Lucas 6:19 - La'aqtaqa Ñim Lo'onatac 'Enauacna 2013

¹⁹ Nache 'enauac huotaique da ipoteua'a So Jesús cha'aye ỹaỹaten da la'añaxac maye hueto'ot Somaye da ishet da datannaxan.

Nuevo Testamento Toba Sur

¹⁹ Nachi 'enauac na shiÿaxauapi ÿauotaique da ipoteu'a so Jesús souaxat somayi da natadeetac 'enauac na shiÿaxauapi, qalaq idolec da l'añaxac.

Nuevo Testamento Toba Sombrero Negro

¹⁹ qama'le yema ga'me jiyaĝadipi jetaque yepo't joñe'me Jesús, qa'a 'uo da'me lañoqotaĝanaĝac jo'ne chiyaqaue joñe'me qaedi ena'uaque e'n yemedegue.

Lucas 6:19 Referans Kwoze

Mateo 14:36

Nache qanachoxoreetacot da na'aictaxa da choche qaipoteua'a na laỹe so lapo'. ¡Nache 'enauac som sa no'onpi maye ipoteua'a na laỹe so lapo' So Jesús, somayepi no'oita!

Marcos 3:10

'Eetai'toxo' da So Jesús mashe qalota so nataren, qalaxaye ñaqaiyeta ña qalota so sa no'onpi. Qaq somayepi ỹataqta coleesop So Jesús da huotaique da ipoteua'a da yaqto' no'oita.

Marcos 6:56

Nache cam taigue So Jesús, nam salamai' nỹecpiolec, huo'otaq na qalota nỹecpi, huo'otaq na huetauga na no'onaxa, na shiỹaxauapi ỹachangui na nqa'aicpi na sa no'onpi, nache Somaye naxa da nlectot, nache na sa no'onpi nachoxoreetacot da hua'aqta'a da ipoteua'a Somaye, na'aictoxo' da choche laỹe soua alogo, nache 'enauac nam ipoteua'a Somaye, nache no'oita.

Marcos 5:30

Nache So Jesús nomteueegue da jec so la'añaxac laỹe. Nache Somaye ỹamataigui so shiỹaxauapi, nache denataxan, 'eeta': –¿Negue't ca ipoteua'a na ipo'?

1 Pedro 2:9

Qalaxaye qami' qaualliquiitaigui na llalaqpi Ñim Lo'onatac 'Enauacna; qami' ltaxaỹaxanaxanaqa na shiỹaxauapi da qauo'onataxañiitacot Ñim Nta'a; qataq qami' lalamaqa'ate. Qaq de'era chegoqchigui Ñim Lo'onatac 'Enauacna co'ollaq qami' nqateeguesopa na napalaxa maye nachera da ñe'etaxaloxo, nache qami' inoxonaqcheteua'alo da yo'oqchiguiñi maye qaica ca 'ena'am da lyac. Qaq ỹoqo'oye qaua'axache da llo'oxoyec Ñim Lo'onatac 'Enauacna maye qami' ỹo'oteque.

Marcos 8:22

Qaq co'ollaq ivilda ye nỹecpi le'enaxat Betsaida, nache huo'oi soua shiỹaxau' naueguereua'a So Jesús so qanamaic, nache nachoxoreetracot Somaye, da yaqto' ỹashel-lec.

Hechos 19:12

ivira'a da huo'otaq qairoua'a somaye ca camachaqca, copaxa huo'otaq ca lỹa nogoxot da ipoteua'a qanqa'en somaye. Qaq da ime, nache qalapaxalec ca sa no'on, nache ishet da no'oita, qataq ỹo'orauec na saqcha'a na'añaxac leguemaxaicpi.

Lucas 5:17

Qaq huo'o so na'a'q So Jesús dapaxaguenataxaatac hueta'a so nỹec. Qaq huo'o na ỹalectauo nso'ootañi nam ỹalectaigui na fariseopi qataq nam dapaxaguenataxaatapeguec na namaxasoxonaxacpi. Somayepi chegaqa'alo naua 'aleu' yem 'alhua ye Galilea, qataq ye 'alhua Judea qataq ye nỹecpi ye Jerusalén, da yaqto' na'axaỹaxana So Jesús. –Qaq souaxat da So Jesús hueto'ot da la'añaxac Ñim Lo'onatac 'Enauacna da yaqto' nataren na sa no'onpi,

2 Reyes 13:21

Qaq huo'o co'ollaxa so huaña da so Israel le'ecpi, ilattapiguiñi so shiỹaxaua maye ileu, nache nque'elaxatta co'ollaxa da nvi' se'eso shiỹaxauapi maye na'attagui so lo'ogoxonaxat, nache se'eso leuaxaic qaỹasaxaigui co'ollaxa aso nhuachiqui so Eliseo. Qaq somaye co'ollaq choche nhuoqtegueta soua lpi'ineqa so Eliseo, nache se'eso leuaxai nca'alec.

Lucas 6:18

nvi' da yaqto' na'axaỹaxana So Jesús qataq yaqto' Somaye nataren na lalolaxa. Qataq nam huo'o na netaigui saqcha'a na'añaxac leguemaxaic nataqa'en no'oita.