Lucas 5:22 - La'aqtaqa Ñim Lo'onatac 'Enauacna 2013

²² Qalaxaye So Jesús ỹaỹaten da lhuennataxa somayepi, nache denataxan 'eeta': «¿Ta'ainco' ye qarhuennataxaqui de'era?

Nuevo Testamento Toba Sur

²² Qalaxayi so Jesús ÿaÿaten da lhuennataxa somayipi, nachi 'enapeco': –¿Tá'ainco' yi qadhuennataxaqui dam da'?

Nuevo Testamento Toba Sombrero Negro

²² Qalaĝaja Jesús paja'a yayaten ga'me eeta da'me lelnataĝa'j, qama'le yena't: —¿Toqoch'e naq'aeta da'me adelnataĝaqui?

Lucas 5:22 Referans Kwoze

Lucas 24:38

Qalaxaye So Jesús 'enapeco': –¿Ta'ainco' ye qami' ỹe'elaqche't de'era? Qataq ¿ta'ainco' ye huo'o da lqolectaxanaxa'c naua qarquiyaqchilli'?

Hechos 5:3

Nache so Pedro 'enapego' somaye, 'eeta': –Ananías, ¿ta'ainec ye 'aualaxaguet so pa'aguenataxanaxaic? Ye 'am 'ano'onaxatañi aso laỹe asom lasheue so 'ana'alhua, 'aupi'itaxaatega da ishet da 'auatenachet So Saqcha'a Na'añaxac Qui'itta.

Marcos 8:17

Nache So Jesús nomalo soomaye, nache 'enapeco': –¿Ta'ainco' ye qana'aqtaxañeetapigui da sa qanache aca nauole? ¿Peta'a ñaq 'eetalec da saxanaxa da qauaỹachiñi? Qataq ¿ñaq napotagui peta'a da qantoonaxaqui?

Mateo 12:25

Nache So Jesús co'ollaq noma de'era lhuennataxac somayepi, nache 'enapega, 'eeta': «Ca shiỹaxauapi maye hueta'a ca 'alhua da maiche npa'aguena't, nache taỹa'a da nlaguiñi. Qataq ca hueta'a ca nỹecpi da maiche npa'aguena't, nache que'eca nỹecpi taỹa'a da nlaguiñi. Qataq ca maiche nhuo' le'ecpi da maiche npa'aguena't, nache camayepi nataqa'en taỹa'a da nlaguiñi.

Mateo 9:4

Qalaxaye So Jesús co'ollaq noma da lhuennataxac somayepi, nache 'enapega, 'eeta': «¿Ta'ainco' ye ỹataqta qauema naua qarhuennataxacolli'?

Isaías 66:18

Cha'aye aỹem ỹataqta saỹateeta nam ỹo'ottacpi qataq nam lhuennataxacpi. Qalaxaye mashe ivita yem laloqo' da llaỹona't nam ỹotta'a't shiỹaxauapi qataq nam ỹotta'a't naua la'aqtaqa, qaq namayepi anac qome nache ỹauaachigui da ỹo'oxoyec.

Salmos 139:2

'Am, ỹataqta 'auauattoota 'enauac na so'ottacpi, na'aictaxa da aỹem qaỹoqta, qalaq 'am 'auaỹate'n naua iuennataxaco.

Hebreos 4:12

Da huo'o ye la'aqtac Ñim Lo'onatac 'Enauacna da nasaxauec qalaq ỹataqta huo'o da la'añaxac qaltaq nca'altauec. Da la'aqtac Ñimaye ỹataqta napacalec na llaxa ca ỹeelonec maye dos naua ala'api, ỹoqo'oye ishet da iviraua'a ye ỹataqta pa'auo da nachaalataxac ca shiỹaxaua. Nataqa'en huaña da ishet da imete'n naua qarhuennataxaco qataq da qaryaxayec, nache ỹachaxa'n da huo'otaq 'onaxaiqa huo'otaq qauema.

1 Crónicas 28:9

Qaq 'am ỹalec Salomón, ỹataqta 'auauattota qome Ñim Natamnaxala' na 'arta'a, qataq ỹataqta 'aumato'ot da 'arquiyaqteỹaxac, qataq da 'arasapachaxa, cha'aye Ñim Nataxala' ỹataqta ilaua'a da nquiyaqteỹaxac, qataq naua nhuennataxaco. Qaq ỹoqo'oye da 'anmitaique ñimaye, nache ishet da 'auanata, qalaxaye da qoca'ai, nache ñimaye saishet da 'am ihuooneguet.

Ezequiel 38:10

Qaq Aỹem Nataxala', shenapec: Qaq que'eca na'a'q nache 'alapaxañi qome 'enauac cam qauempi.

Proverbios 15:26

Ñim Nataxala' saisheteguet na lhuennataxacpi na qauemaicpi, qalaxaye ỹamaategueta naua na'aqtaqa 'onaxaiqa.

Mateo 12:15

Qaq So Jesús co'ollaq ỹaỹaten da naỹamaxattapigui so fariseopi, nache ca'ai yi'iye hueta'a, nache ỹataqta qalota som shiỹaxauapi ca'ategue Somaye. Nache Somaye nataren 'enauac nam sa no'onpi.

Lucas 5:21

Nache nam dapaxaguenataxaatapeguec na namaxasoxonaxacpi maye chegoqo'ot so Moisés qataq na fariseopi deuennataxaatac, 'eeta': «¿Negue't cam ipettega dam da'? ¡Da nasaxauec la'aqtac ỹataqta dataỹa'aguet Ñim Lo'onatac 'Enauacna! ¡Nachaqñita Ñimaye da ishet da ỹapalaxat ca nasouaxashet!»

Lucas 5:23

Ñaq Aỹem qaua'aqtaxañim: ¿negue't ca ỹoqta saqalaq da qoỹenapec, peta'a da qaỹapalaxa't naua lasouaxashe'ete ne'ena sa no'on, huo'otaq da qanataren?