Lucas 4:35 - La'aqtaqa Ñim Lo'onatac 'Enauacna 2013

³⁵ Nache So Jesús nlaxa so saqcha'a na'añaxac leguemaxaic, 'eeta': –¡'Aue'enaxaatai'! ¡Qoca'ai ne'ena ỹale! Nache se'eso saqcha'a na'añaxac leguemaxaic, huañi naqa'en so ỹale, taqtoigui naqa'en somayepi. Ime, nache ca'ai so ỹale, qalaxaye saishet da ỹañoxot da huo'o ca 'ena'ac.

Nuevo Testamento Toba Sur

³⁵ Nachi so Jesús nlaxa so n'ec leguemaxaic, 'eeta': –¡'Au'enaxanai', nal'en qoca'ai ne'ena shiÿaxaua! Nachi se'eso n'ec leguemaxaic nachi huañi naq'en so shiÿaxaua, taqtoigui naq'en somayipi. Ime, nachi ca'ai so shiÿaxaua, sa ishit da huo'o ca 'en'ac.

Nuevo Testamento Toba Sombrero Negro

³⁵ Qama'le Jesús yicochaq ñe'me payac lepaqal, enaac: —¡At'emaqata nataq'aen aĝañi jenjo' jiyaĝaua! Qama'le jo'me nepaqal yijaĝa'ñidi ca'li ga'me jiyaĝaua, ena'uaque qoyec'atetac, qama'le yenoĝonegue qaya'te gamachaqaega ja no'en ta'le 'yetec.

Lucas 4:35 Referans Kwoze

Lucas 4:41

Qaq nam saqcha'a na'añaxacpi maye ca'ai na shiỹaxauapi ỹa'alaqtagui, 'eeta': –¡Nache 'am maye 'am Llalec Ñim Lo'onatac 'Enauacna! Qalaxaye So Jesús nlaxa ne'ena saqcha'a na'añaxac leguemaxaicpi, qataq sa ỹashenem da detaqa, cha'aye namayepi ỹaỹaten da Somaye, nacheso So Lca'aguishec Ñim Lo'onatac 'Enauacna.

Lucas 4:39

Nache So Jesús nqo'oneua'a asomaye, nache 'enapega se'eso ne'eraxa da jec. Nache se'eso ne'eraxa jec. Ime, nache saqaỹaloq da ñesheguem asomaye, nache iquia'axan 'enauac so hueta'a se'eso lma'.

Mateo 8:26

Nache So Jesús 'enapeco': –¿Ta'ainco' ye qayi'i? ¡Qami' ỹataqta saq 'amaqtaq da qarpi'iỹaxaqui Ñim Lo'onatac 'Enauacna! Nache So Jesús ñesheguem, nache 'enapega so la'at qataq ana lapaxa so 'etaxat da vi'iiguet, nache 'enauac ỹe'eguelaxa da ntochiguiñi.

Apocalipsis 12:12

¡Qaq ỹoqo'oye iuen da ntonapigui' na piguem, qataq 'enauac nam hueto'ot namaye! Qalaxaye ¡ỹataqta qauem da taỹa'ague nam huetalec ana 'alhua, qataq nam huetangui aso auaxai! Cha'aye so pa'aguenataxanaxaic ỹataqta dalemata; taña na huetalec ana 'alhua da iloquiaxan. ¡Cha'aye somaye ỹaỹateeta da sa qaỹalec ye ldaqa'!»

Lucas 11:22

Qalaxaye da huo'o ca lỹa ỹale napacalec da la'añaxac camaye, nache loxonec, nache deuotaxanec 'enauac na lo'ogoxonaxatpi maye nteetacot. Ime, nache ỹanoigui na nauochaxauapi.

Lucas 9:42

Qaq co'ollaq mashe saq qaỹapeque se'eso nsoq, nache so saqcha'a na'añaxac leguemaxaic huañi naqa'en somaye, nache ỹo'otec da lta'araic lviloxolaxa na lo'oc. Ime, nache So Jesús nlaxa se'eso saqcha'a na'añaxac leguemaxaic. Nache nataren se'eso nsoq. Ime, nache ỹe'eguelaxatot so lta'a.

Lucas 9:39

Huo'o so saqcha'a na'añaxac leguemaxaic imattaigui, nache ỹa'alaqchettac naxa. Qataq nataqa'en iviloxolaqchet qataq anac naxa naqa'en na lcoche na alap. Qaq naxa da ca'ai, nache ỹataqta qaica naqa'en ca lyac.

Marcos 9:26

Nache so saqcha'a na'añaxac leguemaxaic ỹa'alaq, nache decopche naqa'en so nsoq. Ime, nache ca'ai, qalaxaye 'eeta'am naqa'en da ileu. Qaq ỹoqo'oye qalota na 'eetega da ileu so nsoq.

Marcos 1:26

Nache se'eso saqcha'a na'añaxac leguemaxaic ỹa'alaq, nache ca'ai se'eso ỹale qataq ỹo'otec da ỹataqta lta'araic lviloxolaxa na lo'oc somaye.

Mateo 17:18

Nache So Jesús nlaxa se'eso saqcha'a na'añaxac leguemaxaic maye netaigui se'eso nsoq, nache 'enapega da jec. Huaña nache no'oita so nsoq.

Zacarías 3:2

Nache so lamaxashec Ñim Nataxala' 'enapega so pa'aguenataxanaxaic, 'eeta': «¡Ñim Nataxala' 'am nlaxa! ¡Ñim Nataxala' maye ỹauotec na Jerusalén, 'am nlaxa qome! Cha'aye de'era ỹale 'eeta'am aca poqo 'ettaigui maye cheta'ague da qaỹachegoxotangui ca norec.»

Salmos 50:16

Qaq ca qauemaic qalaq Ñim Lo'onatac 'Enauacna 'enapega, 'eeta': «¿Negue't ca 'am ỹamaxalec da 'aua'axatta'ape naua iqataxaco, qataq da 'aua'axattac da ñaỹamaxataxac?

Marcos 4:39

Nache So Jesús ñesheguem, nache 'enapega so la'at qataq aso lapel da nañaxaayiñi. Nache so la'at vi'iiguet, nache 'enauac da ỹe'eguelaxa da ntochiguiñi.

Lucas 4:23

Nache So Jesús 'enapeco': –Qami' yo'oqta qome da Aỹem qauroilec da na'aqtac naxa maye 'eeta': «¡'Am natannaxanaq, hua'auñi da maiche 'anatareela't!» Qami' qauaỹachiñiita nam so'otpi co'ollaq huaña ye Cafarnaúm, qaq ỹoqo'oye nagui Aỹem qauỹaxañiitacot da so'ot nataqa'en da huaña ne'ena.