Lucas 6:11 - La'aqtaqa Ñim Lo'onatac 'Enauacna 2013

¹¹ Qalaxaye so shiỹaxauapi ỹataqta dalemata. Nache chegoqchiguiña da nmittaique ca lataxac da dataỹa'aguet So Jesús.

Nuevo Testamento Toba Sur

¹¹ Qalaxayi somayipi ÿataqta dalemata. Ime, nachi nnattega't da chaq hua'ague ca ishit da qoÿiitec so Jesús.

Nuevo Testamento Toba Sombrero Negro

¹¹ Qalaĝaja gaa'me jiyaĝa'u laqaya' jalcote da'me dalemata'y qama'le nenatetapega't: —¿Jach'e jogamaĝa jaqanatetaq ta'le je'etaĝac joñe'me?

Lucas 6:11 Referans Kwoze

Hechos 5:33

Qaq co'ollaq hua'axaỹa de'era so nta'alpi maye 'amaqtaqaicpi qataq so lataxala'pi na judiopi, nache somayepi ỹataqta dalemata, nache huotaique da ỹalaua't soomaye.

Eclesiastés 9:3

Qaq huo'o dam ỹactec da qauem maye huetaigui 'enauac nam qaỹo'otpi ana'ana 'alhua: da 'enauac 'eeta'a't da 'oonolec ye taỹa'a loga't. Qataq dam lquiyaqteỹaxac ca shiỹaxaua nlaqchigui na qauem, qataq dam 'oopashaxac nache huetaigui ye lhuennataxa 'enauaque naua na'axa'te da nachaalataxac, qaq da ivita ye loga't, nache tauga ye huetaña na leuaxaicpi.

Hechos 26:11

Qataq ỹataqta qalota da seuaxaatac namayepi da sauotaique da ỹaxaañi da lpi'iỹaxac. Qaq 'era da so'otec 'enauac anam napaxaguenaxaquipi nam judiopi. Cha'aye aỹem ỹataqta qalota da iquiỹaxa namayepi, ỹoqo'oye ivira'a da secanaxangui nam hueta'alo naua ỹaqa'alo 'aleu'.

Hechos 7:54

Nache som nmit na nasouaxashet somayepi co'ollaq hua'axaỹa de'era, nache ỹataqta dalemata, qataq 'eeta'am da inaga't naua lhue da lquiỹaxa so Esteban.

Hechos 4:19

Nache so Pedro qataq so Juan 'ena'apo': –Maicheye qami' qauennataxañi da huo'otaq Ñim Lo'onatac 'Enauacna ishet da ỹaỹamaxareeta da qami' salaxasoxoleguete, qalqo' salaxasoxoguet Ñimaye.

Hechos 4:15

Huaña, nache nqateeguesopa soomaye so ntaxaỹaxac, nache somayepi maiche taỹa't da ncotatega't.

Juan 11:47

Nache nam fariseopi qataq nam lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, namayepi dataỹa't, huaxaiguet so 'amaqtaqaicpi maye nmit da huo'o ye nasouaxashet. Nache somayepi 'enapeco': –¿Hua'ague ca shenaqtec? Cha'aye se'eso ỹale ỹataqta qalota na ỹo'ot na'anecpi maye sa qaỹauanapega.

Juan 7:1

Qaq co'ollaq ime de'era, nache So Jesús coleetac ye 'alhua Galilea. Somaye saishet da taỹa ye 'alhua Judea, cha'aye nam lataxala' na judiopi maye lma' yemaye nshetaique da ỹalauat Somaye.

Lucas 4:28

Nache co'ollaq qaỹa'aqchigui de'era ỹa'axattac, nache 'enauac nam huetaigui asom paxaguenaxaqui ỹataqta dalemata.

Mateo 21:45

Qaq so lataxala'pi na ntaxaỹaxanaxanecpi da qaitaxaỹapegue' Ñim Lo'onatac 'Enauacna, qataq so chegaqaigui na fariseopi, co'ollaq hua'axaỹa de'era daloqnaxaatega So Jesús, nache ỹaỹaten da So Jesús 'eetega somayepi.

Mateo 16:7

Nache soua lapaxaguenataqa detaqtega't co'ollaxa, 'eetra': «Ỹoqta da nasaxauec de'era da Jesús souaxat da qomi' saishet da ñachoq aca nauole 'ayiiña.»

Lucas 6:10

Qaq co'ollaq ime da ỹamataigui so shiỹaxauapi, nache So Jesús 'enapega so ỹale, 'eeta': «Ña 'auachaxanec na 'arhuaq.» Nache so ỹale ỹachaxanec na lhuaq, nache ỹataqta no'oita na lhuaq.

Lucas 6:12

Qaq se'esoua na'axa'te So Jesús tasheguemec aso saqaỹoqotcheguemec 'alhua da yaqto' nqouagaxauen, nache imattec se'eso pe da na'aqtaxaatague' Ñim Lo'onatac 'Enauacna.

2 Timoteo 3:9

Qalaxaye namayepi saqaỹa'ague qome da llecỹaxac, cha'aye saqaỹaloq da qaỹaỹaana'a't da qaica ca ỹaỹaanapec. 'Eeta'ama soua Janes qataq so Jambres.