Lucas 7:13 - La'aqtaqa Ñim Lo'onatac 'Enauacna 2013

¹³ Nache So Jesús co'ollaq ila'a asomaye, nache ỹataqta huo'o da lchoxonnataxanaxa, nache 'enapega, 'eeta': «Saishet da 'anỹen.»

Nuevo Testamento Toba Sur

¹³ Nachi so Jesús co'ollaq ila'a asomayi, nachi ÿataqta huo'o da lchoxonnataxanaxa, nachi 'enapega, 'eeta': –Sa ishit qome da 'anÿiitac.

Nuevo Testamento Toba Sombrero Negro

¹³ Ca'li ñe'me Jaliaĝanec yauana jaga'me p'ai, 'uo da'me lichoĝodenataĝanaĝac qama'le dojapegue' jaga'me: —Ena'te anoyen.

Lucas 7:13 Referans Kwoze

Isaías 63:9

Qaq saishet co'ollaxa da lamaxashec cam nca'alaxatec namayepi, maye nacheñi Ñimaye da maiche nca'alaxatec. Ñimaye isouec namayepi souaxat da lauotaxanaqtaic qataq da lchoxonnataxanaxa, ỹanaxanaxaasheguem qataq nachesheguem huota'aisalo naua lhua'q, 'eeta'am dam ỹo'ottac co'ollaxa soua hua'au' vi'iye.

Salmos 103:13

Ñim Nataxala' ichoxoren cam huo'o naq 'enec naqa'en Ñimaye, 'eeta'am ca nta'a da ichoxoren ca llalaqpi,

Hebreos 4:15

Da lle'eguenataxanaxac so pa'aguenataxanaxaic co'ollaq ỹe'eguen So Jesús, nache 'eeta'am da lle'eguenataxanaxac nagui da qomi' ỹe'egue'n da yaqto' ỹauo'o ca qarasouaxashet, qalaxaye So Jesús co'ollaxa saishet da huo'o ca lasouaxashet. Qaq ỹoqo'oye Somaye ỹaỹaten da saqalaq da qaỹalaxaguet Ñim Lo'onatac 'Enauacna.

Salmos 86:15

Qalaxaye 'Am Nataxala', 'Am Atamnaxala', 'am nhualaxaunaxaic qataq 'am choxonnataxanaxaic.

Jeremías 31:20

Na nhuo' le'ecpi maye chegoxoguet so Efraín, namayepi 'eeta'am ca ỹalec ỹauotaxat, ỹalec maye ỹactec da sauotec. Qaq na'aictaxa naxa da ñelaxa qalaxaye saishet da saxanec da seuennatega, da iquiyaqteỹaxac qalaq nỹeetai' qataq ñanomteguet da ichoxonnataxanaxa namayepi. Qaq 'era da ỹa'aqtac Aỹem nataxala'.»

Salmos 86:5

Cha'aye 'Am Nataxala', 'am soxoraic qataq choxonnataxanaxaic, qataq lta'araic da 'arauotaxanaqtaic 'enauac na 'am iỹaxaatacot.

Hebreos 2:17

Qaq da yaqto' ishet da itauan, nache Somaye, iuen da ỹataqta 'eeta'am naqa'en da lataxac namayepi. Qaq ỹoqo'oye souaxat da chegoqchigui da 'eeta'am naqa'en da shenaqta, nache ivira'a da lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna qataq ishet da qaipi'iỹa'a. Qaq Somaye ỹataqta nlaqchigui da lsoxoyec da do'onataxanot Ñim Lo'onatac 'Enauacna. Qaq 'era da 'eetec Somaye da ỹan da nachaalataxac da 'eeta'am aca nachetaqtaxanaqte yaqto' Ñim Lo'onatac 'Enauacna ỹapalaxat na qarasouaxashetpi.

Juan 20:15

Nache So Jesús inattac asomaye, 'eeta': –'Am 'alo, ¿ta'ainco' ye 'anỹeetac? Qataq ¿negue't ca 'anmittaique? Nache asomaye ipi'itaxaatega da somaye nacheso som ilotague' se'eso nañiguishe lma'. Nache 'eetego', 'eeta': –'Am ỹale, da huo'otaq nache 'am maye 'auache ca Ỹataxala', qaq no'on da aỹem 'aua'axatem cam 'auacha'ague yaqto' aỹem she'eguena'a camaye.

Marcos 8:2

–Aỹem ỹataqta huo'o da ichoxonnataxanaxa ne'ena shiỹaxauapi. Cha'aye mashe ivi' naua tres na'axa'te da Aỹem datatecot, qaq namayepi qaica ca chec.

Jueces 10:16

Huaña, nache so Israel le'ecpi ỹalat so ỹaqa'a atamnaxala'pi da yaqto' qaltaq do'onataxanot Ñim Nataxala'. Nache Ñimaye ỹataqta sa nalo'oguet da 'eeta souaxat da nque'eenaxac so Israel le'ecpi.

Juan 11:2

Qaq asa'aso María, maye lqaỹa so Lázaro som sa no'on, nachaso asom icoreleguete co'ollaxa naua lapia'ate So Jesús, so ỹataqta no'on coraxat, qataq deqaxaỹaqtaxana na laue.

Lucas 24:34

Nache som hueta'a yi'iye da'aqtaxanema soomaye, 'eeta': –Ỹoqta 'eesa da qaltaq nca'alec So Qarataxala', cha'aye so Simón mashe nauane'.

Lucas 17:5

Nache soua lamaxa'she 'enapegalo' So Jesús, 'eetra': –'Am Qarataxala', 'anquigaxatsheguem qome da qarpi'iỹaxac.

1 Corintios 7:30

qataq nam huo'o da laquicoxo 'eeta'am da matapiguiñi, qataq na ntootapigui' 'eeta'am da daquicotac, qataq na desheenaxatega na logoxoshetpi qalaq 'eeta'am da qaica ca lalamaxat,

Juan 20:13

Nache se'esoua namaxa'she inatta'apo' asomaye, 'eeta': –'Am 'alo, ¿ta'ainco' ye 'anỹeetac? Nache asomaye 'enapeco': –Qomye souaxat da qaỹache so Ỹataxala', qaq aỹem sa saỹaten ca qaỹacha'ague ca lo'ocỹaxac.

Lucas 13:15

Nache So Jesús ỹasat, 'eeta': –Qami' maye qoñiitega da qami' 'eesora, ¿peta'a saisheto' da huo'o ca 'oonolec da qoñiita da isouec ca lauegaxanaxala' huaca, huo'otaq ca lalo 'ashena, ca na'a'q mataxaqui da yaqto' ỹauegaxasom da nỹomaxan?

Lucas 10:1

Qaq co'ollaq ime de'era, nache So Jesús lca'aua'a so setenta y dos laỹepi lapaxaguenatacpi, nache ỹamaq somayepi dostega't naqa'en, da ỹa'auaxaata'a 'enauac na naña na saq 'amaqtaq nỹecpiolec qataq naua lỹa't 'aleu' maye taỹa'alo Somaye.

Lucas 7:19

da yaqto' ina't So Jesús da nacheso So Lca'aguishec Ñim Lo'onatac 'Enauacna huo'otaq da qaiuataique ca lỹa.

1 Ts 4:13

Qami' qarqaỹa't, sa saỹamaxarenaq da sa qauaỹaañi ca llecỹaxac na mashe qanmataxanaxanec, yaqto' saishet da huo'o ca daquicota da 'eeta'am ca saxanaxa da da'amqaanataxan maye saqca ca naquitaxac.

Lucas 22:61

Huaña, nache So Jesús namataique so Pedro, nache so Pedro tachigui lauel da la'aqtac So Jesús co'ollaq 'eeta': «Qomele qom nỹen ca 'olgaxa, qaq mashe tres qome da 'avi'eguelaxalec da 'anqoleguettac da qonetega da Aỹem sa 'auauatton.»

Lucas 7:12

Qaq co'ollaq mashe ivildeua'a so ñegueuo se'eso nỹecpi, nache ỹauaategueta soua ỹale't da ỹachetra'c so nsoqolec maye leuaxaic da ilayiñi. Se'eso saqca, somaye ỹataqta 'oonolec llalec aso pa'ai. Qaq qalota so shiỹaxauapi yi'iye qanayeeta'a da nnaictague' aso 'alo maye ỹataqta lta'araic da lachoxoyec.

Lucas 7:14

Nache So Jesús nquigueua'a da ipoteua'a so lmala' se'eso leuaxaic. Nache soua ỹale't maye ỹacheta'ape vi'iigueta. Nache So Jesús 'enapega so leuaxaic, 'eeta': «¡'Am nsoqolec, 'am shenapega da qoñisheguem!»

Lucas 11:1

Huo'o so na'a'q, nache So Jesús hueta'a so 'alhua da natameetac. Qaq co'ollaq imat da natamnaxac, nache huo'o so 'oonolec lapaxaguenatac dequiguiỹo'ot Somaye, 'eeta': –'Am Qarataxala' qomi' 'auapaxagueneque taxa da qanatamnaxac, 'eeta'am da 'eetec so Juan co'ollaq ỹapaxague'n soua lapaxaguenataqa.

Lucas 11:39

Qalaxaye So Jesús 'enapeco': –Qami' fariseopi qauỹoitac na pa'auec, qalaxaye na pa'auo da qoñiita ỹataqta qauem, qaica ca qautauañi, nachaqrata da qaucacheetacot na shiỹaxauapi.

Lucas 12:42

Nache So Qarataxala' ỹasateguet somaye 'eeta': –¿Chaq negue't cam namaxashec maye ỹataqta ỹalaq qataq nlotec? Qomye, nacheca cam namaxashec maye ca na'aco' ipataxalec da ilo'ogue ca lma' qataq caua llalqa, qataq iqataxanai' ca nallec.

Lucas 17:6

Nache So Qarataxala' 'enapegalo' soomaye, 'eeta': –Qami' da huo'o ca qarpi'iỹaxaqui, na'aictaxa da lcatam acatai' ala maye ỹataqta qapio'ole ana le'enaxat mostaza, qalaxaye ishet da qoñiỹapega ara'ara qo'oipaq late'erai, qoñiita': «Qoca'ai ne'ena qonetaña, ime, qaq qonangui aso auaxai», qaq ara'ara qo'oipaq ishet da qami' ỹalaxagueta.

Lucas 18:6

Nache So Jesús 'enapeco': «Qaq 'era da 'enapec som nmit na nasouaxashet maye qauemaic.

Lucas 19:8

Qaq co'ollaq ime da nquia'axac, nache nachaañi so Zaqueo, nache 'enapega So Jesús, 'eeta': –'Am Ỹataxala', aỹem qome secolaxatchiguingui na laiñi da isallaxa. Ime, qaq sanem nam choxoraqpi. Qaq da huo'otaq huo'o ca secachiỹot, nache cuatro da she'eguelaxalec da she'eguelaxatot camaye cam secachiỹa.

Lucas 24:3

Nache inoxooroigui aso huachiqui, qalaxaye saishet da ỹanata so lo'ocỹaxac So Qarataxala' Jesús.

Juan 4:1

Na fariseopi co'ollaxa ỹaỹaten da So Jesús nquictauec na lataxanatacpi qataq napacalec so Juan na lachelaxanatacpi.

Juan 6:23

Qaq huo'oi soua lỹa't nllocta, chegoqra'a ye Tiberias, nvira yem saqaỹapeque yem huaña co'ollaq qanallecta'ape soua nauole, co'ollaq ime da ỹan da na'achec so Nataxala'.

Juan 11:3

Nache se'esoua dos nqaỹa't, ỹamaxalo co'ollaxa da la'aqta'c So Jesús, 'eeta': –'Am Nataxala', yem 'anauochaxaua Lázaro, yemaye sa no'on.