Lucas 6:22 - La'aqtaqa Ñim Lo'onatac 'Enauacna 2013

²² Ñim Lo'onatac 'Enauacna qami' ỹaaleguete da lqouagaxanaqtaic souaxat na shiỹaxauapi da qami' nquiỹalo, huo'otaq da qami' isheueeta'ape qataq da qami' sa qaỹaconegueta, qataq qaica ca huotaique da qami' ỹalecta'agueta. Na shiỹaxauapi qami' ỹo'oteque de'era, cha'aye souaxat da Aỹem qaualaqaiguet, Aỹem Shiỹaxaua Llalec.

Nuevo Testamento Toba Sur

²² Nataq'en ÿataqta qauamaichiguiñi qom qami' nquiÿalo na shiÿaxauapi, souaxat ne'ena shiÿaxaua llalec, qataq da huo'otaq qami' qai'oldaue'c, huo'otaq da qami' qaishiue'n, huo'otaq da qai'otan da qad'enaxachi, 'eeta'am ca ÿapacteec qauem.

Nuevo Testamento Toba Sombrero Negro

²² “Ami made'tapolqa qom ga'me jiyaĝadipi ami niquiyatapegalo, uotaĝa qom ami qo'yodetapegue'to, nataq'aen qom ami qoyejoue'tape chayovida'alo naa'me adenaĝachi qo'yota'tape ena'am ta'le ja no'en, qa'a yajouaĝat da'me jayem oquiyegue, mach'e jayem jo'ne yataqachiñe Jiyaĝaua Lec'oĝot.

Lucas 6:22 Referans Kwoze

Mateo 10:22

Qataq 'enauac qome nam shiỹaxauapi ỹataqta qami' nquiỹalo, souaxat da Aỹem qoquiitague'. Qalaxaye cam Aỹem pi'iỹa'a choche ivitta'a ca loga't da nachaalataxac nache Aỹem ñeca'alaxatec .

1 Pedro 3:14

Qalaxaye da qauo'ocheetac ca ỹaỹamaqchiguiñi qalaq ñaq 'eetalec da huo'o da qanque'eenaxaqui, qalaq Ñim Lo'onatac 'Enauacna qami' ỹaaleguete ca lqouagaxanaqtaic. Qaq ỹoqo'oye saishet da huo'o ca qayi'iitega, qataq qami' icolanaqche't.

Juan 16:2

Qami' qaỹamaqraue'c qome da huaigui ana napaxaguenaxaquipi na judiopi, qataq ivira'a qome ca na'a'q da huo'o ca qami' ỹalaua't, nache camaye ipi'itaxaatega da ỹo'ottac dam 'eetapeguec Ñim Lo'onatac 'Enauacna.

Juan 7:7

Nam shiỹaxauapi maye huetalec ana 'alhua, qaica cam ỹoqta 'eesa da qauasoviilec da huo'omshe qami' nquiỹategalo. Aỹem, qalaxaye Aỹem nquiỹa, cha'aye Aỹem ỹataqta sa'aqtaxaatem namayepi naua lataxaco maye sa ỹaỹamaxayiñi.

Isaías 66:5

Ñaq qana'axaỹaxañiỹa da la'aqtac Ñim Nataxala', qami' maye huo'o naq 'enec qanqa'eñi naua la'aqtaqa Ñimaye: «Huo'o nam maiche qarhuo'oi le'ecpi maye qami' nquiỹalo qataq qami' imaqta'ape souaxat da qaỹaxañiitega da ỹe'enaxat namayepi, 'eeta': ‹Ñim Nataxala' ña ỹachaxan qome da llo'oxoyec, sauoqtaique da qami' sauanaqchiguilo da qauamaichiguiñi.› Qalaxaye namayepi huo'o qome da la'aloxo.»

Juan 12:42

Qalaxaye ñaqaiyeta ỹataqta qalota na judiopi na ỹa'amaqten So Jesús, ivira'a nam ỹataqta 'amaqtaqaicpi. Qalaxaye namayepi saishet da ỹataqta nachaxaata, souaxat da ñe'etega na fariseopi da huo'otaq ỹamaqauec namayepi da huaigui ana napaxaguenaxaquipi,

Isaías 65:5

Nache 'enapec naxa: «Nache qoueta'acna saishet qome da aỹem 'anquigueua'a, cha'aye aỹem ỹataqta aỹem qui'itta nache saishet da aỹem 'apottegueua'a.» Ne'ena shiỹaxauapi 'eeta'am ca norec maye imauec ye na'a'q da 'ettaigui, nache ỹataqta aỹem saỹalemaxat, 'eeta'am ca lmala'q da taiguilo naua imic lauaco.

Hechos 24:5

Cha'aye qomi' selaqalec ñi'iñi ỹale da ỹataqta sa qomi' ỹalemaxa't. Ỹataqta coleetac ivirapiguiñi, nache ỹo'ot da qomi' judiopi ñepa'aguenaxa't. Ñimaye nacheñi ñim lataxala' na ỹalleppi qataq 'alpi nam le'enaxat Nazarenos.

Hechos 9:16

Qaq ñimaye Aỹem sachaxana qome na ỹataqta qalota nque'eenaxac souaxat Aỹem.

Juan 17:14

Qaq Aỹem sanema naamaye da 'ara'aqtac, qaq ỹoqo'oye nam huetalec ana 'alhua ỹataqta nquiỹalo, cha'aye naamaye mashe saishet da 'eeta'am da lataxac na shiỹaxauapi ana 'alhua, 'eeta'am da 'eetec Aỹem da saishet da sheeta'am namayepi.

Lucas 21:17

Qataq 'enauac qome na shiỹaxauapi maye huetalecna qami' nquiỹalo, souaxat da qami' ỹapaxaguenataqa.

Mateo 10:39

Qaq ca nshetaique da maiche nca'alaxatec da maiche nachaalataxac, nache camaye deqat. Qalaxaye ca saishet da iteetega da nachaalataxac souaxat da Aỹem quetague', nache camaye nca'alec.

Hechos 22:22

Huaña, nache tachiguiña da saishet da qana'axaỹaxana. Nache so shiỹaxauapi ỹataqta ỹa'alaqtagui, 'eeta': –¡No'on da qaỹalauat de'era ỹale! ¡Saishet da nache 'eetai' da nca'altauec!

Juan 9:34

Nache somayepi 'enapego' somaye, 'eeta': –'Am maye ỹataqta 'ananacteueegue' da 'am 'etaxaloxoic, ¿qaq huotaique da qomi' 'auapaxague'n? 'Am mashe sa 'am seuenaq da 'aualectaigui nam nategueua'a ana qanapaxaguenaxaqui.

Lucas 20:15

Nache somayepi nqateeguesop somaye se'eso nanaxanaqa'. Ime, nache ỹalauat. Nache So Jesús denataxan, 'eeta': –Qaq ¿chaq hua'ague ca 'eetec se'eso lalamaxat se'eso nanaxanaqa'?

Mateo 10:18

Qataq ivira'a qome da qami' qaỹauegueua'alo nam ilotegueto naua 'aleu', qataq na lta'alpi namayepi da yaqto' Aỹem qaua'axache da qauataito'ot namayepi, qataq nam chegaqauec, cha'aye qami' ỹapaxaguenataqa.

Lucas 6:21

Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui huo'o na qarqouaqai, cha'aye chochaq huañi qome na qo'oqoi. Ñim Lo'onatac 'Enauacna ỹaaleguete qami' da lqouagaxanaqtaic, qami' maye nagui qoviitaigui da qauaquicoitac, cha'aye qami' qome qoviitaigui da lta'araic qarlagaxayiqui.

Santiago 1:12

Ca na'añaxateguet da ñe'eguenataguec, nache Ñim Lo'onatac 'Enauacna ỹaalec da lqouagaxanaqtaic. Cha'aye da mashe inoxonaqchetec de'era ñe'eguenataguec, nache Ñim Lo'onatac 'Enauacna ỹami' ca laueguec qataq ca lta'araic llo'oxoyec camaye. Qaq damaye nachera da nca'alaxa maye chochaq tatec maye ỹachaxanapeguem nam ỹauotec Ñimaye.