Lucas 6:30 - La'aqtaqa Ñim Lo'onatac 'Enauacna 2013

³⁰ Qataq da huo'o ca 'am ỹashela, qalaq 'aỹa'anem ca iỹaxanaique, qataq da huo'o ca deuotaxanec ca 'aralamaxat, qalaq saishet da qonapega da 'am ỹe'eguelaxatem.

Nuevo Testamento Toba Sur

³⁰ Qataq da huo'o ca 'am ÿashila, qalaq 'ai'anem ca iÿaxanaique, qataq da huo'o ca deuotaxanec ca 'adalamaxat, qalaq sa ishit da qoquetapeguem.

Nuevo Testamento Toba Sombrero Negro

³⁰ Gamachaqaega 'uo ga'me yiyaĝanaque da'me am yajela, auanem; nataq'aen ga'me jo'ne doĝotaĝanec ga'me jo'ne mach'e adoĝot, ena'te aueloiquiaĝatac da'me ta'le yitaĝa auaconeguet.

Lucas 6:30 Referans Kwoze

2 Corintios 8:9

Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

Hechos 20:35

Qaq nache 'eetai' da qami' sapaxagueetapegueque de'era, da ca shiỹaxaua iuen da do'onataxan yaqto' ishet da itauan cam huo'o da lhuenaxanaxa. Qaq ỹoqo'oye ñetoonaqta'ac qome da la'aqtac co'ollaxa So Qarataxala' Jesús, maye 'eeta': Ñim Lo'onatac 'Enauacna ntootapeguec cam «ỹataqta machiguiñi da dachetaqtaxan, qaq saq 'ena'am cam choche qaỹachet.»

Mateo 6:12

'Auapalaxat qome na qauem maye so'otaq, 'eeta'ama qomi' da mashe sapalaxataq 'enauac nam qomi' qaỹo'oteque qauem.

Lucas 18:22

Nache co'ollaq hua'aqchigui de'era So Jesús, nache 'eeta': –Huo'o da 'oonolec ña deqaptauec, 'eeta': 'Aumen qome 'enauac na 'am hueto'ot, ime, qaq 'aỹa'anoigui nam choxoraqpi, yaqto' huo'o ca 'arsallaxa hua'ague da piguem. Qaq qom ime, nache 'auanac da Aỹem 'auca'ategue.

Proverbios 21:26

cha'aye 'enauaque naua na'axa'te da choche iyaqtapigui'. Qaq ca no'on da lataxac qalaq saishet da ỹachetaigui da lashemataic da huo'o ca ỹan.

Salmos 41:1

Ỹataqta machiguiñi qome ca lhuennataxat na choxoraq, cha'aye Ñim Nataxala' nca'alaxatec camaye, da ivita da huo'oi naua qauema na'axa'te.

Proverbios 19:17

Da qaỹa'aalaxanaxan ca choxoraq qalaq 'eeta'am da nacheñi Ñim Nataxala' da qaỹa'aalaxanaxan, ỹoqo'oye Ñim Nataxala' maiche isheeten que'eca ỹan aca na'aale.

Lucas 12:33

Qaq qaumiñi qome na qami' hueto'oto. Ime, qaq qaỹa'añim nam deuenaxaatapigui'. Ime, qaq qauo'oche cam qarachoxonaxaquii maye saishet da lto qataq ca nsallaxa hueta'ague da piguem maye saishet da imeuo, qataq saishet da inoxoneua'a cam cachaxaic, qataq saishet da chec ca lalaxat.

Lucas 11:41

Qaq dam ỹataqta ỹaỹamaqchiguiñi lataxac qataq 'eesa da qui'itta, damaye nachera da ñi 'oonolec detaunaxanot ca hueto'ot, da itauan na choxoraqpi.

Lucas 6:38

Qaỹa'añim ca qarỹai cam iueetaique, yaqto' Ñim Lo'onatac 'Enauacna qami' ỹanema cam qaviñiitaique. Cha'aye ỹoqta 'eesa da Ñim Lo'onatac 'Enauacna, da cam lcata cam qaỹa'añim ca qarỹai, qaq nache lcatam cam qami' ỹanema Ñimaye. Da huo'otaq qaỹa'añim ca qarỹai ca trigo, nache qami' qoỹanema ca laỹe' na trigo ỹataqta qantoqoochiguiñi qataq ỹataqta nlaqchigui, nache saishet da iuen da qauloitaique.

Mateo 18:35

Nache So Jesús 'enapeco': «Qaq 'era qome da 'eetec naqa'en da qoñiita ñi Ita'a maye neta'ague da piguem, da huo'otaq ñi 'oonolec saishet da ỹoqta lquiyaqteỹaxac da ichoxoren ca lqaỹa.»

Eclesiastés 8:16

Qaq co'ollaq salemaqtelec da ñapaxagueetega da sauatton dam naỹaanec, qataq da semeteetac 'enauac nam qaỹo'ottac ana 'alhua, nache sevitta'a da saishet da so'oche ye na'a'q qataq ye pe.

Proverbios 22:9

Ca choxonnataxanaxaic, camaye huo'o da nchoxonnataguec, cha'aye da huo'o na aloq qalaq nhuaata'ai' na choxoraqpi.

Salmos 112:9

Qataq itauaatac na choxoraqpi, qaq da lqouagaxanaqtaic qalaq nache queta, qaq da la'añaxac huo'o qanqa'en da llo'oxoyec.

Efesios 4:28

Qaq cam decachetapec co'ollaxa, qalaq no'on da ỹaxaañi nagui da lcachaxac. Chaqrato' da do'onataxan, ỹo'ottac ca maiche lalamaxat lo'onatac, yaqto' ishet da itauan cam huo'o da lhuenaxanaxa.

Eclesiastés 11:2

Cam 'am hueto'ot, 'aỹa'anoiguilo caua siete huo'otaq caua ocho, cha'aye sa 'auaỹaten negue't cam qauem maye ishet da nvira ana 'alhua.

Mateo 5:39

Qalaxaye nagui Aỹem shenapec: Saishet da qaue'enaxachiỹa'aguet cam huo'o ca qami' ỹo'oteque. Nachaqrata da huo'otaq huo'o ca iuaxangui ana 'oiguishe 'aramelque, nache qonapega da iuaxangui ana lỹa 'aramelque.

Lucas 6:29

Qaq da huo'otaq huo'o ca iuaxangui ana 'aramelque, qaq nataqa'en 'aỹa'anem ana lỹa 'aramelque. Qataq da huo'otaq huo'o ca deuotaxanec ca 'arpo', qalaq nataqa'en 'aua'aqta'a da ỹache ca 'al-lomaxaqui.

Lucas 6:31

Qaq cam no'on maye qauauoitaique da qami' ỹo'oteque na shiỹaxauapi, qaq nacheca qauo'ochec qome namayepi.