Lucas 6:13 - La'aqtaqa Ñim Lo'onatac 'Enauacna 2013

¹³ Qaq so lỹa na'a'q, nache iỹaxana so qalota ca'attague'pi Somaye. Ime, nache lca'aua'alo soua doce somayepi, nache ỹauo'oi lamaxa'she.

Nuevo Testamento Toba Sur

¹³ Qaq co'ollaq mashi yi'oxoñi, nachi iÿaxana so lapaxaguenatacpi. Ime, nachi lca'au'alo soua doce somayipi, nachi ÿanaguilo da ÿauo'oi lamaxa'shi.

Nuevo Testamento Toba Sombrero Negro

¹³ Ca'li yovida'aguet ga'me nolo', qama'le yemata'a't gaa'me lapaĝaguenataqa, qama'le doce gaa'me yiquetelo'te jo'ne yaneque Dios lamaĝa's.

Lucas 6:13 Referans Kwoze

Apocalipsis 21:14

Qaq se'eso lcopaqtaxat se'eso nỹecpi somaye no'oxootaleguete qanqa'en soua doce coma'ye. Qaq ñi 'oonolec soomaye, nache nanettaleguete naua le'enaqa'ate soua doce lamaxa'she So Qagueta Llalec.

Efesios 4:11

Ime, nache ỹanem ca nme ñi 'oonolec na shiỹaxauapi. Nache huo'o na lamaxashecpi naqa'en Somaye, qataq huo'o na la'aqtaxanaxanecpi qataq huo'o na lataxala'pi naqa'en na 'amqaanataxanaxaicpi, qataq na napaxaguenataxanaqpi.

Marcos 6:30

Qaq co'ollaq ime de'era, nache soua namaxa'she datareguet So Jesús, nache soomaye ỹa'axattrapeguema 'enauac nam ỹo'otpi qataq nam dapaxaguenataxaatrapegue'c.

Marcos 6:7

Ime, nache ỹataxana't soua doce lamaxa'she, nache ỹama'q, dostega't naqa'en. Qataq ỹanema soomaye da na'añaxac da yaqto' ỹo'oldaue'c na saqcha'a na'añaxac leguemaxaicpi maye netaigui na shiỹaxauapi,

Mateo 9:36

Qaq co'ollaq ila'a so qalota shiỹaxauapi So Jesús da ca'attague' Somaye, nache ỹataqta ỹaguec da lchoxonnataxanaxa, cha'aye somayepi ỹataqta saỹaỹaten ca 'eetec qataq qaica ca iueelec. 'Ena'am ana qagueta maye qaica ca ilo'ogue.

Apocalipsis 18:20

¡Qantoñiỹapigui' qami' maye qami' qui'itte' maye qoviito'ot na piguem, cha'aye Ñim Lo'onatac 'Enauacna ilaxachigui ye lta'araic nỹecpi! ¡Qantoñiỹapigui' qami' maye qami' namaxa'she, qataq nataqa'en qami' maye qami' la'aqtaxanaxanecpi Ñim Lo'onatac 'Enauacna, cha'aye Ñimaye mashe ỹauo'o da nhuaxanaguec ye Babilonia, souaxat 'enauac nam ỹo'otpi qauem maye qami' ỹo'oteque!»

Apocalipsis 12:1

Ime, nache na piguem qaltaq huo'o so yo'oq lta'araic qataq sa qaỹauanapega: Huo'o aso 'alo nachattaigui añi nala', 'eeta'am da lapo'. Qaq ñi ca'agoxoic, qalaq petalec. Qataq asomaye ỹaatañi aso naro'o na nta'a. Qaq asa'aso aro'o netaguilo soua doce huaqaañi.

2 Pedro 3:2

Qauennachiỹa'a da la'aqtaxanaxac som la'aqtaxanaxanecpi Ñim Lo'onatac 'Enauacna maye qomi' ỹanema soua qaỹoqteguelo vi'iye. Qataq saishet da qaucoviỹa'aisalo naua lamaxasoxonaxaco So Qarataxala' qataq Qarca'alaxaqui Jesucristo maye qami' ỹapaxagueneque soua lamaxa'she.

Hebreos 3:1

Qami' ỹaqaỹa't, Ñim Lo'onatac 'Enauacna qami' iỹaxanalo qataq qami' lca'agui'she da ỹauo'oi qami' lalamaqa'ate. Ỹoqo'oye iuen da ỹataqta qauennataxañiitelec qataq qauloichigui So Cristo: Somaye qomi' qanamaxalo co'ollaxa qataq nacheso so lataxala' nam ntaxaỹaxanaxanecpi da qaitaxaỹapegue' Ñimaye.

Efesios 2:20

Qataq qami' 'amqaanataxanaxaicpi qoñiita'am ca nỹec maye qano'oxootapiguisheguem, no'oxootelec qanqoỹen som lapaxañi co'olloxocheye na lamaxashecpi So Jesús qataq so la'aqtaxanaxanecpi Ñim Lo'onatac 'Enauacna. Qaq nacheso So Jesucristo som 'eeta'am ca coma' maye nllañi ca nỹec.

Hechos 1:13

Qaq co'ollaq ivildeua'a ye Jerusalén, nache taresheguemec ca pa'asheguem ca nỹec maye lanataqa't. Qaq na le'enaqa'ate soomaye: Pedro, Santiago, Juan, Andrés, Felipe, Tomás, Bartolomé, Mateo qataq so Santiago maye Alfeo llalec, qataq so Simón maye chegaqaigui nam dataỹa'aguet naxa na nta'alpi, qataq so Judas maye lqaỹa so Santiago.

Lucas 22:30

nache qami' ñeuanaxau', qataq qami' ñeỹomaxau' cam iquia'axala' qom mashe sootaigui ca ỹo'onataxanaxac, qataq nataqa'en qanso'oñiingui acam so'onaxaquipi maye ỹo'oxoraq, da yaqto' qanmichi nam llalaqpi soua doce llalqa so Israel.»

Lucas 11:49

Qaq ỹoqo'oye Ñim Lo'onatac 'Enauacna maye ỹaanaxanaxaic, huo'o da la'aqtac co'ollaxa da qami' ỹa'axatta'agueta 'enapeco': «Aỹem qami' samaxalo qome ca ỹa'aqtaxanaxanecpi qataq ỹamaxashecpi, qalaxaye huo'o na qaualauache, qaq ca laỹepi qalaq qaucañiitac, qaviraxachiỹalo naua lỹa't 'aleu'.»

Mateo 19:28

Nache So Jesús 'enapeco': –Ỹataqta 'eesa de'era qami' sa'axatema da 'enauac da qoñiita qami' ỹo'onataxanaxau' Aỹem Shiỹaxaua Llalec qom ñeso'ooñi da samaxasoxonapec. Huaña, nache Ñim Lo'onatac 'Enauacna naralaxat 'enauac na lataxaguesat, nache ñi 'oonolec da qoñiita ilo'ogue ca 'oonolec soua doce llalqa so Israel.

Mateo 10:2

Qaq 'enaua naua le'enaqa'ate soua doce lapaxaguenataqa So Jesús maye lca'aua'alo da ỹauo'oi lamaxa'she: Simón da le'enaxat lỹa Pedro, qataq so lqaỹa Andrés; nataqa'en so Santiago qataq so lqaỹa Juan, maye llalqa so Zebedeo;

Lucas 6:14

Qaq 'enaua naua le'enaqa'ate soomaye: Simón som ilonec da le'enaxat Pedro, qataq so Andrés som lqaỹa so Pedro, qataq so Santiago, qataq so Juan, Felipe, qataq so Bartolomé,

Juan 4:33

Nache soua lapaxaguenataqa nnattega't, 'eetra': –¿Ỹoqta da huo'o co'ollaxa ca ndoi' ca aloq damaxa?