Lucas 5:26 - La'aqtaqa Ñim Lo'onatac 'Enauacna 2013

²⁶ Nache 'enauac so shiỹaxauapi ỹataqta huo'o da la'aalaxa, qataq nlaqchigui da lcolanaxa, ime, nache ỹo'oxoreetac Ñim Lo'onatac 'Enauacna, 'eeta': «¡Ỹataqta qaica ca 'ena'am da llo'oxoyec da sauanaqchigui ne'ena na'a'q!»

Nuevo Testamento Toba Sur

²⁶ Nachi 'enauac so shiÿaxauapi ÿataqta huo'o da l'aalaxa, nataq'en ÿi'oxodeetac ñi Dios, qataq ÿataqta huo'o da lcolanaxa. Nachi 'enapeco': –Na na'a'q ÿataqta qaica ca 'en'am da lli'oxoyic da sauanaqchigui.

Nuevo Testamento Toba Sombrero Negro

²⁶ Ena'uaque jogaa'me jalcote da'me yoqochetem, qama'le 'nonaĝachidegue joñe'me Dios, choqoda'me 'uo da'me lauategaĝa'j, qama'le enapega't: —¡Nayi jauanaĝalo gaa'me uo'oe jo'ne yataqachiñe joqochaqatapema!

Lucas 5:26 Referans Kwoze

Mateo 9:8

Qaq so shiỹaxauapi co'ollaq ỹauaachigui de'era, nache ỹataqta huo'o da la'aalaxa. Nache ỹo'oxoreetac Ñim Lo'onatac 'Enauacna, souaxat da Ñimaye ỹami' de'era na'añaxac 'enauac na shiỹaxauapi.

Lucas 7:16

Qaq co'ollaq qaỹauaachigui de'era, nache 'enauac so shiỹaxauapi ỹataqta huo'o da lcolanaxa, nache chegoqchiguiña da ỹo'oxoreetac Ñim Lo'onatac 'Enauacna, 'eeta': «¡Huo'o da na'aqtaxanaxanec qomi' hueta'agueta! ¡Qaq nagui Ñim Lo'onatac 'Enauacna qomi' itaua'n!»

Hechos 4:21

Nache so nta'alpi maye nmit da huo'o ye nasouaxashet ỹataqta ỹareetegalo soomaye, qalaxaye ỹachaxaare'c. Cha'aye saishet da ỹanata cam qaỹachegoxotchigui da yaqto' qaiuaxa'n, cha'aye 'enauac na shiỹaxauapi ỹataqta ỹo'oxoreetac Ñim Lo'onatac 'Enauacna, souaxat de'era qanayeuaigui.

Lucas 8:37

Nache 'enauac na shiỹaxauapi maye lma' ye Gerasa, nachoxoreetacot So Jesús da ca'ai yi'iye 'alhua, souaxat da ỹataqta lta'araic da lcolanaxa. –Qaq co'ollaq So Jesús da huenooñigui aso nllocta da ỹe'eguelaxata ye Galilea,

Lucas 5:8

Qaq co'ollaq ila'a de'era so Pedro, nache ỹa'aroto naua l-llectel So Jesús, nache 'enapega, 'eeta': ¡'Am Ỹataxala' aỹem qoca'ai, cha'aye aỹem ỹataqta aỹem 'etaxaloxoic!

Marcos 2:12

Nache saqaỹaloq da ñesheguem se'eso ỹale qaỹauaachigui 'enauac, nache ỹacona so lmala', nache ca'ai cam qanayeuta'a. Qaq co'ollaq qaỹauaachigui de'era, nache ỹataqta qaỹo'oxoreetac Ñim Lo'onatac 'Enauacna qoỹeeta': «¡Ỹataqta saỹauano' da sauanaqchigui ca 'eeta'am de'era!»

Mateo 28:8

Nache soua 'alol ỹataqta ñi'i' qalaxaye nataqa'en ỹataqta lta'araic da ntonaxa'c, nache je'c ỹataqta nqalgoqte' da iroua'alo da la'axaỹaxa'c soua napaxaguenataqa.

Mateo 12:23

Nache 'enauac na shiỹaxauapi ỹataqta ỹa'aalac nam ỹo'otpi So Jesús, nache huo'o na 'eeta' da la'aqtac: «¿De'era Jesús, nachera peta'a dam Lca'aguishec Ñim Lo'onatac 'Enauacna maye ỹachaxanapec da yaqto' qomi' nca'alaxatre'c?»

Oseas 3:5

Qaq qom ime de'era, nache na Israel le'ecpi ñe'eguelaq qome, nache nmitaique Ñim Nataxala' maye Natamnaxala', qataq so David maye lta'a namayepi. Qaq que'ecaua pa'atrec na'axa'te, nache namayepi ỹataqta huo'o naq 'enec naqa'en Ñim Nataxala', qataq da lqouagaxanaqtaic Ñimaye.

Jeremías 33:9

Ye Jerusalén, yemaye ỹo'ot qome da ỹamaicỹaxac, da shenec qataq da ỹo'oxoyec, qom imeteetac yemaye nam ỹotta'a't shiỹaxauapi ana 'alhua. Qaq nam ỹotta'a't shiỹaxauapi qom hua'aqtega da qaỹa'axattac da no'on maye talec ñaqa'en na lma' ye Jerusalén, qataq da nquictasheguem da qaica ca iuena'a, nache namayepi ỹataqta iviloxol qome souaxat da lli'iỹaxa.

Gálatas 1:24

Nache ỹo'oxoreetac Ñim Lo'onatac 'Enauacna, souaxat Ñimaye da naralaxat da ỹataxac.

Lucas 1:65

Huaña, nache 'enauac se'eso lauoreuapi ỹataqta huo'o da la'aalaxa, qataq nataqa'en 'enauac som netalec se'eso saqaỹoqotcheguemec 'alhua ye Judea, da qaica ca lỹa qana'aqtaxaatapigui, nachaqrata de'era.