Lucas 6:7 - La'aqtaqa Ñim Lo'onatac 'Enauacna 2013

⁷ Qaq na chegaqaigui na fariseo qataq nam dapaxaguenataxaatapeguec na namaxasoxonaxacpi, choche nauaatac So Jesús da huo'otaq nataren na lhuaq se'eso ỹale. Da ỹo'ot de'era, nache ishet da qaỹachegoxotchigui da huasoilec qanqa'en da do'onataxangui so na'a'q mataxaqui.

Nuevo Testamento Toba Sur

⁷ Nachi nam dapaxaguenataxaatapeguec na nqataxacpi qataq na fariseopi chochi qanauaatac so Jesús da ishit da datannataxan se'eso na'a'q mataxaqui, da yaqto' ishit da huo'o ca qaÿachigoxotchigui da lasouaxashit qanqoÿin.

Nuevo Testamento Toba Sombrero Negro

⁷ qama'le joga'me judiopi napaĝaguenoqo'tpi nataq'aen gaa'me fariseopi ch'e nauateda'a ñe'me Jesús qaedi yauachidigui qom en yemegue ga'me nolo' jo'ne niyamaqatac, qama'le naq'aeta da'me jetaque e'n chiyaqayi da'me uajoilegue.

Lucas 6:7 Referans Kwoze

Lucas 20:20

Nache ỹauo'oi soua lamaxa'she da choche 'axaỹaxanaxanaqa. Soomaye choche ỹe'enaxa't da 'eetega no'o'n shiỹaxau', da yaqto' isomaxanaqche't naua la'aqtaqa So Jesús, nache ishet da huo'o ca qaỹachegoxotchigui lasouaxashet, nache qoỹaneua'a so lta'a nam netaña ye 'alhua Judea som lca'aguishec so lta'a na nta'alpi maye netaña ye Roma.

Lucas 13:14

Qalaxaye som ilotague' asom paxaguenaxaqui ỹataqta dalemata, souaxat So Jesús da datannaxangui so na'a'q mataxaqui. Nache 'enapega so shiỹaxauapi, 'eeta': –Huo'oi mque' naua seis na'axa'te, maye ishet da qaỹo'onataxanguilo. Qaq nachenauactaxa huetoiguilo da qauanaqui, da yaqto' qami' qanatare'n, qaq saishet da nacheye ye na'a'q mataxaqui.

Marcos 3:2

Qaq so chegaqaigui na fariseopi choche nauaatac So Jesús da huo'otaq nataren so ỹale se'eso na'a'q mataxaqui maye saishetapec namayepi, da yaqto' ishet da qaỹauo'o ca lasouaxashet Somaye.

Juan 9:16

Nache se'eso fariseopi 'eeta': –Se'eso ỹale maye ỹo'ot de'era, Somaye saishet da chegoqtot Ñim Lo'onatac 'Enauacna, cha'aye saishet da huo'o ca ỹanaigui ye na'a'q mataxaqui. Qalaxaye huo'o na 'eeta': –¿Hua'ago' ca 'eetec da ishet da ỹo'ot de'era na'anec maye sa qaỹauanapega, da huo'otaq Somaye 'etaxaloxoic? Huaña, nache colaxagui da lhuennataxac se'eso shiỹaxauapi.

Jeremías 20:10

Huo'o da sa'aqtega naxa na shiỹaxauapi da nsoxootega't, 'eeta': «¡Ỹataqta vichiguiiñalo da lchec!» Qataq 'eeta': «¡Ñaq qauanaqui sauoqo'o ca lasouaxashet!» Qaq ivira'a na ñauochaxauapi iuatta'a da huo'o ca ñe'enaxac. Nache, 'eeta': «Saiuena'a da ishet da satenachetaq, qataq qoroxonec, nache sauoqo'o ca qarvi'.»

Isaías 29:21

qataq nam nmaxalec naxa ca lỹa da 'eetega laataxanaxaic, qataq nam ỹatenachet naxa cam nmit na nasouaxashet, qataq nam datenataxan naxa da yaqto' ỹaneguet da qauem cam qaica ca lasouaxashet.

Salmos 38:12

Na huotaique da aỹem ỹalauat qalaq lapaxañi ana lqoinapi, na huotaique da aỹem ỹo'otec ca qauem, qalaq ỹareetega da aỹem nlaxaañi, nache 'enauaque naua na'axa'te ỹo'ottac da latenataxanaxac.

Mateo 5:39

Qalaxaye nagui Aỹem shenapec: Saishet da qaue'enaxachiỹa'aguet cam huo'o ca qami' ỹo'oteque. Nachaqrata da huo'otaq huo'o ca iuaxangui ana 'oiguishe 'aramelque, nache qonapega da iuaxangui ana lỹa 'aramelque.