Lucas 6:24 - La'aqtaqa Ñim Lo'onatac 'Enauacna 2013

²⁴ Nache So Jesús ỹamataigui so laỹepi shiỹaxauapi, nache 'enapeco': «¡Ỹataqta qauem da qa'aita'ague qami', maye qami' sallaxanecpi, cha'aye nagui qoviitaigui da qavi'imaqaitac qataq qaica ca da!

Nuevo Testamento Toba Sur

²⁴ Qalaxayi choxodaxasodo' qami' mayi qami' sallaxanecpi nagui, cha'ayi mashi huo'o da qadamaiqui.

Nuevo Testamento Toba Sombrero Negro

²⁴ “Qalaĝaja, ¡degueja qomle da'me lachoĝode'j gaa'me neuoyaĝadi, qa'a joote yauata da'me lamai'j jo'ne yem qomle!

Lucas 6:24 Referans Kwoze

1 Timoteo 6:17

Qaq cam hueto'ot da yo'oqchigui nsallaxa, qonapega da saishet da na'amaqten, qataq saishet da pe'etega da lsallaxa, cha'aye saq qalaq da deqat 'enauac nam hueto'ot. Nachaqrata da qonapega da ỹauo'o da naquitaxac Ñim Lo'onatac 'Enauacna, cha'aye Ñimaye ỹataqta soxoraic, qataq ishet da qomi' ỹanema ca seuenaqtac, da yaqto' ishet da ñetonaqtapigui'.

Mateo 6:2

Da huo'o ca 'oonolec da qoñiita da itauan na choxoraqpi, nache saishet da ỹa'axatteua'alo ana paxaguenaxaquipi qataq naua ndaqa'ate maye sa ỹe'emaxat da nlectecot na shiỹaxauapi; cha'aye damaye nataqa'en ỹo'ottac nam saq ỹataxalec da lataxac, maye huotaique da na shiỹaxauapi ỹo'oxoreetac. Qaq Aỹem ỹataqta 'eesa dam shenapec da nachaqrata nsheetenaguec maye ỹaconeguet namayepi.

Santiago 2:6

Qaq ¿ta'ainco' qami' da saishet da qauyacñiỹapec qataq qauo'otañi na choxoraqpi? ¿Saisheto' peta'a da sa nachena nam sallaxanecpi na saq qami' iyacna'ape qataq qami' ỹamaxaiguilo ana ncoñetaxanaxaquipi?

Proverbios 1:32

Na 'enaqaicpi qalaq maiche ỹalauat qome da ne'enaxac, ca qaica ca ỹaỹaana'a qalaq maiche ilaxachigui qome da qaica ca ỹoqocha'a,

Mateo 6:16

Qaq da ivita da qanqouaqchichi, qalaq saishet qome da yo'oqta da daquico da qarasheguiỹaxaqui, da qoñiita'am nam shiỹaxauapi maye choche nachaxaatac. Namayepi 'eetec de'era, cha'aye huotaique da qaỹaỹaten da nqouaqchettac. Qaq Aỹem qami' shenapegalo da namayepi sogote huo'o da nsheetenaguec.

Mateo 6:5

Qaq da ivita da qanqouagaxauñi, qalaq saishet qome da qoñiita'am nam saq ỹataxalec da lataxac. Namayepi choche lqopitaxat da qaimeteetac da nqouagaxaueetac. Ỹoqo'oye nachattañi da nqouagaxauen da huaigui ana napaxaguenaxaquipi na judiopi, qataq na ndaqa'pi maye sa ỹe'emaxat da nlectecot na shiỹaxauapi. Qaq Aỹem 'eesa de'era qami' sa'axatema da namayepi qaica ca lỹa nsheetenaguec.

Hageo 2:9

Qaq ana'ana dalaxai atamnaxaqui, anamaye ỹactec qome da lyac, qaq saq 'ena'am aso hua'auchiguiñi. Qataq Aỹem so'otec qome da huo'o da nlagaxayec ne'ena qanayeeta'a 'alhua. Aỹem Nataxala' maye Qaica ca Seqalanapec, 'era da ỹa'aqtac.»

Lucas 6:25

¡Ỹataqta qauem da qa'aita'ague qami', maye sa qaviñi ca qolliqui cha'aye qaviyeeguet qome da qauqouache! ¡Ỹataqta qauem da qa'aita'ague qami', maye nagui qauaỹalleguiyiitac, cha'aye qauaỹachiñi qome ca noinaxac qataq da qanayeetaigui ca naquicoxo!