Lucas 7:27 - La'aqtaqa Ñim Lo'onatac 'Enauacna 2013

²⁷ nacheso som na'aqtaxanaxanec maye ỹa'axatta'aguet Ñim Lo'onatac 'Enauacna co'ollaq, 'eeta': ‹Aỹem samaq qome ca ỹa'aqtaxanaxanec da hua'auta'ague da 'ata'ague, da yaqto' ỹaỹamaxaañi 'enauac, yaqto' lhuotta qom 'avi'.›

Nuevo Testamento Toba Sur

²⁷ So Juan nachiso so i'axa't naua ñiyigui'shi l'aqtaqa ñi Dios co'ollaq 'eeta': Samaq qome ca i'aqtaxanaxanec da sa'auaxangue na 'ic, da yaqto' ÿaqataxanai' ca 'anqa'aic.

Nuevo Testamento Toba Sombrero Negro

²⁷ Juan nach'eñe jo'ne qo'yaĝate'taguet ca'li gaa'me nedii's: «Nayi jamaĝa na'me 'yaqataĝanaĝanec jo'ne auajoyalegue, Qaedi yiyamaĝatetac qomle na'me adadic.»

Lucas 7:27 Referans Kwoze

Malaquías 3:1

Ñim Nataxala' maye Qaica ca Ỹaqalanapec 'enapec: «Mashe huotaique da ñamaq ñim ỹa'aqtaxanaxanec, da yaqto' iqataxanai' cam ñaqa'aic. Ñim Nataxala' maye qanmicheetaique, mashe saqaỹaloq da naỹa añim atamnaxaqui maye lalamaqte. ¡Mashe anacta nam na'aqtaxanaxanec maye ndoi' na aỹamaxataxac maye qanqopicheetaique!»

Lucas 1:76

Qaq 'am ỹalcolec, 'am qoỹanagui qome da 'am: ‹La'aqtaxanaxanec Ñim Lo'onatac 'Enauacna maye 'amaqtaqaic.› 'Am 'aua'auta'ague qome da tata'ague cam Lca'aguishec Ñim Lo'onatac 'Enauacna, da 'auqataxanai' na shiỹaxauapi yaqto' lhuotta qom nvi' camaye.

Marcos 1:2

'Enauac ipacchigui dam maiche ỹa'axattac Ñim Lo'onatac 'Enauacna co'ollaxa, ỹachegoxotchigui so la'aqtaxanaxanec le'enaxat Isaías, 'eeta': «Aỹem samaq qome ca ỹa'aqtaxanaxanec da sa'auaxaata'ague da 'ata'ague da yaqto' ỹaỹamaxaañi 'enauac, da yaqto' lhuotta qom 'avi'.

Juan 1:23

Nache so Juan 'enapeco': –Qomye nachaỹem, maye aỹem ỹa'axatta'aguet so la'aqtaxanaxanec Ñim Lo'onatac 'Enauacna. Qaq nachaỹem maye aỹem chemaqtapeguelec ca toolec 'alhua, qaq da iỹaxanaxac, sheeta': «Qauqataxañiỹai' ca ỹataqta ỹashectec nqa'aic Ñim Lca'aguishec Ñim Nataxala'.»

Mateo 11:10

qaq so Juan nacheso som ỹa'axa't co'ollaxa naua ñiyigui'she la'aqtaqa Ñim Lo'onatac 'Enauacna, maye 'eeta': «Aỹem samaq qome ca ỹa'aqtaxanaxanec da sa'auaxanegue dam 'ata'ague, da yaqto' ỹaỹamaxaañi 'enauac, yaqto' lhuotta qom 'avi'.»

Isaías 40:3

Huo'o so na'alaxac 'eeta': Qauqataxañeetai' ca nqa'aic maye taalec ye toolec 'alhua da yaqto' llec qome Ñim Nataxala' qauauo'oi ca 'eetegue nqa'aic maye taalec yem qaica ca ñaxaalec 'alhua da yaqto' llec Ñim Qanatamnaxala'.

Lucas 7:26

Qaq ¿chaq negue'to' qone' som qaumeenaxañiitapeuga? ¿Peta'a la'aqtaxanaxanec Ñim Lo'onatac 'Enauacna somaxa? Aja', ỹataqta 'eesa da so Juan napacalec cam la'aqtaxanaxanec Ñim Lo'onatac 'Enauacna;

Lucas 7:28

Ỹataqta 'eesa da ana'ana 'alhua qaica ca nañiguiñi ỹale da napacalec da la'amaqchec so Juan maye nachelaxanataxanaq. Qalaxaye nam ỹapactec da qaica ca la'amaqchec da huetaigui da lo'onataxanaxac Ñim Lo'onatac 'Enauacna, nachena na ỹataqta napacalec so Juan.»