Lucas 5:14 - La'aqtaqa Ñim Lo'onatac 'Enauacna 2013

¹⁴ Ime, nache So Jesús 'enapega somaye, 'eeta': –Saishet qome da huo'o ca 'aua'aqtaxanem de'era. Nachaqrata da 'am qojec, 'anachaxaneua'a ñi ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna. Ime, qaq 'aỹa'aneuo aca 'arachetaqtaxanaqte maye damaxasoxoolec co'ollaxa so Moisés, yaqto' na ntaxaỹaxanaxanecpi ỹaỹaten da mashe qaica so 'aralolaxa.

Nuevo Testamento Toba Sur

¹⁴ Nachi so Jesús 'enapega somayi da sa ishit da huo'o ca i'axatem de'eda. Qataq 'enapega, 'eeta': –Chaqdata da 'am qojec, 'anachaxaneu'a ñi ltaxaÿaxanaxanec na shiÿaxauapi da qaitaxaÿapegue' ñi Dios. Ime, qaq 'ai'aneuo aca 'adachitaqtaxanaqte mayi damaxasoxoolec co'olloxochiyi so Moisés acam naigui da mashi 'am qui'itta, yaqto' qaÿaÿaten 'enauac da mashi 'am qui'itta souaxat so 'adalolaxa.

Nuevo Testamento Toba Sombrero Negro

¹⁴ Nataq'aen Jesús 'yaqataĝanec da'me 'laqatac: —Ena'te a'uaqataĝanem gamachaqaega; jaldata da'me oc nayi nataq'aen analoĝoneguet ñe'me tamenaĝaiqui lo'o, choqoda'me auachi ga'me adajaqajec jo'ne laloĝoiqui da'me male am yoqovita, jo'ne damaĝajoĝolegue di'me Moisés, qaedi qoyayate'n jogaa'me tamenaĝaiqui lo'ol da'me yataqachiñe ademegue.

Lucas 5:14 Referans Kwoze

Lucas 17:14

Nache So Jesús co'ollaq ila'alo soomaye, nache 'enapegalo, 'eeta': –Qauesomiỹa, qanachaxañeeua'a cam ltaxaỹaxanaxanecpi nam shiỹaxauapi da qaitaxaỹapegue' Ñim Lo'onatac 'Enauacna. Qaq co'ollaq quetrague' soomaye ca nqa'aic, nache maiche no'oite'.

Mateo 8:4

Nache So Jesús 'enapega somaye, 'eeta': –¡Ỹataqta 'ana'axaỹaxaachigui qome de'era shenapec! Saishet qome da huo'o ca 'aua'axatem de'era. Nachaqrata da 'am qojec, 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, qataq 'aỹa'aneuo qome aca 'arachetaqtaxanaqte maye damaxasoxoolec co'ollaxa so Moisés, yaqto' qaỹaỹaten da mashe 'am no'oita.

Marcos 1:44

–Saishet qome da huo'o ca 'aua'aqtaxanem da 'am qaỹo'otec. Nachaqrato' da qojec, nache 'anachaxaneua'a ñim ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna, da yaqto' 'am imeten. Ime, nache 'aỹa'aneuo qome ca 'arachetaqtaxanaxat maye damaxasoxoolec co'ollaxa so Moisés da ỹan cam mashe no'oita, yaqto' 'enauac da qaỹaỹaten da mashe 'am no'oita.

Mateo 12:16

Nache 'enapega somayepi da saishet da ỹa'axat Somaye.

Mateo 9:30

Huaña nache se'esoua qanamaiqa ỹe'eguelaxa da qaltaq nauaayiñi. Nache So Jesús 'enapegalo soomaye, 'eeta': –Saishet qome da huo'o ca qaua'aqtaxañim de'era.

Levítico 13:2

«Ca shiỹaxaua da huo'o ca lalaache na lo'oc, huo'otaq da nasheguem na lo'oc, huo'otaq da chiỹaxatapega't, nache camaye iuen da qaỹauegueua'a ñi ntaxaỹaxanaxanec Aarón huo'otaq ca 'oonolec nam chegoxoguetpi ñimaye.

Lucas 9:5

Qaq ca huaña da saishet da qami' qaỹaconegueta, qalaq qoquiỹa'ai camaye. Ime, qaq qauchegoqoiuec na namoxoỹaxa naua qarapia'achilli'. Qaq damaye la'anaxat da camayepi saq qami' ỹaconegueta.»

Marcos 6:11

Qaq da huo'o ca huaña da saishet da qami' qaỹaconegueta, qataq saishet da qami' qana'axaỹaxanalo, nache qoquiỹa'ai que'eca qoviita'a qataq qauchegoqoi naua qarapela'achilli', yaqto' de'era la'anaxat da huo'o ca naỹa'a camayepi.» [Qaq ỹataqta 'eesa de'era qami' sa'axatema da qom ivita da qanmit 'enauacna, nache da nhuaxanaguec co'ollaxa so Sodoma qataq so Gomorra saq 'amaqtaq, qaq saq 'ena'am ca nhuaxanaguec qome qanqa'en que'eca shiỹaxauapi maye saq qami' ỹaconegueta.]

Mateo 10:18

Qataq ivira'a qome da qami' qaỹauegueua'alo nam ilotegueto naua 'aleu', qataq na lta'alpi namayepi da yaqto' Aỹem qaua'axache da qauataito'ot namayepi, qataq nam chegaqauec, cha'aye qami' ỹapaxaguenataqa.

Levítico 13:49

da huo'otaq huagui ca nogoxoshet na daralalec huo'otaq tocalec da lo'oxoỹaxac, qache nachera da chegaqaigui da nhuetaxanaxa maye nchega naqa'en na no'oc, nache iuen da qaỹachaxana ca ntaxaỹaxanaxanec,

Lucas 5:13

Nache So Jesús ipoteua'a somaye, nache 'enapega, 'eeta': –¡Aja', seshet! ¡Nagui 'am no'oita! Nache saqaỹaloq da qaica so lalolaxa se'eso sa no'on.