Lucas 7:47 - La'aqtaqa Ñim Lo'onatac 'Enauacna 2013

⁴⁷ Añimaye ỹataqta lta'araic da lauotaxanaqtaic Aỹem, cha'aye ỹaỹaten da na qalota lasouaxashetpi mashe qaỹapalaxat. Qalaxaye ca saq 'amaqtaq na lasouaxashetpi maye qaỹapalaxat, camaye saq 'amaqtaq da lauotaxanaqtaic.

Nuevo Testamento Toba Sur

⁴⁷ Qaq ÿoqo'oyi nagui 'am sa'aqtaxanem da añimayi de'eda lta'adaic lauotaxanaqtaic naigui da ishit da qaÿapalaxat na qalota lasouaxashit, cha'ayi ca shiÿaxaua da saqalligueme da qaichoxoden, qaq nachi 'en'am saqalligueme da ÿachaxan da lsoxoyic.

Nuevo Testamento Toba Sombrero Negro

⁴⁷ “Chane'eja, am ja'aĝatem queda'me joote qoyapalaĝa't jogaa'me qayoĝode' loeco; qo'che' jalcote da'me loqopich'i nayi. Qalaĝaja, ñe'me jiyaĝaua jo'ne ja jalcote qoyapalaĝat da'me laviyaĝajet, ja jalcote da'me loqopich'i jo'ne yaloĝon.”

Lucas 7:47 Referans Kwoze

1 Juan 4:19

Qomi' ỹataqta sauotaxac na qarqaỹañicpi, cha'aye Ñim Lo'onatac 'Enauacna hua'auñi da qomi' ỹauoteque.

1 Juan 3:18

Qami' ỹalqolqa, saisheto' qome da ndotre'c naua qara'aqtaqa da shenaqtega da huo'o da qarsoxoyec, nachaqrato' qome da iuen da sachaxanaq da qarsoxoyec chegoqchigui ca so'otaq.

Isaías 1:18

¡Ñim Nataxala', 'eeta': «Ña qauanaqui da ñecotaỹaqapigui de'era lataxac, na'aictoxo' da ỹataqta togaxaraic na qarasouaxashichi, qalaxaye Aỹem so'ot qome da ỹataqta ỹapagaq 'eeta'am aca aloñi, na'aictoxo' da 'eeta'am ca ỹataqta togaxaraic nqo'oilliguishec hualoxolaỹi, qalaxaye Aỹem so'ot qome da ỹataqta ỹapagaq 'eeta'am ca qagueta laue.

Gálatas 5:6

Ỹataqta huo'o da qana'achecỹaxac chegoqchigui dam ỹo'ot So Cristo, qaq na'aictaxa da huo'o ca la'anaxat na qaro'oc huo'otaq qaica. Cha'aye dam ỹataqta huo'o da naigui nachera da qarpi'iỹaxac So Cristo, qaq de'era qarpi'iỹaxac qomi' ỹo'oteque da sauotaxac na laỹepi shiỹaxauapi.

Romanos 5:20

Na namaxasoxonaxacpi co'ollaq huo'o, nache ỹo'ot da la'añaxac da ñe'etaxaloxo. Qaq na'aictaxa da ñe'etaxaloxo da huo'o da la'añaxac, qalaxaye da lsoxoyec Ñim Lo'onatac 'Enauacna napacalec damaye.

Efesios 6:24

Qaq Ñim Lo'onatac 'Enauacna, ỹanem qome ca no'on 'enauac nam saishet da ỹalat da lauoche So Qarataxala' Jesucristo.

Isaías 55:7

Cam qauemaic qalaq ñaq ỹaxanec qome da ỹo'ottac na qauem, qataq cam 'etaxaloxoic ñaq ỹaxaarec qome naua qauema lhuennataxaco, ñaq qavi'iguelaqaỹot Ñim Nataxala', yaqto' ñimaye qami' ichoxore'n, ñaq qavi'iguelaqaỹot Ñim Qanatamnaxala', maye choxonnataxanaxaic yaqto' qami' ichoxore'n.

1 Juan 5:3

Qomi' sachaxanaq da sauotaxac Ñim Lo'onatac 'Enauacna da salaxasoxoguet na lamaxasoxonaxacpi; qaq namayepi saishet da alaqaic da qaỹalaxaguet.

1 Timoteo 1:14

Ỹoqo'oye aỹem ỹanem da ỹataqta lta'araic lqouagaxanaqtaic, nataqa'en da npi'iỹaxac, nataqa'en da nsoxoyec maye 'enauac qomi' ỹanema souaxat da ña'araqtaua'a So Cristo Jesús.

Filipenses 1:9

Qataq naxa da ñeqouagaxaueetac, qalaq seỹaxaatacot Ñim Lo'onatac 'Enauacna da qami' nquigaxatta'agueta da ỹataqta qanauochiỹa't, qataq ỹataqta qauaỹaañita ca no'on, qataq qauauattoñiita ca 'eesa lataxac,

Hechos 5:31

Ñim Lo'onatac 'Enauacna ỹo'otec da So Jesús nso'oota'ague da aloic qataq ỹanagui da Nataxala', qataq Nca'alaxaqui, da yaqto' na Israel le'ecpi ỹaxaañi da ỹo'ottac na qauem, nache Ñim Lo'onatac 'Enauacna ỹapalaxa't naua lasouaxashe'ete.

1 Juan 1:7

Qalaxaye da ñachaataqtaigui na yo'oqchiguiñi, da shenaqta'am Ñim Lo'onatac 'Enauacna maye huetaigui da yo'oqchiguiñi, nache ỹataqta ña'araqta't da qomi' nqaỹañecpi, qaq Ñim Lo'onatac 'Enauacna ỹapalaxa't naua qarasouaxashe'ete, chegoqchiguilo naua ltago'q So Llalec Jesús.

Lucas 7:39

Qaq co'ollaq ỹauaachigui de'era so Simón, nache deuennataxaataco', 'eeta': «Ñi'iñi ỹale da ỹoqta 'eesa taxa da la'aqtaxanaxanec Ñim Lo'onatac 'Enauacna, nache ishettaxa da ỹauatton añim 'alo maye ipottaua'alo naua lchel da añimaye qauem da na'aqtaguec.»

Mateo 10:37

Ca ỹactec da ỹauotec ca lta'a, huo'otaq aca late'e, da saq 'ena'am naqa'en Aỹem da lauoche, huo'otaq cam ỹactec da ỹauotec ca llalec, huo'otaq aca llale, da saq 'ena'am naqa'en Aỹem da lauoche, nache camaye saishet da ỹalamaxat.

2 Corintios 5:14

Da lsoxoyec So Cristo nachera da qomi' ỹauecta'agueta, cha'aye qomi' saỹaanaqta da 'oonolec so ileualec 'enauac na shiỹaxauapi, qaq ỹoqo'oye 'enauac na shiỹaxauapi 'eeta'am nataqa'en da ileu.

Miqueas 7:19

Qaq ña 'avi'eguelaxa qome da qomi' 'auchoxore'n, nache 'aulayiñi qome na qaye'etaxaloxosat, nache 'auasaxaña cam ỹataqta pa'aguiñi aso auaxai nam qarasouashetpi.

Ezequiel 16:63

Qaq qom sapalaxat 'enauac nam 'auo'otpi, nache 'am 'auennate qome nam qauempi maye 'auo'otpi co'ollaxa, nache ỹataqta huo'o da 'ara'agaxa, qataq souaxat da qaica ca qonec, nache saishet qome da qaltaq 'avi'eguelaxa da 'autaqtac. Qaq 'era da ỹa'aqtac, Aỹem Nataxala'.»

Lucas 7:46

Nataqa'en saishet da 'aucorelec na ỹaqaic ca coraxat, qalaxaye añimaye icoreleguete naua ichel so coraxat ama na laita.

Lucas 7:48

Ime, nache So Jesús 'enapega aso 'alo, 'eeta': «Na 'arasouaxashetpi nagui 'enauac mashe qaỹapalaxat.»