Lucas 5:15 - La'aqtaqa Ñim Lo'onatac 'Enauacna 2013

¹⁵ Nache So Jesús ỹataqta nquictauec da na'aqtaguec. Nache ỹataqta qalota na shiỹaxauapi anac da ỹauotaique da na'axaỹaxana qataq huo'o na anac da huotaique da qanataren.

Nuevo Testamento Toba Sur

¹⁵ Qalaxayi da n'aqtaguec so Jesús ÿataqta nquictauec, nachi ÿataqta qalota na shiÿaxauapi anac da ÿauotaique da n'axaÿaxana qataq huotaique da nataden somayi nam lalolaxapi.

Nuevo Testamento Toba Sombrero Negro

¹⁵ Taqaeue'ta yaqalan taĝa da'me qo'naĝatetapiye joñe'me Jesús ma'ejama'le nichiquetaye, nataq'aen jalcote ga'me jiyaĝadipi qoyemetapega qaedi qodomachiya nataq'aen qaedi e'n yemedegue gaa'me leuaĝayaqa.

Lucas 5:15 Referans Kwoze

Lucas 12:1

Qaq ñaq queta da qalota so shiỹaxauapi lapootapegueua'a So Jesús qataq mashe ivira da huo'o na qaỹe'eguingui. Nache Somaye 'enapegalo soua lapaxaguenataqa, 'eeta': «Maxatchoxo' qome, qarvichiỹa'aguet da latenataxanaxac na fariseopi. Namayepi ỹataqta ỹatenachettac na shiỹaxauapi da 'eetega 'eesa nam la'aqtaxanaxacpi.

Marcos 1:45

Qalaxaye se'eso ỹale co'ollaq jec, nache quetot da da'aqtaxanem 'enauac na shiỹaxauapi dam 'eetec co'ollaq ishet da no'oita. Qaq ỹoqo'oye So Jesús saishet da nachaxaata da taua'a na hueta'a na shiỹaxauapi. Nachaqrata da huetauga cam saishet da hueta'a na shiỹaxauapi. Qalaxaye, nache 'ena'am na shiỹaxauapi nqo'oneuga ca hueta'a Somaye.

Mateo 9:26

Nache 'enauac yi'iye 'alhua maye hueta'a So Jesús imauec da qaỹaỹaten de'era.

Marcos 1:28

Nache saqaỹaloq da qaỹaỹaana'a't da no'on na'aqtaguec So Jesús 'enauac yem 'alhua Galilea.

Juan 6:2

Qaq ỹataqta qalota na shiỹaxauapi ca'attague' Somaye, souaxat da ỹauaachigui na ỹo'ottac na'anecpi maye sa qaỹauanapega, qataq natareetac na sa no'onpi.

Lucas 14:25

Qaq ỹataqta qalota so shiỹaxauapi maye ca'attague' So Jesús, nache Somaye namataique somayepi. Nache 'enapega, 'eeta':

Marcos 3:7

So Jesús jec, nnaicapegueto soua lapaxaguenataqa da taraxaama so loigue aso lapel. Nache qalota so ca'ategue shiỹaxauapi som hua'aqtapeguelec nam ỹo'otpi Somaye. Somayepi huo'o na chegaqa'a ye 'alhua Galilea, qataq ye Judea qataq ye nỹecpi ye Jerusalén, qataq ye Idumea. Qataq huo'o na chegaqa'atague da le'ego so tala Jordán, qataq huo'o na shiỹaxauapi maye chegaqa'a ye saqaỹapeque ye 'alhua Tiro, qataq ye Sidón.

Proverbios 15:33

Da huo'o naq 'enec qanqa'en Ñim Nataxala', damaye dapaxaguenataxanec da naỹaanec, qaq da qanshetaique da qaỹaconeguet da ño'oxoyec, qalaq hua'auñi qanqa'en da qaica ca na'amaqchec.

1 Timoteo 5:25

Nache 'eeta'am da 'eetec ca no'on nataxac. Huo'o ca huaña da saq qalaq da qaila'a, qalaxaye ca lỹa saishet da qaila'a. Qalaxaye damaye saishet da queta da saq yo'oq.

Mateo 9:31

Qalaxaye co'ollaq choche huenoxoore'c, nache da'aqtaxanem 'enauac nam hueta'a yi'iye 'alhua da ỹo'oteque So Jesús soomaye.