Lucas 6:6 - La'aqtaqa Ñim Lo'onatac 'Enauacna 2013

⁶ Qaq so lỹa na'a'q mataxaqui, nache So Jesús qaltaq inoxoneua'a asom napaxaguenaxaqui na judiopi da yaqto' dapaxaguenataxan. Qaq ỹalectauo so ỹale maye deqaqta na lhuaq aloiguishec.

Nuevo Testamento Toba Sur

⁶ Qaq so lÿa na'a'q mataxaqui nachi so Jesús qaltaq inoxoneu'a asom laponaxaqui na judiopi, nachi dapaxaguenataxaatac. Qaq ÿalectauo so shiÿaxaua mayi daqaqta na lhuaq mayi aloic.

Nuevo Testamento Toba Sombrero Negro

⁶ Yenoĝodegue gaa'me noloqo'ote qama'le yitaĝa yovita ga'me nolo' jo'ne niyamaqatac, qama'le Jesús taue ga'me nemaĝaiqui qama'le paja'a dapaĝaguenataĝatac. 'Uo ñe'me jiyaĝaua jo'ne ja daconaĝana ga'me louaq jo'ne yayaten;

Lucas 6:6 Referans Kwoze

Juan 5:3

Qaq asomaye, nache hueta'a so qalota sa no'onpi, huo'o na tagoxoicpi, qataq huo'o na ñe'eerauo naua lchel qataq na sa da'añiiguepi [maye choche iuatta'a da ndaxanataguec na le'ec 'etaxat asomaye,

Lucas 4:31

Ime, nache So Jesús nqo'ona ye nỹecpi le'enaxat Cafarnaúm, yem huaigui ye 'alhua Galilea. Qaq co'ollaq huaña yemaye, nache ỹapaxagueetac so shiỹaxauapi so na'a'q mataxaqui.

Lucas 4:16

Ime, nache ỹe'eguelaxague da Nazaret yem ỹataqta lañaxataqa'. Qaq co'ollaq ivireuga so na'a'q mataxaqui, nache inoxoneua'a aso napaxaguenaxaqui na judiopi, cha'aye maiche lataxac Somaye. Qaq co'ollaq nachaañi da detaxaỹaxanataxan,

Mateo 4:23

Nache So Jesús coleetapeguelec 'enauac ye Galilea da dapaxaguenataxaatapoigui ana napaxaguenaxaquipi na judiopi yi'iye 'alhua, ỹa'axattac da no'on na'axaỹaxac maye ỹa'axat da Ñim Lo'onatac 'Enauacna ilo'ogue 'enauacna, qataq natareetac 'enauac na ỹotta'a't lalolaxa na shiỹaxauapi.

Juan 9:16

Nache se'eso fariseopi 'eeta': –Se'eso ỹale maye ỹo'ot de'era, Somaye saishet da chegoqtot Ñim Lo'onatac 'Enauacna, cha'aye saishet da huo'o ca ỹanaigui ye na'a'q mataxaqui. Qalaxaye huo'o na 'eeta': –¿Hua'ago' ca 'eetec da ishet da ỹo'ot de'era na'anec maye sa qaỹauanapega, da huo'otaq Somaye 'etaxaloxoic? Huaña, nache colaxagui da lhuennataxac se'eso shiỹaxauapi.

Lucas 14:3

Nache So Jesús, inattac nam dapaxaguenataxaatapeguec na namaxasoxonaxacpi qataq som fariseopi, 'eeta': –¿Ishet peta'a da qaỹasheeta da qanataren ca sa no'on ye na'a'q mataxaqui, qalqo' saishet?

Lucas 13:10

Huo'o so na'a'q mataxaqui, nache So Jesús dapaxaguenataxaatac, huetaigui asom napaxaguenaxaqui na judiopi.

Lucas 6:1

Huo'o so na'a'q mataxaqui, nache So Jesús qataq soua lapaxaguenataqa ỹa'axasoxoorelec so nanaxanaqa' maye nma' na trigo. Nache soua lapaxaguenataqa napocta'ape na trigo, nache nqateua'a na ala da yaqto' che'c.

1 Reyes 13:4

Nache so nta'a Jeroboán, co'ollaq hua'axaỹa da la'aqtac so na'aqtaxanaxanec, da detaqtega aso nca'atoxonaxalate maye naña ye Betel, nache so nta'a nauaxaỹaxaasheguem na lhuaq, huaña aso nca'atoxonaxalate, nache 'eeta': «¡Ña qauacoñiiua'a damaye!» Qalaxaye so lhuaq maye nauaxaỹaxaasheguem somaye nache deqaqa, nache saishet da qaltaq iraxan.

Zacarías 11:17

¡Qaq choxoraxaso' qome, cam qagueta lo'o maye qaica ca ỹaỹaanapec da ỹalat aca lhuateguishe qaguetapi! ¡Camaye qairolec qome ca ỹeelonec da qaicheguec na lhuaq, qataq añi aloiguishe la'aite! ¡Qaq no'ono' da deqaqa na lhuaq, qataq ỹataqta sanauaañi!

Lucas 6:5

Aỹem Shiỹaxaua Llalec, Aỹem maiche Aỹem chegoqtot da huo'o ca so'ot, qataq ca saishet da so'ot ye na'a'q mataxaqui.