Lucas 6:17 - La'aqtaqa Ñim Lo'onatac 'Enauacna 2013

¹⁷ Nache So Jesús qataq soua doce lamaxa'she huenoteeguesopa aso qaỹoqotcheguemec 'alhua, nache nqo'onalo so nalochiguiñi 'alhua. Huaña yemaye, nache lapona't so qalota maye ca'attague' Somaye. Nataqa'en qalota na hueta'a yemaye na chegaqa'alo naua 'aleu' maye huaigui ye 'alhua Judea, nataqa'en na chegaqa'a ye nỹecpi ye Jerusalén qataq huo'o na chegaqa'a ye nỹecpi Tiro qataq Sidón,

Nuevo Testamento Toba Sur

¹⁷ Nachi so Jesús huenoteeguesop aso saqaÿoqotchiguemec 'alhua, lÿata'pe soomayi. Qaq co'ollaq qanviyiña aso lcomadaxalate, nachi somayi qataq soua lapaxaguenataqa nachi vi'iigueta. Qaq nataq'en ÿataqta qalota na shiÿaxauapi chigaqaña 'enauac yim 'alhua l'enaxat Judea, qataq yi Jerusalén, qataq na loigue yi Tiro qataq yi Sidón. Namayipi anac da huotaique da n'axaÿaxana so Jesús, qataq da qanataden da lalolaxa.

Nuevo Testamento Toba Sombrero Negro

¹⁷ Yem qama'le queda'e ga'me qajoĝonaĝa, nenochidiñe qama'le yovideta'ña ga'me aleua nalo'ta't. Jesús nechachiñe, dajoya'agueta gaa'me jalcote jiyaĝadipi jo'ne mach'e quetedapegue' joñe'me nataq'aen ga'me jiyaĝadipi jo'ne chiyoqoda'a di'me Judea, di'me Jerusalén nataq'aen gaa'me neda'ña di'me loogue, noyaqa jo'ne Tiro nataq'aen Sidón.

Lucas 6:17 Referans Kwoze

Mateo 11:21

«Qami' maye qarmaye ye Corazín ¡ỹataqta qauem da qa'aita'ague! ¡Nataqa'en qauem da qa'aita'ague qami' maye qarmaye ye Betsaida! Cha'aye nam netaña ye Tiro qataq ye Sidón, da huo'otaq huaña taxa nam qaỹo'otpi maye qami' qaỹachaxanalo, qaq sogotectaxa quesom yemayepi da ca'aisalo naua qauema lataxaco, qataq da nachaxaata da ỹaayiñi naua alogo maye qaica ca lya'c, qataq da imeelec na lqaic na alo da ỹachaxan da naralaxat da lhuennataxac.

Lucas 6:12

Qaq se'esoua na'axa'te So Jesús tasheguemec aso saqaỹoqotcheguemec 'alhua da yaqto' nqouagaxauen, nache imattec se'eso pe da na'aqtaxaatague' Ñim Lo'onatac 'Enauacna.

Lucas 5:15

Nache So Jesús ỹataqta nquictauec da na'aqtaguec. Nache ỹataqta qalota na shiỹaxauapi anac da ỹauotaique da na'axaỹaxana qataq huo'o na anac da huotaique da qanataren.

Mateo 15:21

Nache So Jesús ca'ai yi'iye hueta'a, nache taỹa so 'alhua maye saqaỹapeque ye Tiro qataq ye Sidón.

Mateo 14:14

Qaq co'ollaq huenoteeguesop aso nllocta So Jesús da le'ego, nache choche ilaigui so shiỹaxauapi ỹataqta qalota hueta'a yi'iye, nache ỹataqta qalota da lchoxonnataxanaxa somayepi. Huaña, nache nataren 'enauac so sa no'onpi maye qandotauo.

Mateo 12:15

Qaq So Jesús co'ollaq ỹaỹaten da naỹamaxattapigui so fariseopi, nache ca'ai yi'iye hueta'a, nache ỹataqta qalota som shiỹaxauapi ca'ategue Somaye. Nache Somaye nataren 'enauac nam sa no'onpi.

Salmos 103:3

Cha'aye Ñimaye nacheñi ñi ỹapalaxat 'enauac na ỹasouaxashetpi, qataq nataren 'enauac na ỹalolaxasat.

Mateo 5:1

Qaq So Jesús co'ollaq ila'a da ỹataqta qalota so shiỹaxauapi, nache tasheguemec aso qaỹoqotcheguemec 'alhua, nache nso'ooñi, nache soua lapaxaguenataqa nquiguereua'a Somaye,

Lucas 6:16

qataq Judas som lqaỹa so Santiago, qataq so Judas Iscariote maye ỹaneuo co'olloxocheye So Jesús.

Lucas 6:18

nvi' da yaqto' na'axaỹaxana So Jesús qataq yaqto' Somaye nataren na lalolaxa. Qataq nam huo'o na netaigui saqcha'a na'añaxac leguemaxaic nataqa'en no'oita.