enapega da jec, ¡nache namayepi ỹalaxaguet!»

Lucas 5:13

Nache So Jesús ipoteua'a somaye, nache 'enapega, 'eeta': –¡Aja', seshet! ¡Nagui 'am no'oita! Nache saqaỹaloq da qaica so lalolaxa se'eso sa no'on.

Deuteronómio 32:39

Ña qauloỹa nagui da nachaỹemta Atamnaxala', qaica ca lỹa atamnaxala' da aỹem 'eeta'am. Cha'aye Aỹem san da nca'alaxa qataq so'ot da nleuaxa, qataq so'ot ca nque'emaxa qataq ishet da ñataren. Qataq qaica ca ỹet da la'añaxa'c naua ihuaxaye.

1 Samuel 2:6

Ñim Nataxala' ỹan, qataq nqat da achaalataxac, qataq saxangui naqa'en aca huachiqui, qalaxaye nataqa'en ishet da qomi' nqatsheyegue'm.

Éxodo 15:26

Nache 'enapeco' da la'aqtac: «Aỹem Nachaỹem Nataxala' maye Qanatamnaxala'ai, qami' qom ỹataqta qauloitelec da ỹa'aqtac, qataq qom qauo'oche cam saỹamaxareeta, qataq qaualaqailec da ỹamaxasoxonaxac, qataq da qaupaquiiteleguete naua iqataxaco, nache aỹem saishet qome da ñamaq na nalolaxapi maye ñamaxa co'ollaxa ye Egipto le'ecpi, cha'aye aỹem Nachaỹem Nataxala' maye ishet da qami' ñatare'n».

Lucas 7:6

Nache So Jesús nnaicapegueto soomaye. Qalaxaye co'ollaq mashe qanayeetaua'a ca lma' so huataxanaq lta'a, nache somaye ỹama'q soua nauochaxau' da 'enapegalo So Jesús, 'eetra': «'Am Ỹataxala', saishet qome da ỹapactec da 'arhuogoxo, cha'aye sela'a da ỹataqta saq saiguet da 'aunoxonoigui na ima'.

Lucas 7:8

Cha'aye aỹem mashe sanaỹa'ac da san ca ỹa'aqtac, nache qaỹalaxaguet. Da shenapega ñi 'oonolec na ñalleppi da sheeta': ‹¡'Asoma!›, nache aỹem ỹalaxaguet da jec. Qaq da shenapega ca lỹa da sheeta': ‹¡'Auanac!›, nache aỹem ỹalaxaguet da anac. Qaq da shenapega ca 'oonolec nam ỹamaxashecpi da sheeta': ‹¡'Auo'ot yi'iye!›, nache aỹem ỹalaxaguet da ỹo'ot.»