Lucas 5:35 - La'aqtaqa Ñim Lo'onatac 'Enauacna 201335 Qalaxaye qom ivita ca laloqo' da qaỹauec que'eca aronaq, huaña, nache ishet da nqouaqchet cam ncoyeguenatacpi. Gade chapit laNuevo Testamento Toba Sur35 Qalaxayi qom ivita ca laloqo' da qanqateu'a que'eca adonaq, huaña qome, qaqca ishit da nqouaqchit camayipi. Gade chapit laNuevo Testamento Toba Sombrero Negro35 Qalaĝaja yovita jo' qom'te ga'me laloqo' da'me male qoyauec ñe'me nojaĝaua; qom yovita ga'me nolo', qama'le eja chimaqachiñe da'me noqouaqatela'ajalo jogaa'me. Gade chapit la |
Qaq saishet da sa naỹaana't caamaye. Nachaqrata da naỹateeta't da ỹauo'o ca laloqne'c da saishet da nauaña't, souaxat da ỹauotraique da ỹataqta nañaareguet da nqouagaxaunaxa'c. Qalaxaye da ime, nache qaltaq ipactegue da nauaña't, cha'aye saiuena'a da ỹasouaxat da saishet da naỹateetrela't, nache so pa'aguenataxanaxaic huo'o ca llegueuo da ỹauo'o ca lasouaxashe't.
Qataq 'enauac nam hueta'a na 'amqaanataxanaxaicpi, so Pablo qataq so Bernabé, ỹauo'o na lataxala'pi, yaqto' itauaatac namayepi. Qaq da ime da nqouagaxaunaxa'c qataq da nqouaqchetaxa'c, nache ỹashel-lec somayepi, nache iỹaxaatracot Ñim Lo'onatac 'Enauacna da itaua'n, cha'aye somayepi ỹa'amaqten So Jesús.
Ñim Nataxala' maye Qaica ca Ỹaqalanapec da la'aqtac 'eeta': ¡'Anachaañi 'am ỹeelonec, nache 'auataỹa'aguet ñi ỹamaxashec maye ilotague' ana qagueta, qataq ñim ỹale maye itaua! ¡'Aualauat qome ñim ilotague' ana qaguetapi, yaqto' anam lhuateguishe qaguetapi laga't qome, qaq Aỹem sataỹa'aguet qome da salauat na qagueta llalaqpi!
Qaq qom inoxoorec caua sesenta y dos semanas, nache qanqat da nachaalataxac cam nataxala' maye nca'aguishec. Nache ye Jerusalén qataq añi atamnaxaqui ilaxachiguilo qome cam shiỹaxauapi maye nalleppi cam nta'a maye anac qome. Qaq ỹataqta nque'elaxatta qome que'eca loga't, 'eeta'am da lviraxac ca ndep. Qataq huo'o qome ca nlaqtaxanaxac qaq camaye vi'iiguet qom ime ca alaataxac.
Nache So Jesús 'enapeco': –Cam ncoyeguenatacpi da ỹalegueua'a ca naronaxac camayepi saishet da daquicotac da huo'otaq ñaq qanayeeta'aguet ca auonaxaua. Qalaxaye da ivita que'eca laloqo' da qaỹauec que'eca auonaxaua. Huaña nache que'eca ncoyeguenatacpi ishet da ỹaayiñi naua anogo maye nasouaxaqui' qataq huaña, nache ishet da nqouaqchet.
So Jesús nataqa'en ỹauo'o da daloqnaxana, 'eeta': «Da huo'otaq huo'o aca togoshe npoto da huo'otaq colaqa'ague, nache qaica ca icheguec ca laỹe aca npoto maye dalaxaale da naparen aca togoshe. Cha'aye da nache 'eetec, nache na'axat aca dalaxaale. Qataq nataqa'en ca dalaxaicolec napannaxanaxat saq taiguet aca togoshe npoto.