Lucas 6:25 - La'aqtaqa Ñim Lo'onatac 'Enauacna 2013

²⁵ ¡Ỹataqta qauem da qa'aita'ague qami', maye sa qaviñi ca qolliqui cha'aye qaviyeeguet qome da qauqouache! ¡Ỹataqta qauem da qa'aita'ague qami', maye nagui qauaỹalleguiyiitac, cha'aye qauaỹachiñi qome ca noinaxac qataq da qanayeetaigui ca naquicoxo!

Nuevo Testamento Toba Sur

²⁵ Nataq'en choxodaxasodo' qami' mayi sa ishit da qauqouachi nagui, cha'ayi huo'o qome na qadqouaqai. Qataq choxodaxasodo' qami' mayi qauaÿalliguiyiitac nagui, cha'ayi ÿataqta qanoÿiñiitapeguem qome da qadaquicoqoi.

Nuevo Testamento Toba Sombrero Negro

²⁵ “¡Degueja qomle da'me lachoĝode'j gaa'me jo'ne joote yauata da'me lachaĝayaĝa'j, qa'a male yoqoua't qomle! “¡Degueja qomle da'me lachoĝode'j gaa'me jo'ne lajaĝa'tape nayi, qa'a demalaqataĝata'ajalo nataq'aen noye'tape qomle!

Lucas 6:25 Referans Kwoze

Isaías 65:13

Qaq ỹoqo'oye Ñim Nataxala' nataqa'en, 'eeta' da la'aqtac: Nam ỹamaxashecpi huo'o qome na aloq, qalaxaye qami', qanque'etaxañiigui qome na qarqouaqai, nam ỹamaxashecpi saishet qome da iueetaique ca laquip, qalaxaye qami' qanque'etaxañiigui qome da qarhuenaxanaxai ca qaraquipi, nam ỹamaxashecpi machiguiñi qome, qami' qalaq qami' qane'eetapiguilo qome,

Santiago 4:9

Ỹataqta qauaquicoita qome, qataq qanỹeñi souaxat da qanqui'iqui. Qaỹa'axañiiñi da qaraỹalliguiyiqui, ime, nache qanỹiñiitac, yaqto' Ñim Lo'onatac 'Enauacna ishet da ila'a da ỹoqta 'eesa da qanaralaxache da qarhuennataxaqui.

Proverbios 14:13

Ivira'a da naỹalliguiyec nataqa'en ỹo'ot da lqui'ic añi nquiyaqte, qataq ye loga't da namaicỹaxac, damaye naquicoxo.

Apocalipsis 3:17

Cha'aye 'am qonetega da 'am sallaxanec, qataq ỹataqta 'onaxaic da 'icỹaxac qataq qaica ca 'aueetaique. Qalaxaye saisheto' da 'anauattoola't da qaica ca 'aramaicỹaxac qataq qaica ca ye 'am qataq 'am choxoraq qataq saishet da 'anauaañi qataq qouetauec.

1 Ts 5:3

Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

Efesios 5:4

Qataq saishet qome da qanasaqaire'c naua na'aqtaqa maye qauema, huo'otaq ca na'aqtac maye qaica ca naigui huo'otaq cam ỹo'ot da naỹalliguiyec. Cha'aye namayepi saishet da ỹaỹamaxañi da qanasaqaiteguec. Chaqrato' da qami' qaỹa'añiitacot da qana'achecỹaxaqui Ñim Lo'onatac 'Enauacna.

Lucas 13:28

Huaña, nache qami' qanỹiñiitac qome qataq qaunaquiỹa't naua qarvilli' souaxat da qarhuogoqoi, qom qauloỹa'a ca Abraham, Isaac, Jacob qataq 'enauac som la'aqtaxanaxanecpi Ñim Lo'onatac 'Enauacna, qom huetaigui da lo'onataxanaxac Ñimaye. Huaña, nache qami' qaỹamaqraue'c.

Lucas 12:20

Qalaxaye Ñim Lo'onatac 'Enauacna 'enapega, 'eeta': ‹'Am ỹale ỹataqta qaica ca 'auaỹaanapec, nachena ne'ena pe 'am 'aleu, qaq 'enauac nam 'auaỹamaxattac, ¿negue't qome cam talec?›

Nahúm 1:10

Qaq ỹoqo'oye qoñiita'am qome aca ipogotta't qo'oipaq lepi, qataq ca 'auaqpi deqaqta da nmichiguiñi qome da ỹavic.

Amós 8:10

Nache que'eca laloxoquipi na nquia'axacpi, qalaq nmeneguet ñaqa'en da qanỹeetapeguelec na leuaxaicpi, qaq da no'onaxanaxac qalaq nmeneguet ñaqa'en da achoxonnaxac, qataq so'ot da qaỹa'añiiñi na nogoxot nasouaxaqui, qataq da qanamarec naua qarqaigolli' souaxat da qanqui'iqui. Qataq qanoỹeñiitac qoñiita'am ca shiỹaxaua da ileu ca ỹataqta 'oonolec llalec, qaq da ime nache ỹataqta lta'araic que'eca qanqui'iqui.

Isaías 28:7

Qalaxaye nataqa'en huo'o na laỹepi maye ỹe'egottapigui' souaxat da nỹomaxac na lataxa, qataq pogolaxaateguiñi souaxat na ỹataqta chem lataxa, na ntaxaỹaxanaxanecpi qataq na na'aqtaxanaxanecpi qalaq ỹe'egottapigui' souaxat na ỹataqta chem lataxa, qaica ca laỹaanataxanaxac souaxat na lataxa, qataq pogolaxaateguiñi souaxat na ỹataqta chem lataxa, qataq ỹe'egottapigui' da huo'o na l-loxocpi, qataq taxaicpi da huo'o ye nmit nasouaxashet.

Isaías 9:20

Ñi 'oonolec qalaq chec qome ca pa'ata'ague na aloiguishec lhuaq, qalaxaye ñaq 'eetalec da huo'o na lqouaxa, qaq ca lỹa qalaq chec ca pa'ata'ague na ne'emaxashec lhuaq, qalaxaye ñaq 'eetalec da saishet da icoma'. Nache ivitta'a da chec ca maiche llalaqpi.

Isaías 8:21

Na shiỹaxauapi qalaq tateguelo qome, qaica ca nyacnataguec qataq ỹaguec na lqouaxa, qaq souaxat na lqouaxa nache qaica ca iren qataq ỹasaxalec ca qauem la'aqtac ca lta'a qataq ca natamnaxala'pi, nache ilo'ot na piguem,

Eclesiastés 7:6

Cha'aye da laỹalliguiyec ca qaica ca ỹaỹaanapec, 'eeta'am da l-lamaxa aca ỹaxat ỹavictac maye qaỹasaxangui ca norec, qaq damaye nataqa'en qaica ca naigui.

Eclesiastés 7:3

Ỹactec da no'on da noinaxac, qaq saq 'ena'am da naỹalliguiyec, cha'aye damaye ishet da na'axat da nasheguiỹaxac, qalaxaye no'onaxat da nquiyaqteỹaxac.

Eclesiastés 2:2

Huaña nache saỹaten dam naỹalliguiyec da chochaq 'oopashec, qataq dam na'ashaxac ỹataqta qaica ca naigui.

Proverbios 30:9

cha'aye saiuena'a da ỹaguec ca anoq nache ishet da 'am seqoleguet, nache sheeta': «¿Negue't que'eca Nataxala'?» huo'otaq da ỹapac saq 'amaqtaq ca anoq nache ishet da secache, huaña nache qaica ca 'enec ñaqa'en da 'are'enaxat 'am Ñatamnaxala'.

Salmos 49:19

qalaxaye huo'o ca na'a'q da ỹe'eguelaxa da ỹalecta'aguet so hua'au lta'alpi, huaña nache saishet da qaltaq nauane' na yo'oqchiguiñi.

1 Samuel 2:5

Qaq nam sa iueetaique co'ollaxa cam aloq, qaq nagui qalaq nmeela't da yaqto' ỹanata ca aloq, Qaq nam huo'o co'ollaxa na lqouaxa, nagui qalaq qaica ca lqouaxa. Qaq ana 'alo maye saishet co'ollaxa da deco'o, nagui qalaq siete da ỹe'eguelaxalec da deco'o, qaq anam qalota co'ollaxa na llalec, qaq nagui qalaq taỹañicra.

Lucas 6:24

Nache So Jesús ỹamataigui so laỹepi shiỹaxauapi, nache 'enapeco': «¡Ỹataqta qauem da qa'aita'ague qami', maye qami' sallaxanecpi, cha'aye nagui qoviitaigui da qavi'imaqaitac qataq qaica ca da!

Lucas 6:26

¡Ỹataqta qauem da qa'aita'ague qami' maye, nache 'eetai' da qami' qaỹo'oxoreeta'ape! Cha'aye soua qaỹoqteguelo vi'iye so qaralamaxache qarhuo'oi le'ecpi nataqa'en ỹo'oxoreetac co'ollaxa so na'aqtaxanaxanecpi maye tenataxanaxaicpi.