Lucas 6:27 - La'aqtaqa Ñim Lo'onatac 'Enauacna 2013

²⁷ ¡Ỹataqta qana'axaỹaxañiichigui da huotaique qami' sa'aqtaxanema!: Qauauochec qome ca qami' ipa'agueeta'ape, qataq ỹataqta qauaỹamaxacheeta ca qami' sa iyacna'ape.

Nuevo Testamento Toba Sur

²⁷ Qaq qami' mayi aÿim qan'axaÿaxañiitega, qami' shinapegalo da ÿataqta qauauochiic qome ca qami' ipa'agueeta'pe qataq ÿataqta qauaÿamaxachiita ca qami' nquiÿategalo,

Nuevo Testamento Toba Sombrero Negro

²⁷ “Qalaĝaja ami jo'ne jayem anaquiaĝañitapega, ami ja'aĝatema: adoqopichiyalo jogaa'me adaute'udi', nataq'aen a'vichiyeque da'me 'noota ga'me jo'ne ami niquiya'alo;

Lucas 6:27 Referans Kwoze

1 Ts 5:15

Ỹataqta qanchelliỹa'a't, saqca ca isheetena'aguet ca sa ỹaỹamaxañi da ỹo'otec ca lỹa. Chaqrato' da qami' qanpogoxoiñiỹapegue' da qauo'ochec ca ỹaỹamaqchiguiñi ñi 'oonolec da qoñiita qataq 'enauac na laỹepi shiỹaxauapi.

Lucas 6:35

Qalaxaye qami' ỹataqta qauauochec ca qami' ipa'agueeta'ape, qataq qauaỹamaxacheeta qataq da huo'o ca qaua'aalaxanaxañic qalaq saishet da qauacheeta'a da qami' isheete'n. Cha'aye da nache qoñiitec de'era, nache Ñim Lo'onatac 'Enauacna maye 'amaqtaqaic qami' ỹanema ca qansheetenaguiiqui qataq ỹataqta qami' llalqa. Ñimaye ỹataqta choxonnataxanaxaic, ichoxoren na shiỹaxauapi maye qauem da lataxac qataq sa nmanapec.

Proverbios 24:17

Qaq saishet qome da 'antootapeguec qom huañi ca 'am ipa'agueetac, qataq qom quia'aqañi camaye nache saishet da 'antootalec,

Gálatas 6:10

Qaq ỹoqo'oye da ivita da huo'o ca so'otaq, qalaq 'enauac so'otaxac ca ỹaỹamaqchiguiñi na shiỹaxauapi, qalaxaye hua'auchiguiñi ñaqa'enaq na maiche qara'amqaanataxanaxauapi.

Marcos 4:24

So Jesús nataqa'en 'enapeco': «¡Ỹataqta qana'axaỹaxañiichiguiñi! Ñim Lo'onatac 'Enauacna ipagaqchiichigui cam lcata ca qaỹa'añim ca qarỹai, qataq ishet da ỹactec naqa'en ca qami' ỹanema.

Hechos 10:38

So Jesús maye Nazaret le'ec. Qaq Ñim Lo'onatac 'Enauacna ỹanem co'ollaxa da la'añaxac Somaye So Saqcha'a Na'añaxac Qui'itta. Qaq Ñimaye ye hueta'aguet So Jesús, nache Somaye nache 'eetai' naxa da ỹo'ottac na ỹaỹamaqchiguiñi qataq nataren 'enauac nam huetalec da la'añaxac so pa'aguenataxanaxaic.

Hechos 7:60

Qaq co'ollaq ime, nache ỹa'alyiñi naua l-llectel, nache ỹataqta na'axannec da la'alaxac, 'eeta': –'Am Ỹataxala', saishet qome da 'aulogui da lasouaxashet ne'enapi. Qaq co'ollaq ime da nasaxauec de'era la'aqtac, nache ileu.

Lucas 23:34

[Nache So Jesús 'eeta': –'Am Ita'a, 'auchoxoren namayepi, cha'aye sa ỹaỹaten dam ỹo'ottac.] Ime, nache som huataxanaqpi nallettapiguilo soua alogo So Jesús da chaq negue't ca taleguete soomaye.

Lucas 8:18

Qaq ỹoqo'oye ỹataqta qana'axaỹaxañiichiguiñi, cha'aye da huo'o ca ỹaỹaten dam saqcha'a lataxac da lo'onataxanaxac Ñim Lo'onatac 'Enauacna, nache camaye qaỹa'aqtaxanem na qalota laỹepi lataxac. Qalaxaye nam saishet da ỹaỹaten dam saqcha'a lataxac de'era no'onataxanaxac, nache Ñim Lo'onatac 'Enauacna, ỹo'otec namayepi da icoua'ai 'enauac nam ipi'itaxaatega da ỹaỹaten.

Lucas 8:15

Qaq asom nañiguishe ala maye tatelec so 'onaxaic 'alhua, qalaq naigui nam na'axaỹaxaatega da la'aqtaxanaxac Ñim Lo'onatac 'Enauacna, qataq ỹaconeguet, qataq ỹalaxaguet, qataq huesota da lataxac. Qaq de'era pa'atec, ỹataqta qaica ca qochetega qataq 'enauac nam ỹo'otpi ỹataqta ỹaỹamaqchiguiñi.

Lucas 8:8

Qaq aso lỹa lañiguishe ala tatelec so no'on 'alhua, nache co'ollaq ñaxat, nache ỹataqta 'onaxaic da lañaxataxac qataq 'onaxaic da alaỹaxac, ỹoqo'oye huo'o ana ivi' cien ana ala añi 'oonole lamo.» Qaq co'ollaq ime, nache So Jesús nlamaxaren, 'eeta': «¡Qami' da ỹataqta 'eesa da huo'oi naua qartelai lauacolli', nache ỹataqta qana'axaỹaxañiichiguiñi!»

Lucas 6:22

Ñim Lo'onatac 'Enauacna qami' ỹaaleguete da lqouagaxanaqtaic souaxat na shiỹaxauapi da qami' nquiỹalo, huo'otaq da qami' isheueeta'ape qataq da qami' sa qaỹaconegueta, qataq qaica ca huotaique da qami' ỹalecta'agueta. Na shiỹaxauapi qami' ỹo'oteque de'era, cha'aye souaxat da Aỹem qaualaqaiguet, Aỹem Shiỹaxaua Llalec.

3 Juan 1:11

'Am ñauochaxaua ỹaqaỹa Gayo, saishet da qoquegue da lataxac nam ỹo'ottac da qauem, chaqrata da qoquegue da no'on nataxac. Cha'aye cam ỹo'ot ca ỹaỹamaqchiguiñi, nache laỹepi nam llalaqpi Ñim Lo'onatac 'Enauacna. Qalaxaye nam ỹo'ottac da qauem, namayepi saishet da ỹauatton Ñimaye.

Proverbios 25:2

Ñim Lo'onatac 'Enauacna huo'o da llo'oxoyec souaxat da huo'o na saqcha'a naqa'en da lataxac, qataq na nta'alpi huo'o da llo'oxoyec da ỹaỹaten ne'ena saqcha'api.

Salmos 7:4

¿Peta'a so'otec co'ollaxa ca qauem ca ñauochaxaua? ¿Qalqo' huetaiya' ñaqa'en ca ñepa'aguenaxaua maye qaica ca ỹasouaxat?

1 Reyes 13:6

Nache so nta'a 'enapega co'ollaxa so la'aqtaxanaxanec Ñim Lo'onatac 'Enauacna, 'eeta': Ñaq aỹem 'anqouaguec taxa da 'auỹaxanot Ñim Nataxala' maye 'Anatamnaxala', da yaqto' no'oita na ihuaq. Nache so la'aqtaxanaxanec Ñim Lo'onatac 'Enauacna natamnot Ñimaye, nache so lhuaq so nta'a qaltaq no'oita.

Hechos 16:28

Qalaxaye so Pablo ỹa'alaxalec somaye, 'eeta': –Saishet da maiche 'analaala't, cha'aye qomi' 'enauac ñaloqta't.