Lucas 5:38 - La'aqtaqa Ñim Lo'onatac 'Enauacna 2013

³⁸ Qaq ỹoqo'oye que'eca dalaxaicolec lataxa, camaye iuen da qaicoyigui aca dalaxaale lo'oc ca shiguiỹac.

Nuevo Testamento Toba Sur

³⁸ Qaq ÿoqo'oyi que'eca dalaxaicolec lataxa, camayi qaÿachangui acam dalaxaale l'oc ca shiguiÿac, qaq yaqto' caamayi nachi 'eetai' da sa ishit da daqa't.

Nuevo Testamento Toba Sombrero Negro

³⁸ Qo'che' ta'teguet da'me qoyachañgui ga'me lataĝa jo'ne dalaĝaic ga'me jiyac lo'oc jo'ne dalaĝaic.

Lucas 5:38 Referans Kwoze

2 Corintios 5:17

Qaq nagui da ña'araqtaua'a So Cristo, nache dalaxaic da qarataxac. Qaq Ñim Lo'onatac 'Enauacna mashe saishet da tatapigui ye lauel so togoshec qarataxac, nachaqrata da naralaxat da qarataxac. Qaq 'enauac de'era maiche chegoqo'ot Ñimaye. Qomi' co'ollaxa ỹataqta ñepa'aguenaqtague' Ñim Lo'onatac 'Enauacna, qalaxaye nagui chegoqchigui So Cristo da qanauochaxaua Ñimaye qataq qomi' ipataxaleguete da sa'aqtaxanaxam 'enauac na shiỹaxauapi da no'on na'axaỹaxac. Qataq chegoqchigui So Cristo da Ñim Lo'onatac 'Enauacna ỹapalaxat na qarasouaxashetpi qataq ỹo'ot da lactapegue' 'enauac na shiỹaxauapi.

Ezequiel 36:26

nache qami' sanaiguilo aca dalaxai nquiyaqte, qataq ca dalaxaic saqcha'a nca'alaxa. Nache ñeqateeguesopa qami' ana nquiyaqtepi maye ỹataqta qaramchigui 'eeta'am ca coma', nache qami' sanaiguilo aca nquiyaqte maye ỹataqta huesota.

Apocalipsis 21:5

Nache Ñim Lo'onatac 'Enauacna maye nso'ootangui aso nso'onaxaqui da nta'a 'eeta' da la'aqtac: «¡Aỹem ñaralaxat 'enauacna!» Nataqa'en 'eeta': «'Iyiñi qome ne'enapi, cha'aye ne'ena na'aqtacpi ỹataqta 'eesa qataq ishet da qaipi'iỹa'a.»

1 Timoteo 4:8

Cha'aye 'eesa ca shiỹaxaua da ñe'egueeteguela't da sa desalli naqa'en na lo'oc, damaye cara'acolec da huo'o da naigui. Qalaxaye da qanpa'ataxareelec da na'amqaanataxanaxac Ñim Lo'onatac 'Enauacna, damaye ỹataqta lta'araic da naigui. Cha'aye ỹataqta 'onaxaic da qomi' ỹo'otegueta nagui da ñaq souaqtalec ana 'alhua qataq nataqa'en qom seviraxague da piguem. Qaq de'era ỹataqta 'eesa, qaq ỹoqo'oye 'enauac damaye iuen da sa'amaqtenaq.

Gálatas 2:4

Qaq so'otaq se'eso qartaxaỹaxac, cha'aye huo'o na nqañoxottañi da ỹalectaigui na 'amqaanataxanaxaicpi da choche qomi' nauaata'ape. Qaq ne'ena tenataxanaxaicpi maye 'eetega da quetague' So Qarataxala', namayepi nachaqrata da huotaique da deuotaxanec da huesochiguiñi qarataxac maye chegoqo'ot So Cristo, nache qomi' ỹamaqaleguete da so'otaq nam namaxasoxonaxacpi maye lalamaxat nam judiopi.

Mateo 9:17

Qataq nataqa'en saishet da qaicoyigui aca shiguiỹac lo'oc ltoxoi ca lataxa maye dalaxaicolec. Cha'aye ca dalaxaicolec lataxa da ỹashiiyigui, nache ishet da ỹachipiaxata'ague aca lo'oc, nache ca lataxa qataq aca lo'oc caamaye deqa't. Qaq ỹoqo'oye ca dalaxaicolec lataxa, camaye qaỹachagui aca shiguiỹac lo'oc maye dalaxaale, yaqto' caamaye nache 'eetai'salo da saishet da ne'e'n.

Lucas 5:37

Qataq nataqa'en saishet da qaicoyigui aca shiguiỹac lo'oc ltoxoi ca lataxa maye dalaxaicolec. Cha'aye ca dalaxaicolec lataxa da ỹashiiyigui, nache ishet da ỹachipiaxata'ague aca lo'oc, nache ca lataxa qataq aca lo'oc caamaye deqa't.

Lucas 5:39

Qataq nataqa'en da huo'o ca ỹe'eguen ca togoshec lataxa, nache camaye saishet da huotaique da qaltaq ỹe'eguelaxa da nỹomgui ca dalaxaicolec lataxa, cha'aye mashe ỹaỹaten da ca togoshec lataxa nacheca ca ỹataqta 'onaxaic.»