Lucas 4:37 - La'aqtaqa Ñim Lo'onatac 'Enauacna 2013

³⁷ Nache qana'aqtaxaatapigui So Jesús qataq na ỹo'otpi 'enauaque naua laỹel yi'iye 'alhua.

Nuevo Testamento Toba Sur

³⁷ Nachi qan'aqtaxaatapigui so Jesús 'enauaque naua laÿil yi'iyi 'alhua.

Nuevo Testamento Toba Sombrero Negro

³⁷ Qama'le qo'naĝatetapiye joñe'me Jesús ena'uaque jogaa'me 'nachaqa'te di'me dijo' aleua.

Lucas 4:37 Referans Kwoze

Lucas 4:14

So Jesús ỹe'eguelaxa ye 'alhua Galilea, ỹataqta nlaqchigui So Saqcha'a La'añaxac Ñim Lo'onatac 'Enauacna. Nache quetagui na lma'pi na shiỹaxauapi qataq dapaxaguenataxaatapoigui ana napaxaguenaxaquipi na judiopi, qaq 'enauac na shiỹaxauapi ỹataqta 'onaxaic da na'aqtaguec da detaqtega Somaye. Nache saqaỹaloq da 'enauac qaỹauatton Somaye yi'iye 'alhua.

Marcos 6:14

So Jesús ỹataqta imauec da qaỹauatton, ivira'a so nta'a Herodes Antipas da hua'aqtapeguelec Somaye. Huo'o na 'eetega da So Jesús, nacheso so Juan maye nachelaxanataxanaq da ỹoltaq nca'alec, nache qalota na ỹo'ot na'anec maye sa qaỹauanapega.

Marcos 1:28

Nache saqaỹaloq da qaỹaỹaana'a't da no'on na'aqtaguec So Jesús 'enauac yem 'alhua Galilea.

Mateo 9:26

Nache 'enauac yi'iye 'alhua maye hueta'a So Jesús imauec da qaỹaỹaten de'era.

Isaías 52:13

Ña qaumichiñi, ñim ỹamaxashec dauegaxan qome, nache huo'o da la'amaqchec qataq qaỹo'oreetac qome.

Marcos 1:45

Qalaxaye se'eso ỹale co'ollaq jec, nache quetot da da'aqtaxanem 'enauac na shiỹaxauapi dam 'eetec co'ollaq ishet da no'oita. Qaq ỹoqo'oye So Jesús saishet da nachaxaata da taua'a na hueta'a na shiỹaxauapi. Nachaqrata da huetauga cam saishet da hueta'a na shiỹaxauapi. Qalaxaye, nache 'ena'am na shiỹaxauapi nqo'oneuga ca hueta'a Somaye.

Mateo 9:31

Qalaxaye co'ollaq choche huenoxoore'c, nache da'aqtaxanem 'enauac nam hueta'a yi'iye 'alhua da ỹo'oteque So Jesús soomaye.