Lucas 6:46 - La'aqtaqa Ñim Lo'onatac 'Enauacna 2013

⁴⁶ So Jesús queto'ot da da'aqtaxaatac 'eeta': «Qami' qoñiitega naxa da Aỹem Qarataxala'ai qataq qami' ỹalamaqa'ate, qalaxaye saishet da qauo'oche da qami' samaxaleguete.

Nuevo Testamento Toba Sur

⁴⁶ Qami' naxa da aÿim qauÿaxañiÿa, qalaq qoñiita', “'Am mayi 'am qadataxala',” qalaq ¿tá'ainco' yi sa ishit da qau'ochi cam shinapec?

Nuevo Testamento Toba Sombrero Negro

⁴⁶ “¿Toqoch'e jayem aviyaĝañetapec, «¡Am Qadejaliaĝanec!», qama'te ja auauoyi ga'me jo'ne jenaac?

Lucas 6:46 Referans Kwoze

Malaquías 1:6

Ñim Nataxala' maye Qaica ca Ỹaqalanapec, 'enapega na ntaxaỹaxanaxanecpi, 'eeta': Nam ñalaqpi huo'o naq 'enec naqa'en na lta'alpi, qaq nam namaxashecpi qalaq ỹalaxaguet na na'aco'pi. Qaq aỹem da aỹem Qarta'ai, qalaq ¿ta'ainco' da qaica qanqa'aiñi ca shenec? Qataq da aỹem qana'aco'oi qalaq ¿ta'ainco' da saishet da Aỹem qaualaqaiguet? Qami' Aỹem qauo'otañi, qataq ivira'a da qoñiỹapec: ‹¿Negue'to' cam huo'omshe 'am so'otanaq?›

Gálatas 6:7

Qami' saishet qome da qaupicheetega da ishet da qauatenachichi Ñim Lo'onatac 'Enauacna. Cha'aye ñi 'oonolec nqat ca alaỹaxac ca maiche ỹaañi.

Mateo 25:44

Nache namayepi 'enapec qome: «'Am Qarataxala', sa ỹauano' da 'am seloqta'a da 'auqouat, qataq da ỹaguec na 'araquip. Qataq saishet da sa'axasoqtapeguelec da huo'o ca huaña da qoca'ai ye 'aralamaxat 'arma', qataq saishet da 'am seloqta'a da qaica ca 'aỹa'aañi. Nataqa'en saishet da sa'axasoqtapeguelec da 'am sa no'on huo'otaq da qonetaigui añi ncoñetaxanaxaqui. Ỹoqo'oye saishet da 'am setauanaq.»

Mateo 25:24

Qaq pa'atec co'ollaxa nache nvireuo so namaxashec maye ỹaconeguet aso mil anom nache, 'eeta': «'Am ỹataxala', aỹem saỹaten da ỹataqta 'am qaramchigui, qataq ivira'a da 'auỹaxaneua'a ca ỹataqta huo'o da lqalaic.

Mateo 25:11

Qaq co'ollaq qaỹata'ague, nache nvildeuo soua cinco maye sa naỹamaxata'ape, nache ila'a so lasom da mashe napochigui nache deỹaxaata'ape, 'eeta': «¡'Am Qarataxala'! ¡'Am Qarataxala'! Ña qomi' 'auauategueta.»

Santiago 1:22

¡Qaualaqaiguet da la'aqtaxanaxac Ñim Lo'onatac 'Enauacna! Cha'aye da choche qana'axaỹaxañeetega, qalaxaye saishet da qaualaqaiguet, nache maiche qanatenacheetapeguela't, nache qoñiita'am ca nalleta'ai' aca tannaxai. Da camaye da jec, qaq da qaỹata'ague, nache icoua'ai da lataxac.