Lucas 7:35 - La'aqtaqa Ñim Lo'onatac 'Enauacna 2013

³⁵ Qalaxaye da laỹaanec Ñim Lo'onatac 'Enauacna yo'oq, chegoqchigui nam ỹo'otpi.»

Nuevo Testamento Toba Sur

³⁵ Qalaxayi da laÿajnec ñi Dios yi'oq naq'en nam ÿajnaxanaxaicpi.

Nuevo Testamento Toba Sombrero Negro

³⁵ “Qalaĝaja dojo' layatenaĝanaĝac ñe'me Dios qoyayataĝade'tegue qom qoyauana ga'me chiyaqayi jo'ne chimaqachiñe.”

Lucas 7:35 Referans Kwoze

Mateo 11:19

Ime, qataq ñevi' Aỹem Shiỹaxaua Llalec, qaq seque'etac, qataq ñeỹomtac, nache qami' qoñiitega da Aỹem quia'aqchaqaic, Aỹem taxaic, qataq ñauochaxaua nam ỹacootapeeguet ana nsheetenaqte ca nta'a. Qalaxaye qantooñita'ac da na'aqtac naxa maye, 'eeta': Ca naỹaanec da ỹoqta 'eesa da chegoqo'ot Ñim Lo'onatac 'Enauacna, camaye yo'oq cam chegaqaigui qataq ỹataqta no'on.

Oseas 14:9

Qaq ca ỹaanaxanaxaic nache ỹaỹateeteguet qome de'era, qataq ca ỹaanataxanaxaic nache ỹauattoota qome de'era na'aqtac. Cha'aye 'enauac na ỹo'otpi Ñim Nataxala' ỹataqta nalochiguiñi, qaq cam no'on da lataxac nache quetegue qome namayepi, qalaxaye nam qauemaicpi nache pogolaxaisop qome damaye.

Proverbios 17:16

Negue'to' ca naigui ca qaica ca ỹaỹaanapec da huo'o aca alom, ye saishet da desheenaxana da naỹaanec cha'aye qaica ca lauattonaxanaxac.

Lucas 7:29

Nam na'axaỹaxaatega co'ollaxa so Juan dequiguiỹo'ot somaye da yaqto' nachelaxan, ivira'a nataqa'en nam ỹacootapeeguet ana nsheetenaqte ca nta'a maye netaña ye Roma. Yaqto' somayepi ipaqueelec da ỹo'ot da 'eetapeguec Ñim Lo'onatac 'Enauacna.

Lucas 7:34

Ime, qataq ñevi', Aỹem Shiỹaxaua Llalec, nache seque'etac qataq ñeỹomtac qalaq qami' qoñiitega da Aỹem quia'aqchaqaic, qataq Aỹem taxaic, qataq ñauochaxaua na shiỹaxauapi maye qauem da na'aqtaguec, qataq na ỹacootapeeguet ana nsheetenaqte ca nta'a maye netaña ye Roma.

Lucas 7:36

Huo'o so ỹalectaigui na fariseopi le'enaxat Simón, iỹaxana So Jesús da huotaique lquia'axaua da huaña ca lma'. Nache So Jesús ỹasateguet, nache co'ollaq mashe datataleguete ca nquia'axala',