Lucas 7:29 - La'aqtaqa Ñim Lo'onatac 'Enauacna 2013

²⁹ Nam na'axaỹaxaatega co'ollaxa so Juan dequiguiỹo'ot somaye da yaqto' nachelaxan, ivira'a nataqa'en nam ỹacootapeeguet ana nsheetenaqte ca nta'a maye netaña ye Roma. Yaqto' somayepi ipaqueelec da ỹo'ot da 'eetapeguec Ñim Lo'onatac 'Enauacna.

Nuevo Testamento Toba Sur

²⁹ Nachi 'enauac na shiÿaxauapi, qataq nam ÿacootapeeguet ana nshiitenaqte ca nta'a mayi lachilaxanatacpi so Juan, namayipi co'ollaq hua'axaÿa de'eda, nachi ÿataqta sa ishit da qaÿoqolguet ñi Dios da ÿataqta 'eesa.

Nuevo Testamento Toba Sombrero Negro

²⁹ “Ena'uaque jogaa'me jo'ne domachita ñe'me Juan, choqogaa'me lo'olpi da'me nejetenaguec di'me Roma, nach'e ena'am yacoteguet ca'li da'me lachilaĝanataĝanaĝac joñe'me, naq'aeta da'me yoqocha'alo daa'me chimadichidiñe jo'ne yepaquetapegalo ñe'me Dios.

Lucas 7:29 Referans Kwoze

Lucas 3:12

Nataqa'en anac som ỹacootapeeguet ana nsheetenaqte ca nta'a maye netaña ye Roma da huotaique da qanachelaxan, nache inattaco' so Juan, 'eeta': –'Am Napaxaguenataxanaq, qaq qomi', ¿hua'ague ca shenaqtec da yaqto' ñeca'alaxauec?

Lucas 7:35

Qalaxaye da laỹaanec Ñim Lo'onatac 'Enauacna yo'oq, chegoqchigui nam ỹo'otpi.»

Apocalipsis 16:5

Ime, qaq sa'axaỹa som namaxashec piguem le'ec maye hueto'ot da na'añaxac da ilotague' na 'etaxat, 'eeta': «'Am maye 'Aro'onatac 'Enauacna, 'Am maye ỹataqta 'am qui'itta, qataq chochaq tatec da 'anca'altauec qataq ỹaỹamaqchiguiñi da huo'o ye 'arhuaxanaxanaxac.

Apocalipsis 15:3

Nache somayepi ỹo'ootac som lo'onec so Moisés da qaỹo'oxoren So Qagueta Llalec maye 'eeta': «'Am Qarataxala' maye 'Aro'onatac 'Enauacna, qataq qaica ca 'auqalanapec, 'enauac nam 'auo'otpi ỹataqta lta'araicpi, qataq huo'o da llo'oxoyec. 'Am maye 'am Lataxala' 'enauac nam huetalec ana 'alhua, 'enauac na 'auo'otpi ỹataqta ỹaỹamaqchiguiñi, qataq nalochiguiñi.

Romanos 10:3

Cha'aye namayepi saishet da ỹaỹaten da 'oonolec Ñim Lo'onatac 'Enauacna da ishet da ỹapalaxat ca lasouaxashet ca shiỹaxaua. Qaq ỹoqo'oye namayepi npogoxoueetapegue' da huo'o cam ỹo'ot da yaqto' Ñim Lo'onatac 'Enauacna ỹaconeguet namayepi. Qaq saishet da ỹo'ot dam ỹataqta ỹaỹamaxareeta Ñim Lo'onatac 'Enauacna.

Hechos 19:3

Nache so Pablo ina't soomaye, 'eeta': –Qaq ¿chaq negue't lachelaxanataxanaxac cam qauacoñiiguet co'ollaxa? Nache soomaye 'ena'apo': –Qomye dam lachelaxanataxanaxac so Juan.

Hechos 18:25

Qataq ỹataqta ỹaỹaten da llecỹaxac da lo'onataxanaxac So Qarataxala', nache da dapaxaguenataxaatac qalaq ỹataqta huo'o da lhuogoxo da ỹa'axattegue da na'aqtaguec So Jesús. Qaq na'aictaxa da ndotec da lachelaxanataxanaxac so Juan da ỹaỹaten da dapaxaguenataxanec.

Salmos 51:4

Qaq nachaq 'amta da 'am hueto'ot na ỹasouaxashetpi, aja', nachaq 'amta, cha'aye so'ot co'ollaxa na qauemsat, nam sa 'auaỹamaxaren da qaỹo'ot. Qaq ỹoqo'oye naua 'arhuaxanaxanaxaco ỹataqta nalochiyiñi, ỹataqta 'am saqaimaqpec da huo'o ca 'anmit.

Jueces 1:7

Nache somaye 'enapeco': «Huo'o so na'a'q nache aỹem secheguerec soua dos llaxaata late'el qataq soua dos lqona late'el so setenta nta'alpi, qataq hueto'ot ñaqa'en na pa'aguiñi so iquia'axala' da yaqto' natotac na anoq lsoche. Qalaxaye Ñim Lo'onatac 'Enauacna, aỹem ỹe'enaxattem nagui de'era sheetec co'ollaxa somayepi.» Huaña nache so Adonisédec qaỹauega ye Jerusalén, yem huaña co'ollaxa da ileu.

Mateo 5:46

Cha'aye qami' da ndotec cam qami' ỹauoteque da qauauochec, nache ¿negue't cam qaraviguiiqui da qauo'ocheetac de'era? Ye ivira'a nam ỹacootapeeguet ana nsheetenaqte ca nta'a maye netaña ye Roma ỹo'ottac de'era.

Lucas 7:28

Ỹataqta 'eesa da ana'ana 'alhua qaica ca nañiguiñi ỹale da napacalec da la'amaqchec so Juan maye nachelaxanataxanaq. Qalaxaye nam ỹapactec da qaica ca la'amaqchec da huetaigui da lo'onataxanaxac Ñim Lo'onatac 'Enauacna, nachena na ỹataqta napacalec so Juan.»

Lucas 20:6

Qaq da huo'otaq shenaqapec da choche shiỹaxaua ca ỹamaxalec, qaq 'enauac na shiỹaxauapi ỹoqta qome da qomi' ỹasa'q na coma' da qomi' ỹalaua't, cha'aye ỹoqta 'eesa da na shiỹaxauapi ỹa'amaqten da so Juan, somaye la'aqtaxanaxanec Ñim Lo'onatac 'Enauacna.