Lucas 5:33 - La'aqtaqa Ñim Lo'onatac 'Enauacna 2013

³³ Nache huo'oi soua 'enapegalo So Jesús, 'eetra': –Na lapaxaguenatacpi so Juan maye nachelaxanataxanaq qataq nam quetague' na fariseopi ỹataqta ỹaguec da nqouagaxaunaxac qataq nqouaqchetaxac. Qaq naua 'arapaxaguenataqa qalaq nda'a't da lquia'axac qataq da nỹomaxac.

Nuevo Testamento Toba Sur

³³ Nachi somayipi inattac so Jesús, 'eeta': –¿Tá'ainco' yi ÿapacteec da nqouaqchitaxac qataq da nqouagaxaunaxac nam ca'attague' so Juan qataq nam fariseopi, qaq nam 'adapaxaguenatacpi nda'a't da deque'etac qataq nÿomtac?

Nuevo Testamento Toba Sombrero Negro

³³ Qama'le qot'aqataĝanem ñe'me Jesús: —Jogaa'me lapaĝaguenataqa ñe'me Juan jo'ne chilaĝanataĝanaĝaic nataq'aen jogaa'me fariseopi lapaĝaguenataqa jalcote da'me noqouaqatela'ajalo nale nataq'aen jalcote gaa'me netamenaĝaco jo'ne yauo'oe nale, qalaĝaja naa'me adapaĝaguenataqa nach'eda da'me deque'y nataq'aen da'me niyo'm.

Lucas 5:33 Referans Kwoze

Lucas 20:47

Namayepi decachigui na nma' ana pa'aipi, ime, nache ỹo'ot da nqouagaxaunaxac ỹataqta logoraic naqa'en yaqto' na qalota shiỹaxauapi ipi'itaxana da no'on shiỹaxauapi. Qalaxaye Ñim Lo'onatac 'Enauacna ỹauo'o da nhuaxanaguec ỹataqta ỹactec, saq 'ena'am na laỹepi shiỹaxauapi.

Lucas 18:12

Aỹem dos da she'eguelaxalec da ñeqouaqcheela't naua siete na'axa'te, qataq aỹem seỹotauga ana ñediezmo maye ỹaueque da 'Am sanot.›

Hechos 9:11

Nache So Qarataxala' 'enapego' somaye, 'eeta': –Qoñisheguem, nache qoquegue so nqa'aic le'enaxat Ỹashectec. Qaq qom 'avita ñi lma' ñi Judas, nache 'aunataxanaique ca ỹale maye chegaqa'ague da Tarso, le'enaxat Saulo. Qaq ñimaye nqouagaxaueetac,

Juan 3:25

Huo'o so na'a'q, nache huo'oi soua lapaxaguenataqa so Juan da ncotategueto so 'oonolec judío le'ec, ncotatrapigui da lataxac dam nỹoxoc na judiopi.

Juan 1:35

Qaq so lỹa na'a'q, nache so Juan qaltaq hueta'a yi'iye 'alhua, qataq soua dos soua lapaxaguenataqa.

Lucas 11:1

Huo'o so na'a'q, nache So Jesús hueta'a so 'alhua da natameetac. Qaq co'ollaq imat da natamnaxac, nache huo'o so 'oonolec lapaxaguenatac dequiguiỹo'ot Somaye, 'eeta': –'Am Qarataxala' qomi' 'auapaxagueneque taxa da qanatamnaxac, 'eeta'am da 'eetec so Juan co'ollaq ỹapaxague'n soua lapaxaguenataqa.

Marcos 12:40

¡Qaq nachena namayepi na decachetapigui na lma'pi ana pa'aipi, ime naxa, nache ỹo'ot da nqouagaxaunaxac ỹataqta logoraic naqa'en! Qalaxaye Ñim Lo'onatac 'Enauacna ỹataqta ỹactec naqa'en ca nhuaxanaguec namayepi, saq 'ena'am na laỹepi shiỹaxauapi.»

Mateo 23:13

Nache So Jesús 'enapega som fariseopi qataq som dapaxaguenataxaatapeguec na namaxasoxonaxacpi, 'eeta': ¡Ỹataqta qauem da qa'aita'ague qami' tenataxanaxaicpi! Cha'aye qami' qauapoigui ñi lasom dam lo'onataxanaxac Ñim Lo'onatac 'Enauacna, da yaqto' saishet da huo'o ca inoxoneuo. Qalaxaye ivira'alo qami' saishet da qaunoxoñiiuo, qataq saishet da qauashiñim da inoxoneuo nam nshetaique da inoxoneuo.

Zacarías 7:6

nacherata naxa, da qauqui'iitac qataq da qanỹomiitac qalaq qanmicheetaique da maiche qaraỹamqai.›»

Isaías 1:15

Qami' naxa da qaỹa'añeetrasheguem naua qarhuaxayilli' da qanatamñi, nache Aỹem ỹaqa'a da samata'ague, qaq na'aictaxa da ỹaguec da qanatamnaxaqui, qalaxaye Aỹem saishet da qami' sa'axaỹalo, cha'aye naua qarhuaxayilli' ỹataqta nlaqchiguilo na ntago'q.

Proverbios 28:9

Ñim Lo'onatac 'Enauacna sa ỹaconeguet da natamnaxac, ca sa ỹalaxagueta naua lqataxaco Ñimaye.

Lucas 2:37

qalaxaye nagui asomaye pa'ai qataq mashe ivi' ochenta y cuatro vi'i da llaxa. Asomaye hueta'a añi no'onaxanaxaqui late'erai ye pe qataq ye na'a'q nqouaqchettac, nqouagaxaueetac qataq ỹo'oxoreetac Ñim Lo'onatac 'Enauacna.

Lucas 5:32

Aỹem ñanac da seỹaxana nam 'etaxaloxoicpi da yaqto' ỹe'eguelaqot Ñim Lo'onatac 'Enauacna, qaq saishet da nachena nam 'eetega da no'on da lataxac.

Lucas 5:34

Nache So Jesús 'enapeco': –Ca ncoyeguenatacpi da ỹalectaua'a ca naronaxac, camayepi saishet da nqouaqchet da ña ỹalecta'aguet ca auonaxaua.