Lucas 4:40 - La'aqtaqa Ñim Lo'onatac 'Enauacna 2013

⁴⁰ Qaq co'ollaq mashe inoxooñi aso nala', nache 'enauac na shiỹaxauapi maye ỹotta'a't na lalolaxapi, qandoua'a So Jesús. Qaq So Jesús ỹashel-lec ñi 'oonolec somayepi, nache no'oita naqa'en.

Nuevo Testamento Toba Sur

⁴⁰ Qaq co'ollaq mashi inoxooñi aso nala', nachi 'enauac na shiÿaxauapi nam huo'o na dalolaxaic huetaña na lma', nam huec na ÿotta'a't nalolaxacpi, nachi qandou'a so Jesús. Nachi so Jesús ÿashil-lec ñi 'oonolec somayipi, nachi no'oita naq'en.

Nuevo Testamento Toba Sombrero Negro

⁴⁰ Ca'li joote yenoĝoñi jañe'me ajeua, da'me yenoĝonegue ga'me nolo' jo'ne niyamaqatac, qama'le ena'uaque gaa'me jo'ne yeleua'ape, jo'ne yodapecache gaa'me lapite'nadi, qoyeda'alo joñe'me Jesús. Qama'le joñe'me yachalo'te naa'me loua' jogaa'me, qama'le onolqa'tape en yemedegue.

Lucas 4:40 Referans Kwoze

Marcos 5:23

nache ỹataqta nachoxoreetot, 'eeta': –Aye ỹalole mashe ileetapigui'. 'Onaxaictaxa da aỹem 'anqouaguec da 'anqo'ona ye ima' da 'auashel-lec ayemaye yaqto' no'oita qataq nquic da nachaalataxac.

Hechos 19:12

ivira'a da huo'otaq qairoua'a somaye ca camachaqca, copaxa huo'otaq ca lỹa nogoxot da ipoteua'a qanqa'en somaye. Qaq da ime, nache qalapaxalec ca sa no'on, nache ishet da no'oita, qataq ỹo'orauec na saqcha'a na'añaxac leguemaxaicpi.

Hechos 5:15

Qaq ỹoqo'oye ivira'a da qanqatec na dalolaxaicpi, qaỹachetaleguete naua lmala'ate da qairougalo na nqa'aico, yaqto' da huo'o ca nateuga so Pedro. Nache na'aictaxa da huo'otaq choche lpaqal ca taalec ca 'oonolec namayepi, nache no'oita.

Marcos 3:10

'Eetai'toxo' da So Jesús mashe qalota so nataren, qalaxaye ñaqaiyeta ña qalota so sa no'onpi. Qaq somayepi ỹataqta coleesop So Jesús da huotaique da ipoteua'a da yaqto' no'oita.

Mateo 14:13

Qaq co'ollaq ỹaỹaten de'era So Jesús, nache ca'ai ca hueta'a, nache ndotec da huenongui aso nllocta da taitague da le'ego, tauga ca qaỹoqteuga 'alhua. Qalaxaye so shiỹaxauapi maye saqaỹapeque que'eca hueta'a co'ollaq la'axaỹaxac, nache piỹañi da icaalec Somaye.

Mateo 11:5

Nagui nam sanauaañi, qalaq nauaachiguiñi, qataq nam ñe'eerauo naua lchel, qalaq queuoỹapigui', qataq nam nchega na lo'oc, qalaq no'oita, qataq nam sa hua'aqa, qalaq ishet da hua'aqa, qataq na mashe ileu, qalaq nca'alec qanqa'en, qataq nam choxoraqpi, qalaq qaỹa'axatem da no'on na'axaỹaxac maye chegaqaigui da nca'alaxa.

Marcos 6:5

Nache ỹashel-lec so sa no'onpi, nache huo'o so nataren, qalaxaye saishet da ỹo'ot ca lỹa na'anec,