Lucas 6:39 - La'aqtaqa Ñim Lo'onatac 'Enauacna 2013

³⁹ So Jesús nataqa'en ỹauo'o so daloqnaxana, 'eeta': Ca sanauaañi saishet da ỹaueca'aguet ca lỹa sanauaañi, cha'aye ishet da 'enauaque da tayingui aca llimiaxañi.

Nuevo Testamento Toba Sur

³⁹ Nachi so Jesús ÿauo'o da daloqnaxana, 'eeta': –¿Peta'a ishito' ca qanamaic da ÿaueca'aguet ca lÿa qanamaic? ¿Peta'a sa ishito' caamayi da tayingui aca llimiaxañi?

Nuevo Testamento Toba Sombrero Negro

³⁹ Jesús nach'e ena'am yajoĝonegueta dojo' laloqotenaĝanaĝac: “¿Qo'li yaqanatet ga'me qanam ta'le yauequetague ga'me ladic ga'me qanam laqaya? ¡Yataqachiñe ja yaqanatet, qa'a 'yemeda'ñgui jaĝa'te jaga'me limaĝañi jogaa'me!

Lucas 6:39 Referans Kwoze

Mateo 15:14

Qaq ỹoqo'oye saishet qome da qauqocheetega na fariseopi: cha'aye namayepi 'eeta'am ca sanauaañi da ỹauecta'aguet ca lỹa sanauaañi, qaq cam sanauaañi da huo'otaq ỹauecta'aguet cam 'eeta'am sanauaañi, nache caamaye ishet da 'enauaque da tayingui aca nshere.

2 Timoteo 3:13

Qalaxaye na qauemaicpi qataq na tenataxanaxaicpi taỹañicra, nquicta'aguet 'enauac na sa ỹaỹamaxañisat. Namayepi datenataxaatac, qalaxaye nache 'ena'am natenatac.

Isaías 56:10

cha'aye nam lauanaxanaxanecpi nam ỹalamaxat nhuo' le'ecpi, 'eco' qanamaicpi nache qaica ca nanomaxa. Qataq 'enauac namayepi 'eeta'am ca pioq maye saishet da detoxon, nda'a't da nnanaxac qataq da lchoxonaxac, namayepi ỹataqta nqopita da do'ocheta.

Isaías 9:16

Cha'aye nam lataxala'pi ne'ena nhuo' le'ecpi nachena na isomaxanaqchet, qaq nam ca'attague' namayepi nache deqat.

Mateo 23:33

¡Qami' ỹataqta qami' tenataxanaxaicpi qataq qami' qauemaicpi! Ỹataqta qami' qauemaiqa qoñiỹa'am na lshenataxanaxa na na'araxanaq. ¡Qaq ỹoqo'oye ỹataqta sa qami' ỹe't ca qanhuaxanaguiiqui da qami' qaỹasaxañalo ca nhuaxanaqa' na 'etaxaloxoicpi!

Jeremías 8:12

¡Qamaq iuen taxa da huo'o da la'agaxa da ỹo'ot de'era maye sa sesheteguet! ¡Qalaxaye namayepi qaica ca la'agaxa! Ỹoqo'oye qom sauo'o ca nhuaxanaguec, nache depoxolaxaañi qataq huañi, 'eeta'am so laỹepi. Qaq 'era da ỹa'aqtac Aỹem Nataxala'.

Jeremías 6:15

¡Qaq iuen taxa da huo'o da la'agaxa da ỹo'ottac nam qauem maye seqaiga! Qalaxaye namayepi qaica ca la'aloxo qaq ỹoqo'oye qom sauo'o ca nhuaxanaguec namayepi nache huañi qome, 'eeta'am na laỹepi shiỹaxauapi. Qaq 'era da ỹa'aqtac Aỹem Nataxala'.»

Romanos 2:19

Qataq 'eetega da ỹaỹateeta cam nasaxauec da 'enapega nam huo'o da lasouaxashet, cam iuen namayepi da ỹo'ot da yaqto' ishet da nca'alec.

Mateo 13:3

Nache So Jesús ỹataqta qalota na dapaxaguenataxanec, ỹauota'a na laloqnaxanaxatpi, nache ỹauo'o da daloqnaxana, 'eeta':