Lucas 6:41 - La'aqtaqa Ñim Lo'onatac 'Enauacna 2013

⁴¹ ¿Ta'ainco' ye 'aulotagui ca qauem maye ỹo'ot ca 'arỹa? ¿Sa 'ananomo' peta'a na qalota lataxacpi qauem maye 'auo'ottac? 'Eeta'am da 'aula'a ca ltagoxoshet 'auaqpi lte ca 'arỹa ana la'aite, qaq sa 'ananoma ca maiche 'artagoxoshet 'epaq laỹe.

Nuevo Testamento Toba Sur

⁴¹ Qalaq ¿tá'ainco' yi ishito' da 'auamata'a cam 'auaqpi lsochi mayi huetangui ana l'aite ca 'adqaÿa, qaq sa ishito' da 'aula'a cam qo'ipaq lta'adaic mayi huetangui ana 'ad'aite?

Nuevo Testamento Toba Sombrero Negro

⁴¹ “¿Toqoch'e adema'a da'me auec'aten ga'me letauoĝojet ga'me adaqaya jo'ne netaye jaga'me 'laete, qama'te ja auetaden da'me nach'e ena'am 'uo na'me mach'e adetauoĝojet jo'ne t'adaic 'me am netaye?

Lucas 6:41 Referans Kwoze

Juan 8:7

Qalaxaye soomaye, nache quetro'oto da denataxaata'ape. Nache So Jesús nachaañi, nache 'enapegalo soomaye, 'eeta': –Da huo'o ca 'oonolec da qoñiita da qaica ca lasouaxashet, qaq nacheca ca la'auaxanec da ỹasaq ca coma' aramaye.

Romanos 2:1

Da huo'o ca 'oonolec da qoñiita da ỹauo'o ca lasouaxashet ca lỹa, nache camaye maiche ỹo'ottac nataqa'en ca lasouaxashet, cha'aye nataqa'en ỹo'ottac damaye. Qaq ỹoqo'oye camaye sa ỹaỹamaxañi da ỹauo'o ca lasouaxashet ca lỹa huo'otaq da nmittac,

Jeremías 17:9

Qaica ca ỹactec da tenataxanaxaic qataq qauemaic da, 'eeta'am añi lquiyaqte ca shiỹaxaua. ¿Qaq negue't ca ishet da ỹaỹaten?

Ezequiel 18:28

Qaq da ỹauachiguilo naua la'ai'te, qataq ca'ai 'enauac nam qauem maye ỹo'ot co'ollaxa, nache camaye ỹoqta 'eesa da nca'alec qaq saishet da ileu.

Salmos 36:2

Nache camaye ipi'itaxaatega da huo'o da ño'oxonnataguec, qataq saishet da deqaictega na qauemsat maye ỹo'ottac.

1 Crónicas 21:6

Qalaxaye saishet da qaỹalecneua'a asa'aso ne'enaxat lmalate som chegoxoguetpi so Leví, qataq so Benjamín, cha'aye so Joab, saỹaỹamaxaren de'era lamaxasoxonaxac so nta'a.

1 Reyes 2:32

Qaq Ñim Nataxala', talec naqa'en da maiche lasouaxashet somaye, souaxat da ỹalaua't soua dos ỹale't maye ỹataqta no'on da lataxa'c, maye napacalec da lataxac somaye, som Abner maye llalec so Ner, som lataxala' so alleppi Israel le'ecpi, qataq so Amasa, som llalec so Jéter, maye lataxala' so alleppi Judá le'ecpi. Qaq so ita'a saỹaỹaten co'ollaxa de'era.

Mateo 7:1

Saishet da qanmichiitac ca qarỹai, yaqto' Ñim Lo'onatac 'Enauacna saishet da qami' nmi't.

Lucas 6:40

Ca napaxaguenatac saishet da napacalec na ỹaỹaten ca napaxaguenaxala'. Qalaxaye da huo'otaq mashe inoxonaqchetec nam qaỹapaxaguenecpi, nache ishet da 'eeta'am cam napaxaguenaxala'.

Lucas 6:42

¿Ta'ainco' da qonapega ca 'arqaỹa da qoneta': «Ỹaqaỹa, ña 'aua'aqta'a da ñeqat ye 'artagoxoshet 'auaqpi lte añi 'ara'aite», da 'am sa 'ananoma ye maiche 'artagoxoshet 'epaq laỹe? ¡'Am tenataxanaxaic! 'Aua'auaxaañi da 'anqat ye maiche 'artagoxoshet 'epaq laỹe maye huetaigui añi 'ara'aite, yaqto' ỹoqta 'anauaachiguiñi da 'anqat ca ltagoxoshet 'auaqpi lte ca 'arqaỹa.

Marcos 8:7

Qaq nataqa'en ye huo'oi soua nỹaxayolqa, nache So Jesús ỹan da na'achec, ime, nache nataqa'en damaxasoxoolec da qaimenec.