Lucas 6:49 - La'aqtaqa Ñim Lo'onatac 'Enauacna 2013

⁴⁹ Qaq ca na'axaỹaxaatega da ỹapaxaguenataxanaxac, qalaxaye saishet da Aỹem ỹalaxaguet, qaq camaye 'eeta'am ca ỹale da no'oxoosheguem ca lma' da ỹaatelec ca 'alhua maye sa da'angui. Qaq da ivita da nvi' na ndep, nache na la'auataxa na 'etaxat iuaxanot que'eca nỹec, nache camaye hua'axañi, nache ỹataqta dolachigui.»

Nuevo Testamento Toba Sur

⁴⁹ Qaq ca aÿim n'axaÿaxaatega, qalaxayi sa ishit da i'ot cam shiitega, qaq camayi 'eeta'am ca shiÿaxaua da chochi i'adainya' ca lma', qaq sa ishit da ÿauo'o ca l'oxonaxala' naq'en. Qaq chaxan 'eesa da ivita da i'auat so tala, nachi anac na 'etaxat ÿataqta sa nsatteguet ana lapaxa da iuaxanot somayi, nachi ishit da hualolaguiñi, nachi ÿataqta nlachiguiñi.

Nuevo Testamento Toba Sombrero Negro

⁴⁹ Qalaĝaja ga'me jo'ne jayem domachiya qama'te ja ya'uo ga'me jenaac, nach'ega ena'am ñe'me jiyaĝaua jo'ne en ga'me aleua da'me 'noĝojeguem ga'me 'lemec, qaga'te lamo jo'ne p'añe; ca'li naenegue ga'me ñache ja cat'olec ga'me 'lañaĝac ga'me noĝop da'me yauaĝanot, qama'le nojouoĝojeguem qama'le yitaĝa nedo'ta't da'me qaya ga'me emec.”

Lucas 6:49 Referans Kwoze

Ezequiel 33:31

Qaq 'era da 'eetec naxa na ỹalamaxat nhuo' le'ecpi, da anac nache nso'ooñi 'am datato'ot da na'axaỹaxanalo naua 'ara'aqtaqa, qalaxaye saishet da ỹo'o't. Nacherata da ỹe'eguelaxattaleguete 'eeta'am naqa'en ca no'onec maye huetaigui da nauotaxanaqtaic, qalaxaye da lquiyaqteỹaxac quetague' da lauotaxanaqtaic ana anom plata.

Mateo 23:3

Qaq ỹoqo'oye qami' iuen da qauo'oche 'enauac cam la'aqtac namayepi, qalaxaye saishet qome da qauo'oche nam ỹo'ottac namayepi, cha'aye da ỹauo'o ye dapaxaguenataxanec, qalaq namayepi ỹaqa'a na ỹo'ottac.

Proverbios 28:18

Ca ỹale ỹo'oxoraic camaye ishet da nca'alec, qaq ca 'etaxaloxoic qalaq taỹa'a da lachoxoyec.

1 Juan 2:19

Ne'ena ipa'agueetacpi So Cristo qomi' ỹalectaiguilo naxa da llaponaqta'a't, qalaxaye ỹoqta 'eesa da namayepi saishet da qaraỹepi. Cha'ayectaxa da ỹoqta 'eesa da maiche qaraỹepi, nache saishettaxa da qomi' ca'aisalo. Qalaxaye namayepi nỹotec da yaqto' ỹoqta ỹachaxan da saishet da 'enauac naxa nam salegaqta'aguet da ỹoqta qaraỹepi.

Juan 15:2

Qaq da huo'o aca 'oonole ana icouepi da saishet da huo'o ana ala, nache Ñi Ita'a iquesoxouec; qalaxaye nqat ana llaxataxa ana lcouepi maye huo'o ana ala, da yaqto' nquictec da alaỹaxac.

Lucas 12:47

Qaq cam namaxashec maye ỹaỹateeta cam 'eetapeguec cam na'aco', qalaxaye saishet da naỹamaxattai', qataq sa ỹalaq, qaq camaye ỹataqta lta'araic da nhuaxanaguec.

Lucas 6:46

So Jesús queto'ot da da'aqtaxaatac 'eeta': «Qami' qoñiitega naxa da Aỹem Qarataxala'ai qataq qami' ỹalamaqa'ate, qalaxaye saishet da qauo'oche da qami' samaxaleguete.

Marcos 4:17

Qalaxaye saishet da ỹoqta ỹaỹateeteguet de'era na'aqtaxanaxac, nache da ntonaxac sa qaỹauec, qataq da nque'elaxatta da huo'o na ivireguet, qaltaq da sa qaiyacnapec souaxat da ỹalaxaguet Ñim Lo'onatac 'Enauacna, nache icoua'ai da na'aqtaxanaxac.

2 Pedro 2:20

Cha'aye nataqa'en nam mashe ỹauatton So Qarataxala' qataq Qarca'alaxaqui Jesucristo, namayepi saishet da quetague' da lataxac na 'etaxaloxoicpi maye huetalec ana 'alhua. Qalaxaye da maiche nasheeteuo da ỹe'eguelaxa da ỹatenachet ne'ena lataxacpi qataq hua'aqta'a da ỹauectac da ñe'etaxaloxo, nache namayepi ỹataqta ỹactec da ỹo'ot sa ỹaỹamaxañi saq 'ena'am so hua'auchiguiñi.

1 Ts 3:5

Ỹoqo'oye aỹem co'ollaq sa yalo'oguet da iuennataxa da qoñiita, nache samaq ñi Timoteo da ichemaxata da huo'otaq ñaq huo'o da qarpi'iỹaxaqui Ñim Lo'onatac 'Enauacna. Cha'aye huo'o da itelaxa da huo'otaq qami' ỹatenache't so pa'aguenataxanaxaic, nache qaica ca naigui naqa'en da qaro'onataxanaxac.

Hechos 26:11

Qataq ỹataqta qalota da seuaxaatac namayepi da sauotaique da ỹaxaañi da lpi'iỹaxac. Qaq 'era da so'otec 'enauac anam napaxaguenaxaquipi nam judiopi. Cha'aye aỹem ỹataqta qalota da iquiỹaxa namayepi, ỹoqo'oye ivira'a da secanaxangui nam hueta'alo naua ỹaqa'alo 'aleu'.

Hechos 20:29

Cha'aye aỹem saỹateeta da qom sheca'ai ne'ena, nache huo'o qome ca lỹa anac da huotaique da nlaxaañi na 'amqaanataxanaxaicpi, 'eeta'am da 'eetec ca dequi'iỹapec da detoxongui ana qaguetapi.

Lucas 19:27

Qaq nam aỹem ipa'agueetacpi maye sa ỹaỹamaxaren da aỹem lta'a, qalaq qanaviquiiua'a aỹem. Ime, qaq qaualauache.»

Lucas 19:14

Qalaxaye so shiỹaxauapi maye lma' se'eso 'alhua, ỹataqta nquiỹa somaye. Nache ỹauo'o so ỹamaq da ica'ataxanaxaalec somaye da yaqto' 'enapega, 'eeta': «Qomi' sa saỹamaxarenaq ne'ena ỹale da qarta'a.»

Mateo 24:10

Nache qalota qome nam Aỹem ca'attague' da ỹaxanec da lpi'iỹaxac Aỹem, qataq huo'o qome ca decachiỹalec ca lỹa da sa iyacnapec, cha'aye souaxat da lquiỹaxa.

Oseas 4:14

Qalaxaye Aỹem saishet qome da sauo'o ca nhuaxanaguec ana llalepi souaxat da lquisheguetaxac, qataq ana latelpi souaxat da lauatapiguiñi' nam sa lhuapi, cha'aye maichena namayepi da nquishestague' ana quisheguetaxaipi qataq da ỹo'ot ana lachetaqtaxanaqtepi, nache nquisheshigui da la'amqaanataxanaxac. Qaq 'era da 'eetec na nhuo' le'ecpi, da taỹañecra souaxat da qaica ca laỹaanataxanaxac.

Lucas 6:48

camaye 'eeta'am ca ỹale maye ỹo'ot ca lma', qaq ỹa'auaxaañi da desheraxan, ỹataqta qaỹoqchiguingui naqa'en ca lsherec ivittaña ca coma'. Huaña, nache lapaxañi ca lo'oxonaxala' naqa'en ca nỹec. Qaq da ivita da nvi' na ndep, nache na la'auataxa na 'etaxat ỹataqta iuaxanot ca nỹec. Qalaxaye ca nỹec saishet da deraỹapigui', cha'aye ỹataqta 'onaxaic da no'oxonaguec.

Lucas 7:1

Nache So Jesús co'ollaq imat da ỹapaxagueetac so shiỹaxauapi, nache jec, taỹa ye nỹecpi le'enaxat Cafarnaúm.