Lucas 7:30 - La'aqtaqa Ñim Lo'onatac 'Enauacna 2013

³⁰ Qalaxaye nam fariseopi, qataq nam dapaxaguenataxaatapeguec na namaxasoxonaxacpi saishet da ỹaỹamaxaren da ỹalaxaguet Ñim Lo'onatac 'Enauacna qataq saishet da ỹaỹamaxaren da nachelaxan so Juan.

Nuevo Testamento Toba Sur

³⁰ Qalaxayi nam ÿalectaigui na fariseopi, qataq nam dapaxaguenataxaatapeguec na nqataxacpi mayi sa ishit da lachilaxanatac so Juan, namayipi n'otane' dam Dios ÿauotaique da i'otec namayipi.

Nuevo Testamento Toba Sombrero Negro

³⁰ Qalaĝaja jogaa'me fariseopi choqogaa'me paĝaguenataĝanaĝayaqa daa'me Dios lamaĝajoĝonaĝaco qamqa'me ja yacoteguet da'me lachilaĝanataĝanaĝac ñe'me Juan, naq'aeta da'me dojo' 'lotanaĝanaĝa'j da'me jo'ne jetaque Dios 'yeteque jo'ne mach'e liyamaĝa'j jogaa'me.

Lucas 7:30 Referans Kwoze

Lucas 13:34

¡Ỹataqta qauem da qauo'oche qami' maye qoñiitaña ye Jerusalén, cha'aye qaualauache som la'aqtaxanaxanecpi Ñim Lo'onatac 'Enauacna, qataq qauasaqaitalec na coma' som lamaxashecpi maye qami' namaxalo Ñimaye! ¡Ỹataqta huo'o naxa da iyaxa da llaỹona't na 'aỹa'alaqpi, da sheeta'am aca 'olgaxa da nqapaxaalec ca llalaqpiolec, qalaq qami' saishet da qanashiñi!

Jeremías 8:8

Qalaq ¿ta'ainco' da qoñiitega qami' ỹaanaxanaxaicpi qataq da qami' hueto'oto nam lqataxacpi Ñim Nataxala'? ¡Ye nam neraxanaqpi maye deraxaatega na maỹo laue saq 'en nam ỹereñipi!

2 Corintios 6:1

Cha'aye qomi' ltau' Ñim Lo'onatac 'Enauacna de'era lo'onataxanaxac. Qaq ỹoqo'oye qami' ñachoxorenaqtoiguilo da saishet qome da saqca ca naigui qanqa'eñi da lqouagaxanaqtaic maye qami' ỹachaxanalo Ñimaye.

Romanos 10:21

Qataq co'ollaq detaxaỹa na Israel le'ecpi Ñim Lo'onatac 'Enauacna ỹachegoxotchigui so la'aqtaxanaxanec Isaías, qalaq 'eeta': «Ỹataqta ima ye na'a'q da sachaxaatacot da itaunaxanaxac nam shiỹaxauapi maye qaramchigui qataq sa ỹalaq.»

Hechos 20:27

Cha'aye aỹem ỹataqta sa'axatta 'enauac nam 'eetapeguecpi Ñim Lo'onatac 'Enauacna, qaica ca soxottapiguiñi.

Mateo 22:35

Nache huo'o so 'oonolec somayepi som ỹaỹaten na namaxasoxonaxacpi maye quetalec so judiopi, ỹe'eguen So Jesús, nache inat, 'eeta':

Efesios 1:11

Chegoqchigui So Cristo da Ñim Lo'onatac 'Enauacna nale'ena co'ollaxa da qomi' lca'agui'she da ỹauotaique da qomi' lalamaqa'ate, qataq da yaqto' saconaxaguet 'enauac nam ỹachaxanapecpi Ñimaye. Qaq damaye maiche lhuennataxac Ñim Lo'onatac 'Enauacna, Ñim ỹataqta ipacchigui 'enauac nam 'eetapeguecpi.

Gálatas 2:21

Qaq ỹoqo'oye saishet da semaqa'aguet da lauotaxanaqtaic Ñim Lo'onatac 'Enauacna. Cha'ayectaxa da qomi' ỹaconegueta souaxat da salaxasoxoguet nam namaxasoxonaxacpi, nache qaicactaxa ca naigui da l-leuaxa So Cristo.

Proverbios 1:25

Nachaqrata da sa qauacoñeeguet na iqataxacpi, qataq saishet da qauacoñeegueta naua iviraqtaxanaxaco.

Lucas 7:31

So Jesús queto'ot da da'aqtaxaatac, 'eeta': «Qami', maye qoviitaigui ne'ena na'a'q, qoñiita'am ca ñaqpiolec da nso'ootañi da'aistega't hueta'a ca nlagaqa', nache iỹaxaategueta ca laỹepi ñaqpiolec, 'eeta': ‹Sasheeraqtapiguilo naua qarasheerel, qalaq qami' saishet da qauasoche. Qataq so'onaqta'ape naua no'onqa maye daquicote', qalaq saishet da qanỹeñi.›

Lucas 20:6

Qaq da huo'otaq shenaqapec da choche shiỹaxaua ca ỹamaxalec, qaq 'enauac na shiỹaxauapi ỹoqta qome da qomi' ỹasa'q na coma' da qomi' ỹalaua't, cha'aye ỹoqta 'eesa da na shiỹaxauapi ỹa'amaqten da so Juan, somaye la'aqtaxanaxanec Ñim Lo'onatac 'Enauacna.