Lucas 5:32 - La'aqtaqa Ñim Lo'onatac 'Enauacna 2013

³² Aỹem ñanac da seỹaxana nam 'etaxaloxoicpi da yaqto' ỹe'eguelaqot Ñim Lo'onatac 'Enauacna, qaq saishet da nachena nam 'eetega da no'on da lataxac.

Nuevo Testamento Toba Sur

³² Aÿim sa ishit da ñanac da seÿaxana ca no'on shiÿaxaua, chaqcata ca 'itaxaloxoic da yaqto' ca'aisalo naua n'onataxaco.

Nuevo Testamento Toba Sombrero Negro

³² Nach'e ena'am da'me yajouaĝat da'me ñanaequena: ja jiyaĝanalo gaa'me chimadichidiñe, dite ga'me loeco lo'olpi, qaedi 'niyelaĝadetot joñe'me Dios.

Lucas 5:32 Referans Kwoze

Lucas 19:10

Cha'aye Aỹem Shiỹaxaua Llalec, ñanac da ñimitaique qataq ñeca'alaxatec nam shiỹaxauapi maye qaỹoqtaique naqa'en Ñim Lo'onatac 'Enauacna.

Lucas 15:10

Qaq Aỹem shenapec nataqa'en da ỹataqta huo'o da ntonaxac nam lamaxashecpi piguem le'ecpi Ñim Lo'onatac 'Enauacna, da huo'otaq ỹaxaare'c naua no'onataxaco ca shiỹaxaua 'etaxaloxoic.

Lucas 15:7

Qaq Aỹem shenapec da ỹactec da ntonaxac nataqa'en na neta'ague da piguem, qom huo'otaq huo'o ca 'oonolec ne'ena shiỹaxauapi da ỹe'egueloqot Ñim Lo'onatac 'Enauacna, qaq saq 'ena'am cam noventa y nueve nam ỹaỹamaxareeta Ñim Lo'onatac 'Enauacna maye sa iuen da ỹe'eguelaxaguet Ñimaye.

Hechos 3:19

Qaq ỹoqo'oye qaualache' nagui naua qano'onataxacolli', nache qaualaqaiguet Ñim Lo'onatac 'Enauacna, yaqto' Ñimaye ỹapalaxa't naua qarasouaxashe'echilli'. Nache Ñimaye icoua'ai 'enauac nam sa ỹaỹamaxañi maye qauo'ocheetac, nache qami' ỹanema da qara'añaxaqui.

Lucas 24:47

Nataqa'en iuen da qaỹa'aqtaxanem na ỹotta'a't shiỹaxauapi Aỹem, yaqto' 'enauac namayepi ỹe'egueloqot Ñim Lo'onatac 'Enauacna, qaq Ñimaye ỹapalaxat na lasouaxashetpi. Qaq chegoqchiguiña na Jerusalén,

Hechos 17:30

Qaq Ñim Lo'onatac 'Enauacna saishet co'ollaxa da iloguilo naua ne'enaxaco na shiỹaxauapi soua hua'au' vi'iye. Qalaxaye nagui Ñimaye 'enapega na shiỹaxauapi maye netaleguete naua ỹotta'a't 'aleu', da yaqto' ỹaxaare'c naua no'onataxaco.

2 Pedro 3:9

Qaq saishet da Ñim Lo'onatac 'Enauacna da qaỹaloqta da ipaqueelec ca ỹachaxanapec, cha'aye huo'o na lhuennataxac de'era. Chaqrata da Ñimaye huo'o da lhualaxavic da qami' iuatta'alo, cha'aye Ñimaye saishet da ỹaỹamaxaren da huo'o ca ileu da qoñiita, chaqrata da 'enauac da qoñiita qavi'eguelaqaỹa da qaralaxayiqui.

Hechos 2:38

Nache so Pedro 'enapego' somayepi, 'eeta': –Qomye qauỹaxañiỹot Ñim Lo'onatac 'Enauacna da qami' ichoxore'n qataq qavi'eguelaqaỹot da qaualaqaiguet Ñimaye qataq qauaqaita'a da qami' ñachelaxanaxaguilo da le'enaxat So Jesucristo. Yaqto' Ñim Lo'onatac 'Enauacna ỹapalaxa't naua qarasouaxashe'echilli' qataq qami' ỹanema So Saqcha'a Na'añaxac Qui'itta.

Hechos 20:21

Qaq 'enauac nam judiopi qataq nam saishet da judiopi sheetega da ca'aisalo naua qauema lataxaco, nache ỹa'amaqten Ñim Lo'onatac 'Enauacna, qataq ỹa'amaqten So Qarataxala' Jesucristo.

Hechos 3:26

Qaq ỹoqo'oye Ñim Lo'onatac 'Enauacna co'ollaq qaltaq nca'alec naqa'en So Llalec Jesús, nache ỹa'auaxaachiyiñi da qami' namaxalo, da yaqto' qami' ỹanema ca no'on qoyecỹaxaqui, yaqto' ñi 'oonolec da qoñiita ishet da ỹaxanec ca sa ỹaỹamaxañi.

Mateo 18:10

Qantooñita'ac qome de'era: saishet qome da qauo'otañi ca 'oonolec nam saqca ca la'amaqchec. Cha'aye Aỹem qami' shenapegalo da na lamaxashecpi maye 'amaqtaqaicpi Ñim Lo'onatac 'Enauacna ilotague' namayepi.

Hechos 5:31

Ñim Lo'onatac 'Enauacna ỹo'otec da So Jesús nso'oota'ague da aloic qataq ỹanagui da Nataxala', qataq Nca'alaxaqui, da yaqto' na Israel le'ecpi ỹaxaañi da ỹo'ottac na qauem, nache Ñim Lo'onatac 'Enauacna ỹapalaxa't naua lasouaxashe'ete.

Isaías 57:15

Cha'aye Ñim Qaỹoqotcheguemec, Ñim chochaq tatec da nca'altauec maye le'enaxat Qui'itta, 'eeta': «Aỹem maye soota'a ye ỹataqta qaỹoqotcheguemec qataq sa qaishetapec, qalaxaye nataqa'en soota'aguet ca qaica ca la'amaqchec qataq ca huo'o da laquicoxo, nache samem da la'añaxac qataq sa'añaqchet.

Marcos 15:7

Qaq se'eso na'a'q huo'o so 'oonolec ỹale cachaxaic le'enaxat da Barrabás. Somaye ỹalectaigui co'ollaxa so laỹepi da huo'o na ỹalauat, co'ollaq huaigui so na'a'q da qaỹataỹa'aguet so nta'a ye Roma.

Mateo 9:13

'Onaxaic da qoqui, nache qanpogoxoiñiỹapegue' da qauchemaxache cam ỹoqta 'eetapeguec Ñim Lo'onatac 'Enauacna co'ollaq nasaxauec de'era la'aqtac, 'eeta': «Aỹem ñeshetaique da qami' qauchoxoyiñi na shiỹaxauapi, qaq saishet da nachera da Aỹem qandoiua'a aca qarachetaqtaxanaqche.» Cha'aye Aỹem ñanac da seỹaxana nam 'etaxaloxoicpi, da yaqto' sauo'o ỹapaxaguenatacpi, qaq saishet da nachena nam 'eetega da no'on da lataxac.

Marcos 2:17

Qalaxaye So Jesús hua'aqchigui de'era, nache 'enapeco': –Nam iuen ca natannaxanaq, nachena nam sa no'onpi, qaq saishet da nachena nam no'oitapi. Qaq Aỹem ñanac da seỹaxana nam 'etaxaloxoicpi, da yaqto' ỹe'eguelaqot Ñim Lo'onatac 'Enauacna, qaq saishet da nachena nam 'eetega da no'on da lataxac.

Lucas 5:31

Nache So Jesús 'enapeco': –Nam iuen ca natannaxanaq nachena nam sa no'onpi, qaq saishet da nachena nam no'oitapi.

Lucas 5:33

Nache huo'oi soua 'enapegalo So Jesús, 'eetra': –Na lapaxaguenatacpi so Juan maye nachelaxanataxanaq qataq nam quetague' na fariseopi ỹataqta ỹaguec da nqouagaxaunaxac qataq nqouaqchetaxac. Qaq naua 'arapaxaguenataqa qalaq nda'a't da lquia'axac qataq da nỹomaxac.