Lucas 6:48 - La'aqtaqa Ñim Lo'onatac 'Enauacna 2013

⁴⁸ camaye 'eeta'am ca ỹale maye ỹo'ot ca lma', qaq ỹa'auaxaañi da desheraxan, ỹataqta qaỹoqchiguingui naqa'en ca lsherec ivittaña ca coma'. Huaña, nache lapaxañi ca lo'oxonaxala' naqa'en ca nỹec. Qaq da ivita da nvi' na ndep, nache na la'auataxa na 'etaxat ỹataqta iuaxanot ca nỹec. Qalaxaye ca nỹec saishet da deraỹapigui', cha'aye ỹataqta 'onaxaic da no'oxonaguec.

Nuevo Testamento Toba Sur

⁴⁸ Camayi 'eeta'am ca shiÿaxaua mayi i'ot ca lma', qaq i'auaxaañi da deshidaxan, ÿataqta qaÿoqchiguingui naq'en ca lshidec. Ime, qaq lapaxañi ca coma' mayi l'oxonaxala' naq'en ca noÿic. Qaq chaxan 'eesa da ivita da i'auat so tala, nachi anac na 'etaxat ÿataqta sa nsatteguet ana lapaxa da iuaxanot que'eca noÿic. Qalaxayi sa ishit da ÿañoxot da ÿayigot, cha'ayi so noÿic n'oxootalec qanqoÿin so coma'.

Nuevo Testamento Toba Sombrero Negro

⁴⁸ queda'me nach'egaua eda'am ga'me jiyaĝaua jo'ne jetaque 'noĝojeguem ga'me 'lemec, qama'le 'uaeñe q'aen da'me yataqachiñe en qaya'ñgui ga'me lejedec, qama'le en lamo ga'me qa' ga'me emec. Ca'li nayenegue ga'me ñache, ga'me noĝop ja yilae'teguet da'me 'lañaĝac da'me yauaĝanot ga'me emec, qalaĝaja ja yaqanatet ta'le yidaĝat, qa'a ja qoyalajaĝan da'me qo'nedijeguem.

Lucas 6:48 Referans Kwoze

Salmos 62:2

Nacheñita Ñimaye da aỹem mpaxattalec, qataq ica'alaxaqui, qataq ỹe'eguenaxala', nache saishet qome da souañi.

Isaías 28:16

Qaq ỹoqo'oye Ñim Nataxala' 'enapec: «Aỹem sanaña qome ye Sión ca coma', ca coma' maye lleca'aguishec qataq ỹataqta lta'araic da lasheechiỹaxac, qaq camaye nacheca qome cam ỹactec da 'enec, qataq nacheca cam lo'oxonaxala' ca nỹec. Qaq cam pi'iỹa'a qome camaye qalaq ỹataqta ỹe'emaqtac.

Judas 1:24

Ñim Lo'onatac 'Enauacna ishet da qami' ntela'alo da yaqto' saishet da qauo'oche ca qauem, qataq nataqa'en huo'o da la'añaxac da yaqto' qami' nachaalataxaneua'alo cam hueta'a maye qaica ca 'ena'am da llo'oxoyec. Qaq da qanachaacheua'a Ñimaye, qalaq qami' nlaqchiguilo da qantonaxaqui qataq qami' qui'itte', qaica ca qarshepaxanaqai, qoñiita'am ca nogoxot da dalaxaicolec.

Isaías 26:4

Qami' nache 'eetai' qome da qapi'iitega Ñim Nataxala', cha'aye nacheñi ñim chochaq tatec ñe'eguenaxala'.

Efesios 2:20

Qataq qami' 'amqaanataxanaxaicpi qoñiita'am ca nỹec maye qano'oxootapiguisheguem, no'oxootelec qanqoỹen som lapaxañi co'olloxocheye na lamaxashecpi So Jesús qataq so la'aqtaxanaxanecpi Ñim Lo'onatac 'Enauacna. Qaq nacheso So Jesucristo som 'eeta'am ca coma' maye nllañi ca nỹec.

1 Juan 2:28

Qaq ỹoqo'oye nagui qami' ỹalqolqa, no'on da nache qoquiito'ot da qana'ayeetaua'a So Cristo. Yaqto' qom ñe'eguelaq Somaye, nache nda'a't da qanaquitaxac, qaq saishet da huo'o ca qara'aloxo souaxat da ỹauo'o ca qanhuaxanaguec.

2 Timoteo 2:19

Qalaxaye Ñim Lo'onatac 'Enauacna mashe lapaxañi so lo'oxonaxala' da lo'onataxanaxac maye qaica ca iraxanapec. Qaq somaye nanettalec so nerec, 'eeta': «Ñim Nataxala' ỹauatton ca mashe lalamaxat;» nataqa'en 'eeta': «'Enauac na ỹo'oxoren da le'enaxat Ñim Lo'onatac 'Enauacna, iuen da ỹaxaañi da ỹo'ottac na sa ỹaỹamaxañisat.»

Salmos 32:6

Qaq ỹoqo'oye da qanayeuaigui da que'eenaxac, nache na 'am quetague'pi 'am iỹaxanot, qaq na'aictaxa da ỹa'auat na 'etaxat qataq npaxaasheguem, qalaxaye saishet da ivitsheguema namayepi.

2 Samuel 22:32

Cha'aye ¿Negue'to' ca lỹa Atamnaxala' ye nacheñita Ñim Nataxala'? ¡Qataq nacheñita Ñimaye da qomi' mpaxattaleguete!

Proverbios 10:25

Da ỹoxogue ca la'at lta'araic nache imeuo ca qauemaic, qaq ca no'on da lataxac qalaq nache 'eetai' da nachattañi.

2 Samuel 22:47

«¡Qaq nache 'eetai' qome Ñim Nataxala'! ¡Ỹataqta qaỹo'oxoren Ñim Ñatamnaxala' maye ica'alaxaqui!

Isaías 59:19

Qaq 'enauac qome ana 'alhua, chegoqchiguiña da nala' lliguisheguem, nache ivira'a da nala' lliguiñi, da huo'o naq 'enec naqa'en Ñim Nataxala' qom ila'a da la'amaqchec, cha'aye Ñimaye qom anac qalaq 'eeta'am aso tala da ỹa'auat, souaxat da ỹasheerelec na la'at maye huo'o da la'añaxac.

2 Pedro 1:10

Qami' ỹaqaỹa't, Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi. Qaq da qauauoitaique da nache 'eetai' da qaualliquiitaigui namayepi, nache qami' iuen da qanquigaxachiitec da qana'añaxataxaqui da qauo'oche 'enauac de'era. Qaq da nache qoñiitec de'era, nache saishet da huo'o ca nqanaxat da qanachaalataxaqui da qaua'amaqchiñiitac So Cristo.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Juan 16:33

Qaq Aỹem qami' sa'axatema 'enauac de'era, yaqto' huo'o da qarlagaxayiqui da Aỹem qana'ayeetaua'a. Qami' ana 'alhua maye qoviitalec huo'o da qanque'eenaxaqui. Qalaxaye qana'añaxache qome, cha'aye Aỹem mashe sogote da ỹoxonec nam 'onataxacpi maye huetalec ana 'alhua.

Nahúm 1:8

qalaxaye nmichiguiñi naqa'en qome na npa'aguenaxauapi, 'eeta'am ca qapa'atteguet ndep da ỹache 'enauac na huetangui na llec, qataq Ñimaye 'eeta'am ca napalaxa da iviralec na npa'aguenaxauapi.

Salmos 95:1

Ña qauanaqui, so'otaq da qantonaxac da so'onaxanaqto'ot Ñim Nataxala', so'onaxanaqto'ot Ñim qomi' mpaxattaleguete qataq qarca'alaxaqui.

2 Samuel 22:5

«Qaq so nleuaxa, 'eeta'am ana lapaxa na 'etaxat da aỹem lpachigui, qataq ỹo'ot da icolanaxa, somaye 'eeta'am ana ỹataqta chaxaguet lapaxa maye dalaataxanapec.

Deuteronómio 32:15

Qalaxaye co'ollaq mashe qaica ca iueetaique na Israel le'ecpi, nache dataỹa'aguet Ñim Lo'onatac 'Enauacna maye lo'onatac namayepi, qataq ỹo'otan naxa Ñim npaxattalec qataq lca'alaxaqui namayepi.

2 Samuel 23:3

Ñim Natamnaxala' na Israel le'ecpi detaqa, Ñim mpaxattalec na Israel le'ecpi, aỹem 'enapega, 'eeta': ‹Ca nta'a maye ilo'ogue na shiỹaxauapi, da no'on da lo'onataxanaxac, qataq huo'o naq 'enec naqa'en Ñim Lo'onatac 'Enauacna,

2 Samuel 22:2

Qaq de'era lo'onec, 'eeta': «Ñim Nataxala', nacheñi ñi Aỹem mpaxattalec, ỹo'ot da ỹa'añaxac qataq aỹem nca'alaxatec,

1 Samuel 2:2

¡Qaica ca Qui'itta da 'eeta'am 'Am, Nataxala'! ¡Qaica ca qomi' npaxattaleguete, da 'eeta'am 'am Qanatamnaxala'! ¡Qaica ca lỹa nachaq'amta!

Deuteronómio 32:31

Qataq na qampa'aguenaxauapi ỹaỹaten da cam npaxattalec namayepi saishet da 'eeta'am Ñim qomi' npaxattaleguete.

Deuteronómio 32:18

'Am Israel, 'aucoua'ai co'ollaxa Ñim 'Arta'a maye 'am ntela'a, 'aucoua'ai Ñim Lo'onatac 'Enauacna maye 'am ỹanem da 'anachaalataxac.

Lucas 6:47

Da huo'o ca nquigueua'a Aỹem qataq na'axaỹaxana da ỹapaxaguenataxanaxac qataq Aỹem ỹalaxaguet,

Lucas 6:49

Qaq ca na'axaỹaxaatega da ỹapaxaguenataxanaxac, qalaxaye saishet da Aỹem ỹalaxaguet, qaq camaye 'eeta'am ca ỹale da no'oxoosheguem ca lma' da ỹaatelec ca 'alhua maye sa da'angui. Qaq da ivita da nvi' na ndep, nache na la'auataxa na 'etaxat iuaxanot que'eca nỹec, nache camaye hua'axañi, nache ỹataqta dolachigui.»