Lucas 6:8 - La'aqtaqa Ñim Lo'onatac 'Enauacna 2013

⁸ Qalaxaye So Jesús ỹaỹaten da lhuennataxac somayepi; nache 'enapego' som ỹale maye deqaqta na lhuaq, 'eeta': «Qoñisheguem qome. Ime, qaq 'anachaangui na laiñi.» Nache so ỹale nachaañi tangui na laiñi so shiỹaxauapi.

Nuevo Testamento Toba Sur

⁸ Qalaxayi somayi sogote da ÿaÿateetac da lhuennataxa somayipi. Nachi 'enapego' som shiÿaxaua mayi daqaqta na lhuaq, 'eeta': –Qoñishiguem qome. Ime, qaq 'angui na laiñi. Nachi so shiÿaxaua nachajñi, nachi tangui na laiñi so shiÿaxauapi.

Nuevo Testamento Toba Sombrero Negro

⁸ Qalaĝaja ñe'me Jesús yayaten ga'me eeta da'me lelnataĝa'j; qama'le dojapegue' ñe'me jiyaĝaua jo'ne ja daconaĝana ga'me louaq: —¡Oñijeguem nataq'aen anechachi'ña na'me nojo' laeñi! Ñe'me jiyaĝaua ñijeguem ca'li qama'le nechachi'ña.

Lucas 6:8 Referans Kwoze

Mateo 9:4

Qalaxaye So Jesús co'ollaq noma da lhuennataxac somayepi, nache 'enapega, 'eeta': «¿Ta'ainco' ye ỹataqta qauema naua qarhuennataxacolli'?

1 Pedro 4:1

Iuen da qami' lhuotte' da qanqui'ichiñi, qoñiita'am da 'eetec So Cristo da huo'o da nque'eenaxac co'ollaq hueta'a ana 'alhua. Cha'aye da qami' qanqui'ichiñi da qoñiita'am Somaye, nache saishet da qoquiito'ot da qauo'ocheetac na qarasouaxashechi.

Hebreos 4:13

Qaica ca 'oonolec nam lo'onatacpi Ñim Lo'onatac 'Enauacna da huo'otaq ishet da nqañoxocheesop Ñimaye. Cha'aye Ñim Lo'onatac 'Enauacna da ilotalec 'enauac namayepi, qalaq ỹataqta yo'oqta. Qaq ỹoqo'oye da ñachaataxaua'a Ñimaye qalaq ñachoxola't da ñañanaxaguet cam naigui 'enauac nam so'otaq.

Filipenses 1:28

Qataq saishet qome da qami' icolanaqche't nam qami' ipa'agueeta'ape. Cha'aye da saishet da leetapigui ye qarvilli, nache qauauañiichigui qome namayepi da qailaxachigui, qaq qami' qalaq qami' qanca'alaxatre'c, cha'aye Ñim Lo'onatac 'Enauacna qami' ỹanema da qauauegaxañi.

Hechos 26:26

Qaq 'iñi ñi nta'a Agripa qomi' ỹalectaiguilo, ñimaye ỹataqta ỹaỹateeta de'era. Qaq ỹoqo'oye aỹem saishet da ñeteltapiguiñi da aỹem hua'aqtega ñimaye da sa'aqtaxaatac, cha'aye saỹaten da ñimaye nataqa'en ỹaỹateeta 'enauac de'era. Cha'aye damaye saishet da huo'otaq ỹapogoñi ca lataxac; damaye ỹataqta ỹaatec.

Hechos 20:24

Qalaxaye 'enauac namayepi qaica ca seqocha'a, ivira'a da maiche ñachaalataxac 'eeta'am ñaqa'en da qaica ca naigui. Chaqrata da ñeshetaique da samachiguiñi qom sematta da ñamaxasaguec qataq da sepaqueelec dam ỹo'onataxanaxac maye aỹem ỹami' So Qarataxala' Jesús.

Juan 21:17

Nache qaltaq ỹe'eguelaxalec da inat, 'eeta': –'Am Simón maye 'am llalec so Jonás, ¿peta'a 'eesa da Aỹem 'auauotec? Nache so Pedro ỹataqta naquicochiguiñi, souaxat da mashe ivi' tres da ỹe'eguelaxalec da qainat da 'eesa da huo'o da lauotaxanaqtaic. Nache somaye 'enapeco': –'Am Ỹataxala', 'am 'auaỹaten mque' 'enauac da ỹataxac, qataq 'auaỹateeta da ỹataqta 'am sauotec. Nache So Jesús 'enapego' somaye, 'eeta': –'Aulo'ogue qone' ana ilopi qagueta.

Juan 9:4

Cha'aye nagui da ñaq qami' soota'agueta, nache iuen da so'otaq da lo'onataxanaxac maye Aỹem ỹamaxalec Ñim Lo'onatac 'Enauacna maye Ita'a; qalaxaye anata ca na'a'q maye qaica ca ishet da do'onataxan.

Juan 2:25

Qaq saishet da iuen da huo'otaq huo'o ca da'aqtaxanem Somaye da lataxac so shiỹaxauapi, cha'aye Somaye maiche ỹaỹateetac da lquiyaqteỹaxac so shiỹaxauapi.

Lucas 5:22

Qalaxaye So Jesús ỹaỹaten da lhuennataxa somayepi, nache denataxan 'eeta': «¿Ta'ainco' ye qarhuennataxaqui de'era?

Isaías 42:4

Camaye saishet qome da nmatec qataq saishet da nasamñi, choche ivitta'a da na'arelec naqa'en ana 'alhua da nalochiguiñi lataxac. Nam netalec na ỹaqauga 'alhuapiolec aso auaxai, qalaq ỹataqta na'axaỹaxana qome na lapaxaguenataxanaxacpi.»

Salmos 44:21

Nache 'am, sogote taxa da qomi' 'auanomalo, cha'aye 'am mashe 'auaỹateetac na ỹataqta ỹapoguiñi nhuennataxacpi.

Da na'aqtaguec so Job 42:2

«Aỹem saỹateeta da 'aushet da 'auo'ot 'enauacna, qataq qaica da huo'o ca nqanaxat da huo'o ca 'auo'ot.

1 Crónicas 29:17

'Am Ñatamnaxala', aỹem saỹaten da 'am 'auauatto'n naua nhuennataxaco, qataq 'auaỹamaxareeta da nalochiguiñi lataxac. Ỹoqo'oye aỹem, nachera da ỹaỹamaqchiguiñi iquiyaqteỹaxac da huo'omshe maiche aỹem chegoqchigui da 'am sanot 'enauac ne'ena ỹogoxoshetpi. Qaq nagui, sa'amaqchiguiñi da sauaachigui ne'ena lapoota'a't 'aralamaxat nhuo' le'ecpi, da maiche chegoqchigui da 'am ỹanot na lachetaqtaxanaxatpi.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

Lucas 6:9

Nache So Jesús 'enapega 'enauac som hueta'a yi'iye, 'eeta': «Aỹem qami' sena't nagui: ¿Chaq negue't ca ỹaỹamaqchiguiñi da qaỹo'ot ne'ena na'a'q mataxaqui, ca no'on huo'otaq ca qauem? ¿Qanca'alaxatec ca achaalataxac huo'otaq qailaxachigui?»

Marcos 3:3

Nache So Jesús 'enapego' so sano'on, 'eeta': «Ña qoñisheguem, 'anachaangui na laiñi na shiỹaxauapi.»

Lucas 13:12

Nache So Jesús co'ollaq ila'a, nache iỹaxana. Qaq 'enapega, 'eeta': –'Am 'alo, nagui 'am huesoueeguesop da 'aralolaxa.