Lucas 5:27 - La'aqtaqa Ñim Lo'onatac 'Enauacna 2013

²⁷ Qaq co'ollaq ime de'era, nache So Jesús ca'ai yi'iye hueta'a. Qaq co'ollaq queta, nache ila'a so ỹale le'enaxat Mateo do'onataxaatac ỹacootapeeguet ana nsheetenaqte ca nta'a maye netaña ye Roma. Nache So Jesús 'enapego' somaye, 'eeta': «Aỹem 'auca'ategue.»

Nuevo Testamento Toba Sur

²⁷ Qaq co'ollaq ime de'eda, nachi so Jesús inoxoneec, nachi ilalec som ÿacootapeeguet ana nshiitenaqte ca nta'a. Somayi l'enaxat Leví, qaq nso'ootañi, netaña so lshiitenaxanqa' nam deshiitenaxaatac. Nachi 'enapego', 'eeta': –Aÿim 'auca'ategue.

Nuevo Testamento Toba Sombrero Negro

²⁷ Yoĝo'yi da'me dojo', Jesús yenoĝonegue qama'le yauana ga'me lo'o da'me nejetenaguec di'me Roma jo'ne lenaĝat Leví, netaue ga'me nejetenaĝaiqui ñe'me jaliaĝanec jo'ne Roma le'ec. Jesús dojapegue', enaac: —¡Jayem oquegue!

Lucas 5:27 Referans Kwoze

Marcos 3:18

qataq so Andrés, Felipe, Bartolomé, Mateo, Tomás, qataq so Santiago som llalec so Alfeo, Tadeo, qataq so Simón maye chegaqaigui nam dataỹa'aguet naxa na nta'alpi,

Mateo 10:3

qataq so Felipe, Bartolomé, Tomás qataq so Mateo som ỹacootapeeguet co'ollaxa ana nsheetenaqte ca nta'a; Santiago som llalec so Alfeo; qataq so Tadeo;

Juan 1:43

Qaq so lỹa na'a'q nache So Jesús taigue da 'alhua Galilea. Nache huaña yemaye da natenalec so Felipe, nache 'enapega, 'eeta': –Aỹem qoquegue.

Juan 12:26

Qaq da huo'o ca nshetaique da Aỹem do'onataxanot, qaq no'on da Aỹem quegue, qaq ca Aỹem soota'ague, nache camaye nataqa'en hueta'a. Da huo'o ca Aỹem do'onataxanot, nache Ñim Ita'a ỹauo'o qome da llo'oxoyec camaye.

Lucas 18:22

Nache co'ollaq hua'aqchigui de'era So Jesús, nache 'eeta': –Huo'o da 'oonolec ña deqaptauec, 'eeta': 'Aumen qome 'enauac na 'am hueto'ot, ime, qaq 'aỹa'anoigui nam choxoraqpi, yaqto' huo'o ca 'arsallaxa hua'ague da piguem. Qaq qom ime, nache 'auanac da Aỹem 'auca'ategue.

Mateo 16:24

Nache So Jesús 'enapegalo soua lapaxaguenataqa, 'eeta': «Da qami' qansheetaique da qami' ỹapaxaguenataqa, nache iuen da qaucoviỹa'ai da qauo'oche ca maiche qoñiitapeguec. Nachaqrata da iuen da qami' lhuotte', na'aictaxa da qami' qaỹalaua't. Qataq qaualaqaiguet ca ỹa'aqtac.

Mateo 8:22

Nache So Jesús 'enapeco': –Aỹem 'auca'ategue, cha'aye ỹoqta ỹactec da 'onaxaic da Aỹem 'auca'ategue nagui. ¡Ñaq 'aua'axaỹa'a nam leuaxaicpi da ilayiñi nam lqatacpi!