Lucas 5:17 - La'aqtaqa Ñim Lo'onatac 'Enauacna 2013

¹⁷ Qaq huo'o so na'a'q So Jesús dapaxaguenataxaatac hueta'a so nỹec. Qaq huo'o na ỹalectauo nso'ootañi nam ỹalectaigui na fariseopi qataq nam dapaxaguenataxaatapeguec na namaxasoxonaxacpi. Somayepi chegaqa'alo naua 'aleu' yem 'alhua ye Galilea, qataq ye 'alhua Judea qataq ye nỹecpi ye Jerusalén, da yaqto' na'axaỹaxana So Jesús. –Qaq souaxat da So Jesús hueto'ot da la'añaxac Ñim Lo'onatac 'Enauacna da yaqto' nataren na sa no'onpi,

Nuevo Testamento Toba Sur

¹⁷ Qaq huo'o so na'a'q so Jesús dapaxaguenataxaatac, nachi huo'o na ÿalectauo, nso'ootañi, nam ÿalectaigui na fariseopi qataq nam dapaxaguenataxaatapeguec na nqataxacpi mayi anac, chigaqa'alo naua 'ale'u yim Galilea qataq yi Judea qataq Jerusalén. Nachi da l'añaxac ñi Dios yi'oq da hueta'aguet somayi co'ollaq natadeetac na sa no'onpi.

Nuevo Testamento Toba Sombrero Negro

¹⁷ 'Uo jo'me nolo' da'me Jesús dapaĝaguenataĝatac qama'le uo'oe gaa'me fariseopi choqogaa'me paĝaguenataĝanaĝayaqa daa'me Dios lamaĝajoĝonaĝaco jo'ne yovidedauo, ñichidiñe, jo'ne chiyoqoda'aguelo gaa'me noyaqolqa di'me Galilea, nataq'aen Judea choqodi'me Jerusalén. Qama'le da'me 'lañaĝac joñe'me Jaliaĝanec ue'tajop ñe'me Jesús qaedi e'n yemedegue ga'me leuaĝaiquipi.

Lucas 5:17 Referans Kwoze

Lucas 6:19

Nache 'enauac huotaique da ipoteua'a So Jesús cha'aye ỹaỹaten da la'añaxac maye hueto'ot Somaye da ishet da datannaxan.

Lucas 8:46

Qalaxaye So Jesús qaltaq ỹe'eguelaxalec da 'enapec: –Ỹoqta 'eesa da huo'o ca Aỹem ipoteua'a, cha'aye Aỹem ñanomteueegue da jec so ỹa'añaxac.

Hechos 19:11

Nache Ñim Lo'onatac 'Enauacna ỹo'ot nam lta'araicpi maye sa qaỹauanapigui da chegoqchigui naqa'en so Pablo,

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Hechos 4:30

Qataq qomi' 'aỹa'anema cam 'ara'añaxac, da yaqto' qomi' ñatarenaq na sa no'onpi, qataq da so'otaq na na'anecpi qataq na sa qaỹauanapigui qataq ỹo'oxoraq, da so'onataxanaxa da le'enaxat som qui'itta 'aỹa'alec Jesús.

Marcos 7:1

Na judiopi qataq ỹactec nam chegaqaigui na fariseopi da namayepi quetague' da lataxac som hua'au lta'alpi, da saishet da deque'e da saxanaxa da iỹoi' naua lhua'q. Da ivireua'a ca lma' da mashe imat da nmenaxac, nache saishet da huo'o ca chec nam lsheenaxanaxat da saxanaxa da iỹo. Qaq huo'o so na'a'q, nache nqo'oneua'a So Jesús so fariseopi qataq som dapaxaguenataxaatapeguec na namaxasoxonaxacpi maye chegaqa'ague da Jerusalén. Qaq co'ollaq ỹauaachiguilo da soua lapaxaguenataqa So Jesús da deque'e', qalaxaye saxanaxa da iỹoi' naua lhuaq, nache quetapegueleguete soomaye

Marcos 5:30

Nache So Jesús nomteueegue da jec so la'añaxac laỹe. Nache Somaye ỹamataigui so shiỹaxauapi, nache denataxan, 'eeta': –¿Negue't ca ipoteua'a na ipo'?

Mateo 15:1

Huo'o som chegaqaigui na fariseopi qataq nam dapaxaguenataxaatapeguec na lamaxasoxonaxacpi so Moisés maye chegoqta'ague da Jerusalén inattac So Jesús, 'eeta':

Juan 3:21

Qalaxaye nam ỹo'ottac da 'eesa lataxac, namayepi nqo'oneua'a de'era yo'oqchiguiñi, cha'aye nshetaique da qaila'a da 'enauac nam ỹo'ottacpi da ỹachaxan da ỹalaxagueta naua lamaxasoxonaxaco Ñim Lo'onatac 'Enauacna.

Lucas 2:46

Qaq so lỹa na'a'q, nache ỹanatra So Jesús huetaigui aso no'onaxanaxaqui late'erai ỹalectaigui nam dapaxaguenataxaateguec na namaxasoxonaxacpi. Somaye na'axaỹaxaatac qataq huo'o na lnataxanaxacpi.

Lucas 15:2

Nache nam ỹalectaigui na fariseopi qataq nam dapaxaguenataxaatapeguec na namaxasoxonaxacpi quetapeguelec Somaye, 'eeta': –De'era ỹale, qache ỹaconeguet na 'etaxaloxoicpi qataq lquia'axaua namayepi.

Lucas 7:30

Qalaxaye nam fariseopi, qataq nam dapaxaguenataxaatapeguec na namaxasoxonaxacpi saishet da ỹaỹamaxaren da ỹalaxaguet Ñim Lo'onatac 'Enauacna qataq saishet da ỹaỹamaxaren da nachelaxan so Juan.

Lucas 5:30

Qalaxaye huo'o na fariseopi qataq huo'o na dapaxaguenataxaatapeguec na namaxasoxonaxacpi da quetrapegueleguete soua lapaxaguenataqa So Jesús. Nache 'eetregalo, 'eetra': –¿Ta'ainco' qami' ye qarquia'axauai nam ỹacootapeeguet ana nsheetenaqte ca nta'a qataq nam shiỹaxauapi maye qauem da lataxac?

Lucas 5:21

Nache nam dapaxaguenataxaatapeguec na namaxasoxonaxacpi maye chegoqo'ot so Moisés qataq na fariseopi deuennataxaatac, 'eeta': «¿Negue't cam ipettega dam da'? ¡Da nasaxauec la'aqtac ỹataqta dataỹa'aguet Ñim Lo'onatac 'Enauacna! ¡Nachaqñita Ñimaye da ishet da ỹapalaxat ca nasouaxashet!»

Marcos 16:18

qataq ishet da ỹacongui na na'araxanaq, qataq nỹomgui na deshenataxan, qalaxaye qaica ca 'eetec. Nataqa'en da ỹashel-lec na sa no'onpi, nache no'oita.»

Marcos 3:22

Qalaxaye huo'o som dapaxaguenataxaatapeguec nam namaxasoxonaxacpi maye chegaqa'a ye Jerusalén somayepi, 'eeta': «De'era ỹale, damaye netaigui ñi Beelzebú ñim lataxala' nam na'añaxacpi leguemaxaic. Qaq nacheñi ñim chegoqo'ot de'era la'añaxac da do'otaxaatega da ỹo'orauec namayepi.»

Marcos 1:45

Qalaxaye se'eso ỹale co'ollaq jec, nache quetot da da'aqtaxanem 'enauac na shiỹaxauapi dam 'eetec co'ollaq ishet da no'oita. Qaq ỹoqo'oye So Jesús saishet da nachaxaata da taua'a na hueta'a na shiỹaxauapi. Nachaqrata da huetauga cam saishet da hueta'a na shiỹaxauapi. Qalaxaye, nache 'ena'am na shiỹaxauapi nqo'oneuga ca hueta'a Somaye.

Juan 3:10

Nache So Jesús 'enapeco': –'Am maye 'auapaxagueetac naxa na Israel le'ecpi, qalaq ¿ta'ainco' ye sa 'auaỹaten de'era?

Hechos 5:34

Qalaxaye huo'o so ỹalectaigui na fariseopi, le'enaxat Gamaliel. Somaye damaxasoxoolec da cara'ac qanqatre'c soua namaxa'she. Se'eso Gamaliel, somaye dapaxaguenataxaatapeguec na namaxasoxonaxacpi, qaq na judiopi ỹataqta huo'o naq 'enec naqa'en somaye.