Lucas 6:5 - La'aqtaqa Ñim Lo'onatac 'Enauacna 2013

⁵ Aỹem Shiỹaxaua Llalec, Aỹem maiche Aỹem chegoqtot da huo'o ca so'ot, qataq ca saishet da so'ot ye na'a'q mataxaqui.

Nuevo Testamento Toba Sur

⁵ Nataq'en 'enapeco': –Ne'ena shiÿaxaua llalec, namayi nataq'en huo'o naq 'enec da huo'o ca damaxasoxoolec yi na'a'q mataxaqui.

Nuevo Testamento Toba Sombrero Negro

⁵ Nataq'aen noqotetenegue: —Mach'e jayem jo'ne yataqachiñe Jiyaĝaua Lec'oĝot, yataqachiñe 'uo da'me yañoqotaĝanaĝac qaedi ñejaliaĝatelegue di'me nolo' jo'ne niyamaqatac.

Lucas 6:5 Referans Kwoze

Marcos 2:27

–Ye na'a'q mataxaqui maye saishetapec na judiopi, qaỹo'ot co'ollaxa da yaqto' lalamaxat ca shiỹaxaua, qaq saishet da qaỹo'ot ca shiỹaxaua da yaqto' ye na'a'q mataxaqui lalamaxat camaye.

Apocalipsis 1:10

Qaq huetoigui so na'a'q maye laloxoqui da qaỹo'oxoren So Qarataxala', co'ollaq aỹem souaigui da la'añaxac So Saqcha'a Na'añaxac Qui'itta. Nache sa'axaỹa co'ollaxa so lta'araic nvilỹaxac, chemaxague na ilaq, 'eeta'am da l-lamaxa ana nasheere.

Marcos 9:7

Nache saqaỹaloq da anac so lo'oc chegoqo'ot na piguem da naloteleguete soomaye. Qaq se'eso lo'oc chemaxaigui so na'aqtac, 'eeta': «'Era da Ỹalec maye ỹataqta ỹauotaxat, damaye qaualaqaiguet qome.»

Lucas 6:4

Nache so David pa'aigui so lma' Ñim Lo'onatac 'Enauacna, nache ỹacona aso nauole maye sa qaishetapec, qataq nda'a't ca ntaxaỹaxanaxanec da qaỹasheetem asomaye da chec, qalaxaye, nache 'ena'am chec somaye qataq nataqa'en soua nnaictagueto.

Lucas 6:6

Qaq so lỹa na'a'q mataxaqui, nache So Jesús qaltaq inoxoneua'a asom napaxaguenaxaqui na judiopi da yaqto' dapaxaguenataxan. Qaq ỹalectauo so ỹale maye deqaqta na lhuaq aloiguishec.