Lucas 6:29 - La'aqtaqa Ñim Lo'onatac 'Enauacna 2013

²⁹ Qaq da huo'otaq huo'o ca iuaxangui ana 'aramelque, qaq nataqa'en 'aỹa'anem ana lỹa 'aramelque. Qataq da huo'otaq huo'o ca deuotaxanec ca 'arpo', qalaq nataqa'en 'aua'aqta'a da ỹache ca 'al-lomaxaqui.

Nuevo Testamento Toba Sur

²⁹ Da huo'otaq huo'o ca iuaxangui ana 'adamelque, qaq nataq'en 'ai'anem ana lÿa 'adamelque, qataq da huo'otaq huo'o ca ÿacona ca 'adpo', qalaq nataq'en 'au'aqta'a da ÿachi ca 'al-lomaxaqui.

Nuevo Testamento Toba Sombrero Negro

²⁹ “Qom 'uo gamachaqaega ye'uaĝaneuo na'me adanoc, nach'e ena'am auaje'tem na'me laqaya; qom 'uo gamachaqaega deuodaĝanec ga'me adapoto, nach'e ena'am auaje'tem ta'le yachi na'me anejomaĝaiqui.

Lucas 6:29 Referans Kwoze

Hebreos 10:34

Nataqa'en ỹataqta huo'o da qarchoxonnataxanaqai nam ncoñeteguishecpi, qataq ỹataqta huo'o da qantonaxaqui souaxat da qauaqaita'a da na nta'alpi deuotaxanec na qaralamaxache, cha'aye qami' qauaỹaañita da qami' taleguete qome cam hueta'ague da piguem maye ỹactec da lyac qataq qaica ca loga't.

2 Corintios 11:20

Cha'aye qana'añaxacheeguet nam shiỹaxauapi maye qami' ỹamaqta'ape da choche qami' lo'onataxanaxanaqa, qataq qami' nhuottaleguete, qataq qami' ỹatenachetta'ape, qataq saishet da qami' iyacna'ape, qataq da iuaxaatapoiguilo naua qarashegolli'.

1 Corintios 6:7

Da qancotaitega't, nache qami' maye qami' qanauectaleguete. ¿Qaq ỹoqo'oye sa ỹaỹamaxaño' da qana'añaxacheeguet cam qami' qaỹo'oteque sa ỹaỹamaxañi? ¿Sa ỹaỹamaxaño' da qauaqaita'a da qami' qaicacheto'oto?

Juan 18:22

Nache So Jesús co'ollaq 'enapec de'era, nache som 'oonolec som huataxanaqpi maye ilotague' aso no'onaxanaxaqui late'erai maye ỹalectauo, somaye iuaxanoigui na lashec So Jesús. Nache 'eetega, 'eeta': –¿Nache qoneteco' de'era da 'aua'aqtaxanem ñim lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna?

Mateo 26:67

Nache huo'o na nqaigoxoigui na lashec Somaye, qataq huo'o na iuaxaatac. Qataq huo'o na iuaxanoigui na lashec.

Lamentaciones 3:30

qataq ỹanem ana lỹa lamelque cam anac da iuaxangui, qataq ỹaconeguet cam lta'araic nsheunaguec.

Isaías 50:6

San na ilaq da yaqto' aỹem qaỹalaqan qataq sa'aqta'a da qanapo'c naua iqa' laue. Qataq saishet da seltaxaneguet na ỹashec nam aỹem isheueetac qataq nam aỹem nqaigoqto'ot.

1 Corintios 4:11

Nagui ñaq 'eetalec da huo'o da qanque'etaxanaxac na qarqouaxa, qataq na qaraquip, qataq qaica ca ñapoxoña. Na shiỹaxauapi saishet da qomi' iyacna'ape, qataq qaica ca ỹoqta qarma'.

Lucas 22:64

Ỹapoguilo naua la'ai'te somaye, qataq nhuaxanec na lashec, nache 'eetega, 'eeta': –¡Ña 'aua'axat chaq negue't na 'am iuaxaatac!

Hechos 23:2

Nache so Ananías maye nacheso so lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, somaye ỹamaxalec nam saqaỹapeque so Pablo, da yaqto' iuaxanoigui na alap.

Miqueas 5:1

Qalaxaye nagui 'am Jerusalén, ña 'auqataxanai' ca 'arpaqtaxanaxat, cha'aye mashe 'am qaicoleesop, qataq sa qaỹala'ac qome da qaiuaxan ñi lataxala' na Israel le'ecpi.

2 Crónicas 18:23

Huaña, nache so Sedequías, som llalec so Quenaná, ca'ata so Micaías, nache iuaxangui na lanoc, nache 'eeta': Che ¿hua'ago' ca tateuga se'eso lamaxashec Ñim Nataxala', co'ollaq aỹem ca'ai da yaqto' 'am detaxaỹot?

2 Samuel 19:30

Qalaxaye so Mefiboset 'enapeco': 'Onaxaic taxa da 'aỹa'anem 'enauac ye 'alhua somaye. Cha'aye aỹem nacherata da saỹaten da qaica ca machaqca da qoneta, 'am qarta'a, qataq da 'onaxaic da 'arviraxac da 'anvireua'a na 'arma' lta'araic.

Lucas 6:30

Qataq da huo'o ca 'am ỹashela, qalaq 'aỹa'anem ca iỹaxanaique, qataq da huo'o ca deuotaxanec ca 'aralamaxat, qalaq saishet da qonapega da 'am ỹe'eguelaxatem.