Lucas 7:38 - La'aqtaqa Ñim Lo'onatac 'Enauacna 2013

³⁸ Nache aso 'alo pa'auo, nache ỹa'alyiñi naua l-llectel, hua'aqtaua'alo naua lchel So Jesús, nache asomaye ye ỹaguec da nnoinaxac, nache naua lache' taleguete naua lchel So Jesús. Ime, nache ỹaqaxaỹaxa't naua lchel Somaye ỹauota'a na laue qataq napigoqta'ape, ime, nache icoreleguete som coraxat maye ỹachetac.

Nuevo Testamento Toba Sur

³⁸ Nachi asomayi noÿiitac, nachi huaqtau'alo naua lchil so Jesús, nachi iÿota'pe, deÿoxonalo naua lachi'. Ime, qataq ÿaqaxaÿaxa't naua lchil somayi, huota'a na laue. Nachi napigoqta'pe, qataq icodelguete som codaxat.

Nuevo Testamento Toba Sombrero Negro

³⁸ Ca'li yenoĝoneuo jañe'me yauo, noyetac, qama'le uo'oto gaa'me lapia'te ñe'me Jesús, paja'a yepapiaĝaneque jaga'me lachi'. Yem qama'le yiyoĝoneque ga'me layoĝot da'me en daqaqa'y, nec'ouo' nataq'aen yecodelo'te ga'me yoĝoqui jo'ne davioĝon jogaa'me.

Lucas 7:38 Referans Kwoze

Isaías 61:3

qataq sanem nam daquicotacpi maye hueta'a na Sión aca aro'o nmeneguet ñaqa'en na alo, qataq na coraxat nmeneguet da noinaxac, qataq da no'onaxanaxac nmeneguet da nhuogoxo. Qaq da qaitaxaỹa nache qoỹeeta': «Rooblepi, huegaxanaxaipi», maye lañiguishe Ñim Nataxala' da yaqto' ỹachaxan da llo'oxoyec.

Eclesiastés 9:8

Qataq 'enauaque qome naua na'axa'te da 'aỹa'aatrañi caua nogo lapagaxaiqa, qataq 'aucottalec qome na 'arqaic ca coraxat.

Salmos 51:17

Cha'aye ca nachetaqtaxanaxat maye 'auaỹamaxareeta da 'am qoỹanot nachera da saqcha'a nca'alaxa maye huo'o nque'eenaxac, 'Am Ñatamnaxala', 'am saishet da 'auo'otan aca nquiyaqte maye ỹataqta huo'o da nqui'ic.

Génesis 18:4

Da 'auaỹamaxareeta, nache seỹaxanaique ca 'etaxat, da yaqto' qauỹoi' naua qarapia'achilli', ime, nache cara'acolec qanmachiiuec, qoñiỹo'ot ye lpaqal ara qo'oipaq.

Jeremías 31:9

Nache natameeta'aguet qataq nỹeeta'aguet qom anacta. Qaq Aỹem queteueegue qome ñaqa'en ca la'auaxac qataq ca nalochiguiñi nqa'aic da yaqto' saishet da depoxolaxaañi. Cha'aye Aỹem lta'a so Israel, qaq so Efraín qalaq nacheso so ỹalec ỹe.

Salmos 38:18

Ỹoqo'oye aỹem sa'axat qome na ỹasouaxashetpi, cha'aye ỹataqta ỹo'ot da ỹaquicoxo.

Esdras 10:1

Qaq so Esdras co'ollaq ña nqouagaxaueetac qataq ỹaatac so la'aqtac, souaxat na lasouaxashetpi so lauo' le'ecpi qataq nỹeetac, ỹa'attrañi naua l-llecte, hueta'a aso atamnaxaqui maye lalamaqte Ñim Lo'onatac 'Enauacna, nache anac so qalota ỹalleppi, 'alpi qataq so ñaqpiolec maye Israel le'ecpi. Qaq 'enauac somayepi coleesop somaye, nache nỹeetac souaxat da lta'araic nqui'ic.

Santiago 4:9

Ỹataqta qauaquicoita qome, qataq qanỹeñi souaxat da qanqui'iqui. Qaỹa'axañiiñi da qaraỹalliguiyiqui, ime, nache qanỹiñiitac, yaqto' Ñim Lo'onatac 'Enauacna ishet da ila'a da ỹoqta 'eesa da qanaralaxache da qarhuennataxaqui.

Lucas 6:21

Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui huo'o na qarqouaqai, cha'aye chochaq huañi qome na qo'oqoi. Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui qoviitaigui da qauaquicoitac, cha'aye qami' qome qoviitaigui da lta'araic qarlagaxayiqui.

Mateo 5:4

Ñim Lo'onatac 'Enauacna ỹaalec da nqouagaxa nam huo'o da nque'eenaxac nagui, cha'aye Ñimaye ỹami' da lamaicỹaxac namayepi.

Zacarías 12:10

Qalaxaye nam chegoxoguetpi so David, qataq nam hueta'a na Jerusalén secorelec qome dam saqcha'a 'achecỹaxac qataq da atamnaxac. Huaña nache Aỹem ỹamato'ot, Aỹem maye aỹem ỹalauat, nache nỹen 'eeta'am da nỹeetapeguelec ca 'oonolec llalec, huo'otaq ca llalec ỹe.

Joel 2:12

Qaq nagui da la'aqtac Ñim Nataxala', 'eeta': Ỹataqta imauec qome da qarquiyaqteỹaxaqui da aỹem qañe'eguelaqaỹa, qataq qanqouaqchichi qome, qanỹeñi, qataq qanachoxoreñi qome.

Isaías 57:9

«Ime qataq 'anqalgoqta'a so atamnaxala' Melec 'auachetac so aceite qataq som qalota coraxatpi, qataq 'auamaxa so ỹataqta qaỹoqta som 'artaxaỹaxanaxanecpi qataq iviraña 'anqa'en nam ỹataqta pa'aguiñi aso huachiqui.

Cantares 1:3

Ỹataqta ama da laitaỹaxac na 'ancoraxat, qataq da qanasaxauec da 'are'enaxat nache 'eeta'am na coraxat da huaỹoxon na ama laitaỹaxac. ¡Ỹoqo'oye ỹataqta 'am nqopita na qa'ampiolec!

Lucas 22:62

Huaña, nache pa'auec so Pedro, nache ỹataqta lta'araic da nnoinaxac.

Lucas 7:37

nache huo'o aso 'alo maye qauem da na'aqtaguec maye hueta'a nataqa'en yi'iye qanayeeta'a. Asomaye co'ollaq ỹaỹaten da So Jesús deque'etac hueta'a ca lma' so Simón. Nache ỹacona aso laỹe' na coraxat maye ỹataqta no'on, nache taỹa ca hueta'a Somaye.

Lucas 7:39

Qaq co'ollaq ỹauaachigui de'era so Simón, nache deuennataxaataco', 'eeta': «Ñi'iñi ỹale da ỹoqta 'eesa taxa da la'aqtaxanaxanec Ñim Lo'onatac 'Enauacna, nache ishettaxa da ỹauatton añim 'alo maye ipottaua'alo naua lchel da añimaye qauem da na'aqtaguec.»

Juan 11:2

Qaq asa'aso María, maye lqaỹa so Lázaro som sa no'on, nachaso asom icoreleguete co'ollaxa naua lapia'ate So Jesús, so ỹataqta no'on coraxat, qataq deqaxaỹaqtaxana na laue.