Lucas 6:47 - La'aqtaqa Ñim Lo'onatac 'Enauacna 2013

⁴⁷ Da huo'o ca nquigueua'a Aỹem qataq na'axaỹaxana da ỹapaxaguenataxanaxac qataq Aỹem ỹalaxaguet,

Nuevo Testamento Toba Sur

⁴⁷ Nagui aÿim qami' sa'axatema ca 'eeta'am ca shiÿaxaua da huo'otaq aÿim nau'a da aÿim n'axaÿaxana qataq ÿataqta i'ot cam shiitega:

Nuevo Testamento Toba Sombrero Negro

⁴⁷ Uo'oe gaa'me jayem nec'adeta qama'le jayem naquiaĝata nataq'aen yauote ga'me jo'ne jenaac. Qama'le ami ja'aĝatema

Lucas 6:47 Referans Kwoze

Lucas 11:28

Qalaxaye So Jesús 'enapeco': –¡Ỹactec da machiguiñi na shiỹaxauapi maye na'axaỹaxaatega da la'aqtac Ñim Lo'onatac 'Enauacna qataq ỹalaxaguet!

Juan 14:15

Da qami' Aỹem qauauochec, nache qaualaqaileguete naua ỹamaxasoxonaxaco.

Santiago 4:17

Da qami' qauaỹachiñi da qauo'oche ca ỹaỹamaqchiguiñi, qalaxaye saishet da qauo'oche, nache qami' huo'o da qarasouaxashechi.

Mateo 12:50

'Ena nam 'eeta'am aca ỹate'e qataq ca ỹaqaỹañicpi. Cha'aye camachaqca ca ỹalaxaguet na lamaxasoxonaxacpi ñi Ita'a maye neta'ague da piguem, qaq nacheca cam ỹaqaỹañicpi qataq ỹate'e.

Juan 13:17

Qaq qami' da qauaỹaañita de'era, nache qauo'oche, qaq huaña, nache ỹataqta qauamaichiguiñi.

1 Pedro 2:4

Qami' qoñiita'am ca coma' maye nca'altauec, maye iueetac Ñim Lo'onatac 'Enauacna da no'oxoosheguem aca lo'onaxanaxaqui maye saqcha'a. Qaq ỹoqo'oye qanquiquiỹot So Jesucristo, cha'aye nacheso so coma' nca'altauec, qataq ỹo'otan na shiỹaxauapi co'ollaxa. Qalaxaye Ñim Lo'onatac 'Enauacna lca'aguishec co'ollaxa Somaye da 'eeta'am naqa'en ca coma' maye ỹactec da lyac. Nataqa'en qami' no'o'n ltaxaỹaxanaxanaqa na shiỹaxauapi da qaitaxaỹapegue' Ñim Lo'onatac 'Enauacna qataq chegoqchigui So Jesucristo da qaỹa'añiỹot Ñim Lo'onatac 'Enauacna ana nachetaqtaxanaqte maye ỹaỹamaxareeta Ñimaye.

Hebreos 5:9

Nache co'ollaq So Cristo da ỹo'ot 'enauac nam ỹamaxalec Ñim Lo'onatac 'Enauacna, nache Somaye ivira'a da Nca'alaxaqui da ỹami' da nca'alaxa chochaq tatec 'enauac nam ỹalaq.

Apocalipsis 22:14

Nam ỹaxaañi da ỹo'ottac na qauem, nache Ñim Lo'onatac 'Enauacna ỹaalec ca nqouagaxa, nache ỹami' da nhuanaua'a da chec ana ala ara qo'oipaq maye chegaqaigui da nca'alaxa maye chochaq tatec. Namayepi ishet da inoxoneua'a na lasompi yi'iye nỹecpi.

Lucas 14:26

–Saishet da ỹapaxaguenatac ca Aỹem naua'a, da huo'otaq ỹapagaqnauec da ỹauotec ca lta'a, huo'otaq aca late'e, lhua, qataq ca llalaqpi, lqaỹañecpi ỹalleppi qataq 'alpi. Nachaqcata ca ỹactec da Aỹem ỹauotec, saq 'ena'am da maiche nachaalataxac, qaq nacheca ca ỹapaxaguenatac.

1 Juan 3:7

Qami' ỹalqolqa, ¡qaica qome ca qami' ỹatenache't! 'Enauac nam ỹalaxaguet Ñim Lo'onatac 'Enauacna, nache ỹataqta no'on shiỹaxaua, 'eeta'am So Cristo Jesús.

1 Juan 2:29

Qaq cha'aye qami' mashe sogote da qauaỹaañita da So Jesucristo ỹo'ot 'enauac nam ỹataqta ỹaỹamaxareeta Ñim Lo'onatac 'Enauacna. Qaq ỹoqo'oye nataqa'en iuen da qauaỹaañi da 'enauac nam ỹo'ot ca ỹaỹamaxareeta Ñim Lo'onatac 'Enauacna, nache namayepi ỹataqta llalaqpi Ñimaye.

Juan 10:27

Qaq anam qagueta maye selotague', anamayepi ỹauatton da ivilỹaxac, qataq Aỹem sauatton anamayepi, qaq anamayepi Aỹem ca'attague'.

2 Pedro 1:10

Qami' ỹaqaỹa't, Ñim Lo'onatac 'Enauacna qami' lca'agui'she da yaqto' qauallicỹoigui na lalamaxatpi. Qaq da qauauoitaique da nache 'eetai' da qaualliquiitaigui namayepi, nache qami' iuen da qanquigaxachiitec da qana'añaxataxaqui da qauo'oche 'enauac de'era. Qaq da nache qoñiitec de'era, nache saishet da huo'o ca nqanaxat da qanachaalataxaqui da qaua'amaqchiñiitac So Cristo.

Juan 6:37

'Enauac nam lca'aguishecpi Ñim Ita'a da yaqto' sauo'o ỹapaxaguenatacpi, namayepi Aỹem naua'a; qaq Aỹem saishet da semaqa'aguet.

Juan 6:35

Nache So Jesús 'enapeco': –Aỹem Nachaỹem nauole maye san da nca'alaxa. Ca Aỹem naua'a, nache sa nauane' na lqouaxa; qataq ca Aỹem ỹa'amaqten, nache sa nauane' na laquip.

Juan 5:40

qalaxaye qami' saishet da huotaique da Aỹem qaua'amaqchiñi, da yaqto' qami' taỹoto de'era nca'alaxa maye chochaq tatec.

Lucas 8:13

Qaq asom nañiguishe maye tatelec so 'alhua maye ỹalliigui na coma', qalaq naigui ca shiỹaxaua maye na'axaỹaxaatega da na'aqtac qalaq huo'o da ntonaxac. Qalaxaye ye saishet da ỹoqta ỹaỹateeta, nache da huo'o ye ivireguet lqalaic, nache saqaỹaloq da ỹaxanec da lpi'iỹaxac Ñim Lo'onatac 'Enauacna.

Lucas 8:8

Qaq aso lỹa lañiguishe ala tatelec so no'on 'alhua, nache co'ollaq ñaxat, nache ỹataqta 'onaxaic da lañaxataxac qataq 'onaxaic da alaỹaxac, ỹoqo'oye huo'o ana ivi' cien ana ala añi 'oonole lamo.» Qaq co'ollaq ime, nache So Jesús nlamaxaren, 'eeta': «¡Qami' da ỹataqta 'eesa da huo'oi naua qartelai lauacolli', nache ỹataqta qana'axaỹaxañiichiguiñi!»

Mateo 17:5

Qaq co'ollaq ña detaqtac so Pedro, nache anac so lo'oc na piguem ỹataqta 'eroigui. Ipelteeleguete soomaye. Nache se'eso lo'oc chemaqtoigui so na'aqtac, 'eeta': «'Era dam Ỹalec maye ỹataqta ỹauotaxat, damaye ỹataqta ñetootapeguec, qaq qami' iuen da ỹataqta qana'axaỹaxañiỹa damaye.»

Isaías 55:3

Ñaq Aỹem qauanaiua'a nache qana'axaỹaxañiichiguiñi, Aỹem qana'axañiỹa nache qanca'alleeuec. Aỹem so'ot qome cam chochaq tatec ñaỹamaxataxac da qami' ñaỹamaxateto, yaqto' sepaqueelec dam sachanapeguem co'ollaxa so David, souaxat da ỹauotaxanaqtaic somaye.

Juan 8:52

Nache soomaye 'enapegalo' So Jesús, 'eeta': –Qomi' nagui ỹataqta saỹaanaqta da 'am huo'o ñi saqcha'a na'añaxac leguemaxaic 'am netaigui. Cha'aye so Abraham qataq 'enauac so la'aqtaxanaxanecpi Ñim Lo'onatac 'Enauacna, somayepi co'ollaxa ileu, qalaq 'am qonapec: «Da ca 'am ỹalaxaguet, nache camaye chochaq tatec da hueta'aguet Ñim Lo'onatac 'Enauacna.»

Lucas 6:48

camaye 'eeta'am ca ỹale maye ỹo'ot ca lma', qaq ỹa'auaxaañi da desheraxan, ỹataqta qaỹoqchiguingui naqa'en ca lsherec ivittaña ca coma'. Huaña, nache lapaxañi ca lo'oxonaxala' naqa'en ca nỹec. Qaq da ivita da nvi' na ndep, nache na la'auataxa na 'etaxat ỹataqta iuaxanot ca nỹec. Qalaxaye ca nỹec saishet da deraỹapigui', cha'aye ỹataqta 'onaxaic da no'oxonaguec.