Lucas 5:20 - La'aqtaqa Ñim Lo'onatac 'Enauacna 2013

²⁰ Nache So Jesús co'ollaq ila'a da lta'araic lpi'iỹaxa'c soomaye, nache 'enapega so sa no'on, 'eeta': «¡'Am ñauochaxaua, nagui sapalaxat na 'arasouaxashetpi!»

Nuevo Testamento Toba Sur

²⁰ Nachi so Jesús co'ollaq ila'a da lpi'iÿaxa'c soomayi, nachi 'enapega so sa no'on, 'eeta': –'Am ÿaqaÿa, na 'adasouaxashitpi nagui 'enauac qaÿapalaxat.

Nuevo Testamento Toba Sombrero Negro

²⁰ Ca'li Jesús yauana da'me 'uo da'me lepe'e' jogaa'me, qama'le dojapegue' ñe'me leuaĝaic, enaac: —Am yaqaya, ¡jodaa'me adoeco joote qoyapalaĝa't!

Lucas 5:20 Referans Kwoze

Hechos 14:9

Qaq se'eso ỹale co'ollaq na'axaỹaxaatega da la'aqtaxanaxac so Pablo. Nache so Pablo co'ollaq ỹamato'ot somaye, nache ila'a da ỹataqta huo'o da lpi'iỹaxac da qanataren.

Mateo 9:2

Qaq huaña yemaye, co'ollaq qairoua'a so ỹale maye sa da'añiigue, qaỹachetalec so lmala'. Qaq So Jesús co'ollaq ila'a da lpi'iỹaxa'c soomaye, nache 'enapega som ỹale, 'eeta': «¡'Ana'añaxat, 'am ñauochaxaua! Aỹem mashe sapalaxat 'enauac na 'arasouaxashetpi.»

Lucas 7:48

Ime, nache So Jesús 'enapega aso 'alo, 'eeta': «Na 'arasouaxashetpi nagui 'enauac mashe qaỹapalaxat.»

Colosenses 3:13

Ñi 'oonolec da qoñiita ỹataqta nhualaxaune' ca lỹa qataq ichoxoren da huo'otaq huo'o ca ỹasouaxat. Cha'aye, nache 'eetec So Cristo da qami' ichoxore'n.

Juan 2:25

Qaq saishet da iuen da huo'otaq huo'o ca da'aqtaxanem Somaye da lataxac so shiỹaxauapi, cha'aye Somaye maiche ỹaỹateetac da lquiyaqteỹaxac so shiỹaxauapi.

Marcos 2:5

Nache So Jesús co'ollaq ila'a da lta'araic lpi'iỹaxa'c soua ỹale't, nache 'enapego' so sano'on, 'eeta': «'Am ỹalcolec, nam 'arasouaxashetpi nagui 'enauac sapalaxat.»

Santiago 2:18

Qaq nam 'eetega da ỹalaxaguet Ñim Lo'onatac 'Enauacna qalaxaye saishet da ỹo'ot ca ỹaỹamaqchiguiñi, aỹem ishet da shenapega namayepi, sheeta': «'Am, qonetega da 'aualaxaguet Ñim Lo'onatac 'Enauacna, aỹem qalaxaye so'ot ca ỹaỹamaqchiguiñi. Ñaq aỹem 'auachaxana cam ỹa'axat da 'aualaxaguet Ñim Lo'onatac 'Enauacna, qaq aỹem qalaq 'am sachaxana da salaxaguet Ñimaye chegoqchigui dam ỹaỹamaqchiguiñi maye so'ot.

2 Corintios 2:10

Qaq ỹoqo'oye nagui cam qami' mashe qauchoxoyiñi, qaq nataqa'en aỹem sechoxoren camaye. Cha'aye cam aỹem sechoxoren da huo'otaq huo'o ca ỹasouaxat, qalaq camaye sechoxoren souaxat da qoñiita. Qaq damaye ỹauaachigui ñaqa'en So Cristo.

Isaías 38:17

Dam sootaigui co'ollaxa lta'araic ñequi'icỹaxac qalaq nmeneguet nagui da huo'o da ilagaxayec. 'Am aỹem 'anca'alaxateeguesop añi huachiqui maye nlaxaañi 'enauacna, cha'aye 'auapalaxat 'enauac na ỹasouaxashetpi.

Hechos 11:23

Qaq so Bernabé maye no'on da lataxac qataq nlaqchigui da la'añaxac So Saqcha'a Na'añaxac Qui'itta, qataq nda'a't So Qarataxala' da lpi'iỹaxac. Somaye co'ollaq ivi', nache ila'a da lqouagaxanaqtaic Ñim Lo'onatac 'Enauacna da huetalec 'enauac so shiỹaxauapi. Nache somaye ỹataqta machiguiñi. Huaña, nache ỹataqta huaqattega 'enauac somayepi da yaqto' da lquiyaqteỹaxac sa dasheuec, chaqrata da ỹataqta quetegue So Qarataxala'.

Juan 5:14

Qaỹata'ague co'ollaxa de'era, nache So Jesús ilalec somaye huaigui aso no'onaxanaxaqui late'erai, nache 'enapego', 'eeta': –Nagui da mashe 'am no'oita, qaq no'on da saishet da qaltaq huo'o 'anqa'en ca 'arasouaxashet, yaqto' saishet da 'avira'aguet ca ỹapac qauem.

Génesis 22:12

Nache so namaxashec piguem le'ec, 'enapega somaye, 'eeta': «Saishet qome da huo'o ca qona'ac na nogotolec, cha'aye mashe saỹaten da 'am ỹataqta huo'o naq 'enec 'anqa'en Ñim Lo'onatac 'Enauacna, cha'aye qaica ca 'ectega da aỹem 'aỹa'anot na 'oonolec 'aỹa'alec.»

Mateo 9:5

Aỹem qaua'aqtaxañim: ¿Chaq negue't ca ỹoqta saqalaq da qoỹenapec? ¿Peta'a da qoỹeeta': ‹Na 'arasouaxashetpi mashe qaỹapalaxat›, huo'otaq da qoỹeeta': ‹Qoñisheguem, ime, qaq 'auqueuoỹapigui'?›