Lucas 6:12 - La'aqtaqa Ñim Lo'onatac 'Enauacna 2013

¹² Qaq se'esoua na'axa'te So Jesús tasheguemec aso saqaỹoqotcheguemec 'alhua da yaqto' nqouagaxauen, nache imattec se'eso pe da na'aqtaxaatague' Ñim Lo'onatac 'Enauacna.

Nuevo Testamento Toba Sur

¹² Qaq huo'o so na'a'q nachi so Jesús tashiguemec aso saqaÿoqotchiguemec 'alhua da natamen, nachi imatteec se'eso pe da natameetacot ñi Dios.

Nuevo Testamento Toba Sombrero Negro

¹² 'Uo ga'me nolo' ca'li Jesús dajoyi ga'me qajoĝonaĝa qaedi netamen, qama'le yemata ga'me pi'yaq da'me netametapecot joñe'me Dios.

Lucas 6:12 Referans Kwoze

Hebreos 5:7

So Cristo co'ollaq hueta'a ana 'alhua, qalaq Somaye ỹataqta ỹaguec da nqouagaxaunaxac da nqouagaxaueetacot Ñim Lo'onatac 'Enauacna, qataq ỹataqta nỹeeto'ot qataq nachoxoreetacot da sa ivireguet qanqa'en da l-leuaxa, cha'aye Ñim Lo'onatac 'Enauacna huo'o da la'añaxac da yaqto' ỹo'ot damaye. Qalaxaye So Cristo ye nache 'eetai' naxa da laxaraic, nache Ñim Lo'onatac 'Enauacna ỹasateguet da nqouagaxaunaxac.

Marcos 6:46

Qaq co'ollaq ime da ncoyegueetague' somayepi, nache jec da tasheguemec aso qaỹoqotcheguemec 'alhua da nqouagaxauen.

Marcos 1:35

Qaq co'ollaq ña qaỹata'aguet so na'a'q, nache So Jesús ñesheguem, nache tauga ca toolec 'alhua da nqouagaxauen.

Colosenses 4:2

Qami' ỹataqta qoquiito'ot qome da qanqouagaxaunaxaqui. Qanloitec, qataq qaỹa'añiitacot da qana'achecỹaxaqui Ñim Lo'onatac 'Enauacna.

Mateo 6:6

Qalaxaye da huo'o ca 'oonolec da qoñiita da nqouagaxauen, nache no'on da ndotec. Taigui ca lma', ime, nache ỹapogui ca lasom, nache qaica ca ỹaỹaten da na'aqtaxane' Ñim Lo'onatac 'Enauacna maye Lta'a, cha'aye Ñimaye ỹan cam qaiỹaxanaique, na'aictaxa da saqcha'a.

Daniel 6:10

Qaq so Daniel co'ollaq la'axaỹaxac da qananerelec se'eso qalapaxañi nqataxac, nache taỹa so lma', nache ỹauatoiguilo naua nalloxoqui' so lo'ochaxaqui maye datategue dam pa'aigue ye Jerusalén, nache ỹa'alyiñi naua l-llectel da natamen, qataq ỹo'oxoren Ñim Lo'onatac 'Enauacna. Qaq damaye tres naxa da ỹo'ot ye 'oonolec na'a'q, ipacchigui dam 'eeta'ac naxa da ỹo'ottac.

Salmos 22:2

'Am Ñatamnaxala', ye na'a'q 'am seỹaxaatega qalaq aỹem sa 'auasateguet qataq ye pe, qaica ca ñemataxac da 'am seỹaxaatega.

1 Samuel 15:11

«Ỹataqta huo'o da ñetogotaxac da sanagui da nta'a ñi Saúl, cha'aye ñimaye aỹem ca'ai qataq saỹalaxaguet na ỹamaxasoxonaxacpi.» Nache so Samuel ỹataqta qaica ca lamaic, nache imauec se'eso pe da nqouagaxaueetacot Ñim Nataxala'.

Isaías 26:9

Qaq ỹataqta imauec ye pe da 'am seuennatega, qataq yem ỹataqta pa'auo ivilỹaxac 'am nmittaique. Qaq qom 'anmit ana 'alhua, nache na shiỹaxauapi ỹaỹaten qome da nalochiguiñi lataxac.

Mateo 5:1

Qaq So Jesús co'ollaq ila'a da ỹataqta qalota so shiỹaxauapi, nache tasheguemec aso qaỹoqotcheguemec 'alhua, nache nso'ooñi, nache soua lapaxaguenataqa nquiguereua'a Somaye,

Marcos 3:13

Qaq co'ollaq ime de'era, nache So Jesús huo'o so maiche lca'aua'api da ỹaviguisheguemec aso qaỹoqotcheguemec 'alhua. Qaq co'ollaq mashe lapoota'a't somayepi,

Lucas 5:16

Qalaxaye So Jesús, nache 'eetai' naxa da nmittaique cam huaña da ishet da 'oonolec da yaqto' nqouagaxauen.

Lucas 6:11

Qalaxaye so shiỹaxauapi ỹataqta dalemata. Nache chegoqchiguiña da nmittaique ca lataxac da dataỹa'aguet So Jesús.

Lucas 6:17

Nache So Jesús qataq soua doce lamaxa'she huenoteeguesopa aso qaỹoqotcheguemec 'alhua, nache nqo'onalo so nalochiguiñi 'alhua. Huaña yemaye, nache lapona't so qalota maye ca'attague' Somaye. Nataqa'en qalota na hueta'a yemaye na chegaqa'alo naua 'aleu' maye huaigui ye 'alhua Judea, nataqa'en na chegaqa'a ye nỹecpi ye Jerusalén qataq huo'o na chegaqa'a ye nỹecpi Tiro qataq Sidón,

Lucas 9:18

Huo'o so huaña, nache So Jesús nqouagaxaueetac 'oonolec, nache soua lapaxaguenataqa ivildeuga ca hueta'a Somaye. Nache So Jesús inatta'apo' soomaye, 'eeta': –¿Ca 'eetec naxa ca la'aqtac na shiỹaxauapi da Aỹem na'aqtaxaatapigui?

Lucas 9:28

Qaq co'ollaq mashe inoxoore'c soua ocho na'axa'te, nache So Jesús ỹauec so Pedro, Juan qataq so Santiago da taresheguemec aso qaỹoqotcheguemec 'alhua da yaqto' nqouagaxauen.

Lucas 9:29

Qaq co'ollaq ñaq nqouagaxaueetac, nache da lasheguiỹaxac nqochen, qataq soua alogo ỹataqta ỹapaga'q qataq qashelectrapiguiñi.

Juan 6:3

Nache So Jesús tasheguemec aso qaỹoqotcheguemec 'alhua. Nache huaña da nso'ooñi qataq soua lapaxaguenataqa.