Lucas 6:20 - La'aqtaqa Ñim Lo'onatac 'Enauacna 2013

²⁰ Nache So Jesús ỹamataigui so lapaxaguenatacpi, nache 'enapeco': «Ñim Lo'onatac 'Enauacna qami' ỹaaleguete da lqouagaxanaqtaic qami' maye qami' choxora'q, cha'aye da lo'onataxanaxac Ñim Lo'onatac 'Enauacna qaralamaxache.

Nuevo Testamento Toba Sur

²⁰ Nachi so Jesús ÿamataigui so lapaxaguenatacpi, nachi 'enapeco': –Ÿataqta qauamaichiguiñi qami' mayi qami' choxoda'q, cha'ayi qadalamaxachi da l'onataxanaxac ñi Dios.

Nuevo Testamento Toba Sombrero Negro

²⁰ Jesús yelochiguilo jogaa'me jiyaĝadipi jo'ne quetedapegue', qama'le yapaĝague'tape, enaac: “Ami made'tapolqa, ami jo'ne choĝodache, qa'a adeyamaqae'teguet da'me lejaliaĝa joñe'me Dios.

Lucas 6:20 Referans Kwoze

Santiago 2:5

Qami' ñauochaxau' ỹaqaỹa't, ỹataqta aỹem qana'axaỹaxañiỹa: Ñim Lo'onatac 'Enauacna lca'aguishec na shiỹaxauapi choxoraq maye huetalec ana 'alhua, yaqto' namayepi da naquitaxac Ñim Lo'onatac 'Enauacna, nachera da ỹoqta 'eesa lsallaxa. Nataqa'en lca'aguishec na choxoraqpi da yaqto' ỹaconeguet da lo'onataxanaxac Ñim Lo'onatac 'Enauacna maye ỹachaxanapeguem co'ollaxa nam ỹauotec Ñimaye.

2 Corintios 8:9

Cha'aye qami' qauaỹachiñi da So Qarataxala' Jesucristo ỹataqta sallaxanec, qalaxaye ye ỹataqta ỹaguec da qami' ỹauoteque, nache naỹa ana 'alhua, nache ỹacona da choxoraq yaqto' ỹachegoxotchigui da lachoxoyec da qami' qaviyiỹa'a da qami' sallaxanaqa.

Lucas 12:32

Saishet qome da qayi'i, qami' maye qoñiita'am acam ỹalamaqte qagueta maye selotague'. Ỹataqta qami' saq 'amaqtache, qalaxaye Ñi Qarta'ai ỹataqta maiche lhuennataxac da qanhuañiỹaua'a naqa'en da lo'onataxanaxac da ilo'ogue 'enauacna.

Mateo 25:34

Nache Aỹem maye Aỹem Nta'a shenapega nam no'on da lataxac, sheeta': «¡Ñi Ita'a qami' taaleguete da lqouagaxanaqtaic! ¡Qauanaqui, qaualliquiiua'a da lo'onataxanaxac ñi Ita'a maye, nache 'eetai' da iqataxaatapigui' co'ollaq saxanaxa da ỹo'ot ana 'alhua!

Apocalipsis 2:9

Aỹem saỹaten 'enauac nam lqalaiguesat maye qouetaigui nagui, qataq saỹaten da 'am choxoraq, na'aictaxa da ỹataqta lta'araic da 'arsallaxa maye saqcha'a. Nataqa'en saỹaten naua ltaxaỹaxaco qauema maye 'am ỹasaqteguelec nam 'eetega da judiopi, qalaxaye namayepi ỹalectaigui nam lalamaxatpi so pa'aguenataxanaxaic.

2 Corintios 6:10

'Eeta'am da saquicoqtac, qamaq ỹoqta 'eesa da qomi' samaqtapiguiñi. 'Eeta'am da qomi' choxora'q, qalaxaye qalota na sesallaqchetaq. Na'aictaxa da qaica ca ye da shenaqta, qalaxaye qaica ca seuenaqtac.

Sofonías 3:12

Nache ño'onaxatañi qome na shiỹaxauapi maye choxoraq qataq huesota da lataxac, maye Aỹem ỹacheto'ot qome da naquitaxac.

Isaías 29:19

Qataq nam qaica ca la'amaqchec ỹe'eguelaxa qome da huo'o da lamaicỹaxac souaxat Ñim Nataxala', qataq nam ỹataqta choxoraqpi huo'o qome da ntonaxac souaxat Ñim Qui'itta Natamnaxala' na Israel le'ecpi.

Santiago 1:12

Ca na'añaxateguet da ñe'eguenataguec, nache Ñim Lo'onatac 'Enauacna ỹaalec da lqouagaxanaqtaic. Cha'aye da mashe inoxonaqchetec de'era ñe'eguenataguec, nache Ñim Lo'onatac 'Enauacna ỹami' ca laueguec qataq ca lta'araic llo'oxoyec camaye. Qaq damaye nachera da nca'alaxa maye chochaq tatec maye ỹachaxanapeguem nam ỹauotec Ñimaye.

2 Ts 1:5

Qaq damaye ỹachaxan da Ñim Lo'onatac 'Enauacna ỹataqta 'eesa da nachera da lataxac da lo'onataxanaxac da inoxoneua'a naqa'en nam huo'o da nque'eenaxac nagui.

1 Ts 1:6

Qami' qoquiigue da qarataxac qataq da no'on lataxac So Qarataxala', na'aictaxa da qalota da qanque'eenaxaqui, qalaxaye co'ollaq qauacoñiiguet da na'aqtac maye qami' ỹanema So Saqcha'a Na'añaxac Qui'itta qalaq huo'o da qantonaxaqui.

2 Corintios 8:2

Cha'aye na'aictaxa da lqalaic yemayepi souaxat da ñe'eguenataguec, qalaq nache 'ena'am ỹataqta machiguiñi. Qataq na'aictaxa yemayepi da ỹataqta choxoraq, qalaxaye ỹataqta chetaqtaxanaxaicpi, 'eeta'am da sallaxanecpi.

Hechos 14:22

Nache soomaye ỹataqta huaqattrega na 'amqaanataxanaxaicpi maye netaleguete ne'enaua 'aleu', da yaqto' ỹataqta na'añaxatec da lpi'iỹaxac So Jesús. Qataq nataqa'en 'ena'apo' soomaye: Iuen da hua'auñi da huo'o da qanque'eenaxac da yaqto' senoxonaxaua'a da lo'onataxanaxac Ñim Lo'onatac 'Enauacna.

Lucas 14:15

Qaq co'ollaq hua'aqchigui de'era som 'oonolec maye nso'ootañi datatalec so nquia'axala', nache 'enapega So Jesús, 'eeta': –Ỹataqta machiguiñi qome ca dequi'iỹapegueua'a ca nallec qom qanayeetaigui da lo'onataxanaxac Ñim Lo'onatac 'Enauacna.

Lucas 13:28

Huaña, nache qami' qanỹiñiitac qome qataq qaunaquiỹa't naua qarvilli' souaxat da qarhuogoqoi, qom qauloỹa'a ca Abraham, Isaac, Jacob qataq 'enauac som la'aqtaxanaxanecpi Ñim Lo'onatac 'Enauacna, qom huetaigui da lo'onataxanaxac Ñimaye. Huaña, nache qami' qaỹamaqraue'c.

Lucas 4:18

«So Saqcha'a La'añaxac Ñim Lo'onatac 'Enauacna Aỹem netanguit, cha'aye Aỹem Lca'aguishec qataq Aỹem namaq da sa'axatem da no'on la'axaỹaxac nam choxoraqpi, qataq da sa'axatem da qaisouec na ncoñeteguishecpi, qataq she'eguelaxatem da nauaañi na sa nauaañipi, qataq da yaqto' ñeca'alaxatec nam sa qaiyacnapec,

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Zacarías 11:11

Qaq nache huaigui se'eso na'a'q, da nlaguiñi se'eso aỹamaxataxac, nache som shiỹaxauapi maye desheenaxatega co'ollaxa aso qaguetapi maye aỹem ilotagui, ỹaỹaten da nacheñi Ñim Nataxala' ñim detaqtac, chegoqchigui naqa'en nam so'otpi.

Isaías 66:2

¡Ye Aỹem maiche ỹo'onatac 'enauac nam huo'o, qaq 'era da 'eetec da huo'omshe yo'oq namayepi! Qaq 'era da la'aqtac Ñim Nataxala'. Cam shiỹaxaua maye selotagui nacheca cam choxoraq qataq daquicotac, maye huo'o naq 'eneque naqa'e'n naua ỹa'aqtaqa.

Proverbios 19:1

Na'aictoxo' da choxoraq ca ỹale qalaxaye huo'o da llo'oxoyec, qaq saq 'ena'am ca qaica ca ỹaỹaanapec qataq nogoqtaxanaxaic.

Proverbios 16:19

Ỹataqta ỹactec da 'onaxaic da sa na'amaqten ca ỹale, da ỹalectaigui na choxoraqpi, qaq saq 'ena'am da qanhuanaua'a na lhuotaxanaxatpi na na'amqaanaxaicpi.

1 Samuel 2:8

Ñim Lo'onatac 'Enauacna nachaalataxaañi cam choxoraq maye huetaiya', qataq nqateeguesop ca lasoguiñi cam deuenaxaatapigui', da yaqto' nso'ona'ai' naqa'en na 'amaqtaqaic shiỹaxauapi, nache ỹanagui cam lo'onataxanaxac maye huo'o da llo'oxoyec, cha'aye Ñim Nataxala' nacheñi ñim ỹo'o't co'ollaxa soua nlletrañi ana 'alhua, qaq nache ỹanaleguete da yaqto' na'atchiguiñi naqa'en ana 'alhua.

Lucas 16:25

Qalaxaye so Abraham ỹasategueto' somaye, 'eeta': «'Am ỹalec, 'auennate co'ollaq ña qanca'alliitauec, qaq 'am 'auaỹamaqchiguiñi, qaq ñi Lázaro qalaq qauem da llecỹaxac. Qaq ñimaye nagui hueta'a ne'ena qalaq huo'o da lamaicỹaxac, qaq 'am qalaq 'anmeneguet da huo'o da 'anque'eenaxac.

Salmos 37:16

Na saq 'amaqtaq lalamaxat ca ỹale no'on da lataxac, namaye ỹataqta 'onaxaic, qaq saq 'ena'am na qalota lsallaxa na qauemaicpi.

Mateo 5:1

Qaq So Jesús co'ollaq ila'a da ỹataqta qalota so shiỹaxauapi, nache tasheguemec aso qaỹoqotcheguemec 'alhua, nache nso'ooñi, nache soua lapaxaguenataqa nquiguereua'a Somaye,