Lucas 5:21 - La'aqtaqa Ñim Lo'onatac 'Enauacna 2013

²¹ Nache nam dapaxaguenataxaatapeguec na namaxasoxonaxacpi maye chegoqo'ot so Moisés qataq na fariseopi deuennataxaatac, 'eeta': «¿Negue't cam ipettega dam da'? ¡Da nasaxauec la'aqtac ỹataqta dataỹa'aguet Ñim Lo'onatac 'Enauacna! ¡Nachaqñita Ñimaye da ishet da ỹapalaxat ca nasouaxashet!»

Nuevo Testamento Toba Sur

²¹ Nachi nam dapaxaguenataxaatapeguec na nqataxacpi qataq nam ÿalectaigui na fariseopi nachi deuennataxaatac, 'eeta': “¿Négue't dam da' shiÿaxaua? Yi ÿi'inai' ñim Dios nam l'aqtaqa. Yi qaica ca ishit da ÿapalaxat na nasouaxashitpi, nachaqñita ñi Dios mayi ishit.”

Nuevo Testamento Toba Sombrero Negro

²¹ Chane'eja joga'me judiopi napaĝaguenoqo'tpi nataq'aen jogaa'me fariseopi paja'a da'me nenatetapega't: “¿Jach'e da'me dojo' jo'ne lichiquetelegue da'me nenaĝatedegue gaa'me 'laqataqa jo'ne ye'uetedac joñe'me Dios? Onolec ñe'me Dios yaqanatet ta'le yapalaĝa't jogaa'me loeco ga'me jiyaĝadipi.”

Lucas 5:21 Referans Kwoze

Isaías 43:25

Qalaxaye Aỹem, souaxat da Aỹem 'Anatamnaxala', nache sapalaxat na 'aralaataxanaxacpi, qataq saishet da she'eguelaqtega da seuennatega na 'arasouaxashetpi.

Juan 10:33

Nache somayepi 'enapeco': –Saishet da 'am sasaxasoq na coma' da souaxat cam ỹaỹamaqchiguiñi 'auo'ottac. Maye 'am sasaxasoq, souaxat da naua 'ara'aqtaqa ỹataqta da sa iyacna'ape Ñim Lo'onatac 'Enauacna. Qamaq 'am choche 'am ỹale, qalaq qonetega da qoneta'am Ñimaye.

Lucas 7:49

Nache so nhuanaxauapi Somaye maye nso'oota'ai' deuennataxaatac, 'eeta': «¿Ta'ainco' Ñimaye ye ivira'a nam nasouaxashetpi da 'eetega ishet da ỹapalaxat?»

Mateo 26:65

Nache co'ollaq hua'aqchigui de'era som lataxala' na ntaxaỹaxanaxanecpi da qaitaxaỹapegue' Ñim Lo'onatac 'Enauacna, nache ncolaxata'aisalo soua alogo da la'anaxat da ỹataqta dalemata, nache 'enapeco': –¡De'era ỹale, damaye ỹataqta isheueetac Ñim Lo'onatac 'Enauacna! Mashe qaica ca lỹa shiỹaxaua da seuenaq da da'aqtaxan. Cha'aye damaye 'eetega da nachera dam Lo'onatac 'Enauacna.

Salmos 32:5

Qalaxaye 'am sa'axatem co'ollaxa na ỹasouaxashetpi, qataq saishet da 'am soxocheesop na qauem maye so'otpi, nache sheeta': «Aỹem sa'axatem na ỹasouaxashetpi Ñim Nataxala'.» Nache 'am 'auapalaxat 'enauac namayepi.

Levítico 24:16

Qaq 'enauac cam ỹo'ot da l-laraxanaxac qataq da isheuen da le'enaxat Ñim Nataxala', nache qaỹalauat. Nache 'enauac ca lapoota'a't Israel le'ecpi ỹalauat, ỹauota'a na coma' laỹe da ỹasaq. Qaq nache 'ena'am ca chegaqauec huo'otaq Israel le'ec, cha'aye ỹo'ot da l-laraxanaxac, qataq isheuen da le'enaxat Ñim Nataxala', nache camaye qaỹalauat.»

Romanos 8:33

Qaq ỹoqo'oye ¿negue'tom ca ishet da ỹauo'o ca ỹasaxalec lasouaxashet nam lca'aguishecpi Ñim Lo'onatac 'Enauacna? ¡Ye Ñimaye mashe ỹa'axat da ỹapalaxat na lasouaxashetpi namayepi!

Daniel 9:19

¡'Am Nataxala', 'Am Nataxala'! ¡Ñaq qomi' 'aua'axaỹalo, qataq qomi' 'auchoxore'n! ¡Ña qomi' 'auqocha'alo 'Am Nataxala', nache 'auanac da qomi' 'autaua'n! ¡Qaq souaxat da 'arauotaxanaqtaic da qoneta 'Am Ñatamnaxala', qataq souaxat nam huaqta'a't nỹecpi, qataq souaxat na 'aralamaxat nhuo' le'ecpi, maye iỹaxaatega da 'are'enaxat, nache sa 'anaỹaloxon qome da 'auanac!

Daniel 9:9

Qalaxaye 'Am Nataxala', qataq Qanatamnaxala', 'am choxonnataxanaxaic, qataq ishet da 'auapalaxat ca nasouaxashet. Qomi' 'Am sataỹaqa'aguet co'ollaxa

Isaías 44:22

Aỹem sapalaxat co'ollaxa nam 'ane'enaxacpi, qataq na 'arasouaxashetpi 'eeta'am ñaqa'en da 'eetec nam lo'oc na piguem da nlagaxatapec. Ñaq Aỹem 'añe'eguelaxa, cha'aye 'am ñeca'alaxatec co'ollaxa.»

Isaías 1:18

¡Ñim Nataxala', 'eeta': «Ña qauanaqui da ñecotaỹaqapigui de'era lataxac, na'aictoxo' da ỹataqta togaxaraic na qarasouaxashichi, qalaxaye Aỹem so'ot qome da ỹataqta ỹapagaq 'eeta'am aca aloñi, na'aictoxo' da 'eeta'am ca ỹataqta togaxaraic nqo'oilliguishec hualoxolaỹi, qalaxaye Aỹem so'ot qome da ỹataqta ỹapagaq 'eeta'am ca qagueta laue.

Salmos 130:4

Qalaxaye 'am hueto'ot da nchoxonnataxanaxa, ỹoqo'oye ishet da huo'o naq 'enec qanqa'en 'am.

Salmos 103:3

Cha'aye Ñimaye nacheñi ñi ỹapalaxat 'enauac na ỹasouaxashetpi, qataq nataren 'enauac na ỹalolaxasat.

Lucas 5:17

Qaq huo'o so na'a'q So Jesús dapaxaguenataxaatac hueta'a so nỹec. Qaq huo'o na ỹalectauo nso'ootañi nam ỹalectaigui na fariseopi qataq nam dapaxaguenataxaatapeguec na namaxasoxonaxacpi. Somayepi chegaqa'alo naua 'aleu' yem 'alhua ye Galilea, qataq ye 'alhua Judea qataq ye nỹecpi ye Jerusalén, da yaqto' na'axaỹaxana So Jesús. –Qaq souaxat da So Jesús hueto'ot da la'añaxac Ñim Lo'onatac 'Enauacna da yaqto' nataren na sa no'onpi,

Mateo 9:3

Qaq huo'o som ỹalectauopi nam dapaxaguenataxaatapeguec na lamaxasoxonaxacpi so Moisés da lhuennataxac, 'eeta': «¿Negue't ca ipettega de'era ỹale? ¿'Eetega peta'a da nachera dam Lo'onatac 'Enauacna? ¡Damaye ỹataqta mpa'aguene' Ñim Lo'onatac 'Enauacna!»

Miqueas 7:19

Qaq ña 'avi'eguelaxa qome da qomi' 'auchoxore'n, nache 'aulayiñi qome na qaye'etaxaloxosat, nache 'auasaxaña cam ỹataqta pa'aguiñi aso auaxai nam qarasouashetpi.

Salmos 35:5

nache 'eeta'am qome na 'auaqpi da ỹache na la'at, qom ỹasaxauec namayepi so lamaxashec piguem le'ec Ñim Nataxala'.

Lucas 3:8

Qauachaxañi ca qarataxaqui maye ỹachaxan da qaỹa'axañiiuec da qauo'ocheetac naua qarasouaxashe'echilli'. Saishet da qaupicheetega da qami' llalqa so Abraham nache qanca'alliiuec. Cha'aye ỹataqta 'eesa de'era qami' sa'axatema da ivira'a ne'ena coma' Ñim Lo'onatac 'Enauacna ishet da nqochenaxata da ỹauo'o llalaqpi so Abraham.

Lucas 5:22

Qalaxaye So Jesús ỹaỹaten da lhuennataxa somayepi, nache denataxan 'eeta': «¿Ta'ainco' ye qarhuennataxaqui de'era?