Lucas 7:21 - La'aqtaqa Ñim Lo'onatac 'Enauacna 2013

²¹ Nache huetoigui se'eso na'a'q da So Jesús nataren so qalota shiỹaxauapi maye sa no'on qataq ỹaguec da nque'eenaxac. Qataq nataqa'en nataren nam huo'o na netaigui saqcha'a na'añaxac leguemaxaicpi, nataqa'en qalota so qanamaicpi ỹe'eguelaxatem da nauaañi.

Nuevo Testamento Toba Sur

²¹ Nachi co'ollaq chochi ivildeuo soomayi, nachi so Jesús ÿataqta qalota so shiÿaxauapi nataden na ÿotta'a't lalolaxacpi, nataq'en nataden nam huo'o na l'ec leguemaxaic, nataq'en qalota na nauaañi naq'en nam qanamaicpi.

Nuevo Testamento Toba Sombrero Negro

²¹ Jojo' nolo' ñe'me Jesús jalcote gaa'me e'n yemedegue, gaa'me yodapecache lapite'nadi gaa'me jiyaĝadipi nataq'aen lachoĝodeco, choqogaa'me nepaqa'li jo'ne ja 'noe'n, nataq'aen e'n yauana'ape jogaa'me qayoĝode' qana'mi.

Lucas 7:21 Referans Kwoze

Marcos 3:10

'Eetai'toxo' da So Jesús mashe qalota so nataren, qalaxaye ñaqaiyeta ña qalota so sa no'onpi. Qaq somayepi ỹataqta coleesop So Jesús da huotaique da ipoteua'a da yaqto' no'oita.

Hebreos 12:6

Cha'aye Ñim Lo'onatac 'Enauacna nlaxanec qataq iuaxan 'enauac nam lauotaxatpi qataq cam ỹamata'ac da lalamaxat llalec.»

Marcos 5:34

Nache So Jesús 'enapego' asomaye, 'eeta': –'Am ỹalole, 'am no'oita, cha'aye huo'o da 'arpi'iỹaxac Ñim Lo'onatac 'Enauacna. 'Aue qome, qojec, saqca ca da, mashe 'am no'oita.

Marcos 5:29

Huaña, nache asomaye vi'iiguet na ltago'q, nache nomteguet da no'oita.

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

1 Reyes 8:37

Qaq da huo'o ca nqouaxa ne'ena 'alhua, napaxaco, lqaxaỹaxa, huo'otaq ỹauta na nañiguishecpi ana shiiquioxoipi, pelgaxanaqpi, huo'otaq da coleesop ca mpa'aguenaxauapi na na'alhua namayepi, huo'otaq da nvita ca camachaqca nam lcheeguesat, huo'otaq na nalolaxapi,

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Lucas 7:20

Nache co'ollaq ivitra ca hueta'a So Jesús, nache inatta'ape Somaye, 'eetra': –Ñi Juan maye nachelaxanataxanaq qomi' namaxalo 'am da 'am senataq, da nache 'am Lca'aguishec Ñim Lo'onatac 'Enauacna, huo'otaq da seuataqaique ca lỹa.

Levítico 14:48

Qalaxaye da pa'auo ca ntaxaỹaxanaxanec da yaqto' imeten, nache da ila'a da saishet da ỹe'eguelaxa da huo'o ca lcochaxa que'eca nỹec da mashe ime da qanaralaxat na la'amnaxat, nache ỹa'axat da qui'itta, cha'aye qaica ca lcochaxa camaye.