Lucas 5:24 - La'aqtaqa Ñim Lo'onatac 'Enauacna 2013

²⁴ Qalaxaye nagui qami' sachaxanalo da Aỹem, maye Aỹem Shiỹaxaua Llalec huo'o da ỹa'añaxac ana'ana 'alhua da sapalaxat na nasouaxashetpi.» Huaña, nache 'enapega som ỹale maye sa da'añiigue, 'eeta': «Qoñisheguem, 'auacona na 'armala'. Ime, qaq qojec, 'anqo'ona ca 'arma'.»

Nuevo Testamento Toba Sur

²⁴ Qalaxayi moxochaqa, nagui qami' nachaxanalo ne'ena shiÿaxaua llalec da namayi ÿataqta huo'o naq 'enec ana 'alhua da ishit da ÿapalaxat na nasouaxashitpi. Huaña, nachi 'enapega som ÿale mayi sa da'añiigue, 'eeta': –Nagui 'am shinapega, qoñishiguem, 'aunana't na 'admala'. Ime, qaq qojec, 'anqo'ona ca 'adma'.

Nuevo Testamento Toba Sombrero Negro

²⁴ Qalaĝaja ami jaloĝonalo nayi queda'me jayem jo'ne mach'e jayem Jiyaĝaua Lec'oĝot, 'uo da'me yañoqotaĝanaĝac qaedi japalaĝa't jogaa'me loeco ga'me jiyaĝadipi. Chane'eja eetojo' da'me dajoyalegue ga'me leuaĝaic, enaac: —Am jenapega: oñijeguem, auacona na'me adela' qama'le oc, auec'ata ga'me at'achaqa'.

Lucas 5:24 Referans Kwoze

Apocalipsis 1:13

Qaq na laiñi se'esoua siete ncoỹaraxanaxaqui' sela'a so 'eeta'am So Jesús Som Shiỹaxaua Llalec. Qaq soua alogo ỹataqta ivildañi, qataq so nsaataxaqui maye chegaqaigui na oro qalaq ivirasheguema ana ltogue.

Isaías 53:11

Qaq qom ivirec ca lta'araic nque'eenaxac, nache ila'a ca yo'oqchiguiñi, huaña nache somaye ỹataqta machiguiñi da ỹaỹaten, qaq se'eso no'on da lataxac maye lamaxashec Ñim Nataxala' qalota qome na isouec cha'aye ỹache qome na lasouaxashetpi namayepi.

Hechos 14:10

Nache ỹataqta nlamaxaren da 'enapega, 'eeta': –'Anachaañi, nache 'auqueuoỹapigui'. Nache se'eso ỹale nparenaxaasheguem da nachaañi, nache queuoỹapigui'.

Hechos 9:40

Qaq co'ollaq ime, nache so Pedro ipa'axanec 'enauac somayepi, nache ỹa'alyiñi naua l-llectel da nqouagaxaunot Ñim Qarataxala'. Qaq co'ollaq ime, nache ỹamatalec asom leuaxai, nache 'enapega, 'eeta': –Tabitá, qoñisheguem. Nache asomaye nlouec. Qaq co'ollaq ila'a so Pedro, nache ñesheguem, nache nso'ooñi.

Hechos 9:34

Nache so Pedro 'enapego' somaye, 'eeta': –Eneas, 'am nataren So Jesucristo, qoñisheguem, nache 'anana't na 'aracanec. Nache so Eneas ñesheguem.

Hechos 5:31

Ñim Lo'onatac 'Enauacna ỹo'otec da So Jesús nso'oota'ague da aloic qataq ỹanagui da Nataxala', qataq Nca'alaxaqui, da yaqto' na Israel le'ecpi ỹaxaañi da ỹo'ottac na qauem, nache Ñim Lo'onatac 'Enauacna ỹapalaxa't naua lasouaxashe'ete.

Juan 17:2

Cha'aye Aỹem 'aỹa'anem co'ollaxa da 'ara'añaxac da yaqto' ñataỹaña 'enauac na huetalec ana 'alhua. Qataq nataqa'en Aỹem 'aỹa'anem da ỹa'añaxac da yaqto' sanem da lca'alaxa maye chochaq tatec 'enauac nam Aỹem 'aỹa'anem da Aỹem ca'ategue.

Juan 11:43

Qaq co'ollaq ime da nasaxauec de'era, nache deỹaxan, 'eeta': –¡Lázaro, 'ampa'auec!

Juan 5:27

Qataq nataqa'en Aỹem ỹanem da ỹa'añaxac da ishet da ñimit na shiỹaxauapi, cha'aye Aỹem maye Aỹem Shiỹaxaua Llalec.

Juan 3:13

Cha'aye saishet da huo'o ca taigue da piguem, nachaqcata cam chegaqa'ague da piguem, maye nachena nam Shiỹaxaua Llalec.

Lucas 8:54

Ime, nache ỹacona na lhuaq aso nogotole, nache 'enapega 'eeta': «¡'Am nogotole, qoñisheguem!»

Lucas 7:14

Nache So Jesús nquigueua'a da ipoteua'a so lmala' se'eso leuaxaic. Nache soua ỹale't maye ỹacheta'ape vi'iigueta. Nache So Jesús 'enapega so leuaxaic, 'eeta': «¡'Am nsoqolec, 'am shenapega da qoñisheguem!»

Lucas 5:13

Nache So Jesús ipoteua'a somaye, nache 'enapega, 'eeta': –¡Aja', seshet! ¡Nagui 'am no'oita! Nache saqaỹaloq da qaica so lalolaxa se'eso sa no'on.

Mateo 28:18

Nache So Jesús nquiga somayepi nache 'enapega, 'eeta': «Ñim Lo'onatac 'Enauacna Aỹem ỹami' da na'añaxac da yaqto' selo'ogue 'enauacna.

Mateo 26:64

Nache So Jesús 'enapeco': –Aja', nachera dam 'anasaxauec. Ñaq 'ana'axaỹaxana dam ỹa'aqtac nagui. Da mashe saqaỹapeque ca na'a'q da qami' Aỹem qauloỹa'aguet Aỹem Shiỹaxaua Llalec da sootalec ca lo'oc na piguem da ñanactaigui da na'añaxac qataq da namaxasoxonaxac maye Aỹem ỹami' Ñim Lo'onatac 'Enauacna maye qaica ca ỹaqalanapec.

Mateo 25:31

Qaq Aỹem Shiỹaxaua Llalec qom ivita da ñe'eguelaq, nache ca iviraxac 'eeta'am da lviraxac ca nta'a 'añaxaic, Aỹem coleesop na ỹamaxashecpi nache ñeso'ongui aca ñeso'onaxaqui da Aỹem Nta'a.

Mateo 16:13

Qaq co'ollaq mashe saqaỹapeque so nỹecpi ye Cesarea maye ilotague' co'ollaxa so Filipo, nache So Jesús inatta'ape soua lapaxaguenataqa, 'eeta': –Na shiỹaxauapi nagui ¿Chaq 'eetec naxa ca la'aqtac da detaqtega Aỹem, maye Aỹem Shiỹaxaua Llalec?

Mateo 9:6

Qalaxaye nache 'ena'am, Aỹem Shiỹaxaua Llalec qami' ñachaxanalo, da Aỹem ỹataqta huo'o da ỹa'añaxac da ishet da sapalaxat na nasouaxashetpi ana 'alhua.» Ime, nache So Jesús 'enapega so sa da'añiigue, 'eeta': «Qoñisheguem, 'aunana't na 'aracanec. Ime, qaq 'anqo'ona ca 'arma'.»

Daniel 7:13

Qaq aỹem nache shecto'ot da semeteetac som ỹauanaqchec se'eso pe. Nache nque'elaxatta da: Sela'a so 'eeta'am na shiỹaxaua llalec nactaigui so lo'oc na piguem, nache somaye taỹa so hueta'a som ỹa'axaiquiolec, nache qanquigaxateua'a so hueta'a somaye.

Mateo 4:24

Nache da na'aqtaguec So Jesús ỹataqta 'enauac ye 'alhua Siria da qaỹaỹaten. Nache qanda'a Somaye som shiỹaxauapi maye ỹotta'a't na lalolaxa, qataq som huo'o na netaigui saqcha'a na'añaxac leguemaxaic, copchaxaicpi, qataq na sa da'añiigue. Nache 'enauac nataren So Jesús.

Lucas 5:18

nache nvildeuo soua shiỹaxau' npeetragui so mala' huetalec so ỹale maye saishet da queuoỹapigui'. Nache se'eso sa no'on qaỹauotaique da qairoua'a So Jesús,

Lucas 5:23

Ñaq Aỹem qaua'aqtaxañim: ¿negue't ca ỹoqta saqalaq da qoỹenapec, peta'a da qaỹapalaxa't naua lasouaxashe'ete ne'ena sa no'on, huo'otaq da qanataren?