Lucas 5:13 - La'aqtaqa Ñim Lo'onatac 'Enauacna 2013

¹³ Nache So Jesús ipoteua'a somaye, nache 'enapega, 'eeta': –¡Aja', seshet! ¡Nagui 'am no'oita! Nache saqaỹaloq da qaica so lalolaxa se'eso sa no'on.

Nuevo Testamento Toba Sur

¹³ Nachi so Jesús ipoteu'a somayi, nachi 'enapega, 'eeta': –Aja', seshit. Nagui 'am qui'itta. Qaq co'ollaq nasaxauec de'eda l'aqtac, nachi so nalolaxa ca'ai na l'oc som sa no'on.

Nuevo Testamento Toba Sombrero Negro

¹³ Jesús en toĝoyet na'me louaq, enaac: —¡Eja ja'amaqaten: qama'le nayi am yoqovita! Qama'le ñe'me leuaĝaic paja'a ca'e ga'me lapite'na.

Lucas 5:13 Referans Kwoze

Oseas 14:4

Da la'aqtac Ñim Nataxala', 'eeta': «Aỹem saỹamaxaañi qome da qauem lataxac namayepi, nache choche sechoxoren, souaxat da sauotec namayepi, cha'aye da ỹayeloxo mashe ca'ai ñaqa'en namayepi.

Ezequiel 36:29

Qataq seỹouec qome 'enauac na qarshepaxanaqai, qataq so'ot qome da qalota na trigo, nache saishet da qaltaq qami' ñamaxalo ca nqouaxa.

2 Reyes 5:14

Huaña, nache so Namán, taxaama co'ollaxa so tala Jordán, nache siete da huomñigui, ipacchigui da la'aqtac so la'aqtaxanaxanec Ñim Lo'onatac 'Enauacna, nache na lo'oc somaye ỹe'eguelaxa da 'eeta'am na lo'oc ca nogotolec, nache ỹataqta no'oita.

Lucas 4:39

Nache So Jesús nqo'oneua'a asomaye, nache 'enapega se'eso ne'eraxa da jec. Nache se'eso ne'eraxa jec. Ime, nache saqaỹaloq da ñesheguem asomaye, nache iquia'axan 'enauac so hueta'a se'eso lma'.

Salmos 33:9

Cha'aye Ñimaye co'ollaq choche detaqa nache ime naqa'en 'enauacna, qataq co'ollaq choche ỹan da la'aqtac nache ime da nalochiguiñi naqa'en namayepi.

2 Reyes 5:10

Qalaxaye so Eliseo, ỹamaxauec so lamaxashec da 'enapega somaye, 'eeta': «'Anqo'onaxaama qome so tala Jordán, nache siete qome da 'avi'eguelaxañi da 'auomñi, nache no'oita qome na 'aro'oc maye huetalec na lepra.»

Génesis 1:9

Nache Ñim Lo'onatac 'Enauacna 'enapeco': Na npa'atañi 'etaxat huo'o ca laponqa', yaqto' huo'o ca lqaxaỹaxa. Qaq 'era da 'eetec.

Génesis 1:3

Nache Ñim Lo'onatac 'Enauacna 'enapeco': ¡Huo'o ca yo'oqchiguiñi! Nache ipacchigui da yo'oqchiguiñi.

Mateo 8:3

Nache So Jesús ipoteua'a somaye, nache 'eeta': –¡Aja', seshet! ¡Nagui 'am no'oita! Nache co'ollaq choche nasaxauec de'era la'aqtac, nache som nchega na lo'oc, somaye ỹataqta no'oita.

Lucas 5:12

Qaq huo'o so na'a'q co'ollaq hueta'a so nỹecpi So Jesús. Nache nvireuo so 'oonolec ỹale maye sa no'on, somaye nchega na lo'oc; nache ỹa'aroto naua l-llectel So Jesús iviraxata'aguet na latap naqa'en na 'alhua. Nache nachoxoreetacot, 'eeta': –'Am Ỹataxala' aỹem saỹaten da 'aushet da aỹem 'anataren. ¿'Auo'ot peta'a de'era?

Lucas 5:14

Ime, nache So Jesús 'enapega somaye, 'eeta': –Saishet qome da huo'o ca 'aua'aqtaxanem de'era. Nachaqrata da 'am qojec, 'anachaxaneua'a ñi ltaxaỹaxanaxanec na shiỹaxauapi da qaitaxaỹapegue' Ñim Lo'onatac 'Enauacna. Ime, qaq 'aỹa'aneuo aca 'arachetaqtaxanaqte maye damaxasoxoolec co'ollaxa so Moisés, yaqto' na ntaxaỹaxanaxanecpi ỹaỹaten da mashe qaica so 'aralolaxa.